۲قورئنتلیلره 9
9
1لازیم دیئل کی موقدّسلره بو خئدمت الهمک حاقّیندا سئزه یازام. 2چونکی کؤمک الهمهیه ائشتئیاقیز اولدوغونی بئلئرم و بونون اوچون سئزئن حاقّیزدا مقدونئیّهلئلرئن یانیندا فخر الهیئرم. اولارا دمئشم اَخایئه منطقه سی کچن ائلدن بری حاضیردیر و سئزئن قیرتئز بئر چوخلارینی حرکته گتئرئب. 3آمّا قارداشلاری گؤندَرمئشم کی، سئزئن حاقّیزدا اولان فخرئمئز بو خوصوصدا بوش اولماسین و ددئیئم کئمی، سئز حاضیر اولاسیز. 4اولمایا، اگر مقدونئیّهلئلر من ائنن گلَلر و سئزی حاضیر اولمامیش گؤرَلر و بئز - دمئرم سئز- بو اعتئماد اوزوندن خجالت چکک. 5بوندان اؤتری ده من قارداشلاردان خاهئش اله مهیی لازیم گؤردوم کی، قاباقدان سئزئن یانیزا گلسئنلر و وعده ورئلمئش احسانیزی قاباقجادان حاضیرلاسینلار. او واخت بو هدئیه، بئر هدئیه اولار کی گؤزی دارلیق ائنان یوخ، بلکی الی آچیقلیق ائنان ورئلئب.
6و بو دا کی، خسئسلئک ائنن سپن خسئسلئک ائنن بئچر، بوللوق ائنان سپن ده بوللوق ائنان بئچر. 7هر کس اورهیئنده نئیّت الهدئیی کئمی ورسئن، کدر ائنن یا دا مجبوری یوخ، چونکی تاری شادلیق ائنان وِرهنی سوئر. 8و تاری قادئردئر کی، بوتون نعمتلری سئزه بول الهسئن، اِله کی، هر شیده همئشه کئفایتئز اولوب هر خیئر عمل اوچون دؤولتلی اولاسیز. 9نجه کی، یازیلیب:
«الی آچیقلیق ائنان، یوخسوللارا وردی؛
صالحلئیی ابده کئمی برقرار قالیر.»
10اکئنچی اوچون توخوم و یمک اوچون چؤرک ورن، اکمک اوچون توخوموزی ورئب چوخالداجاق و صالحلئیئزئن محصولونی آرتیراجاق. 11سئز کامئل سخاوت اوچون هر شیده دؤولتلی اولاجاقسیز کی، بئزئم واسئطهمئز ائنن تارییا شوکور گتئرهجک.
12بو خئدمتئن اله مه یی، نه فقط موقدّسلرئن احتئیاجلارینی رفع الهیئر، بلکی اولارین تارییا ورن شوکورلری ائنن چوخالیب داشیر دا. 13بو خئدمتئز ائنن ورئلن ثوبوتا گؤره تارییا حمد الئیهجکلر کی، ائقرار الهدئیئز مسئحئن ائنجئلئندن ائطاعت الهیئب، اولاری و هامینی سخاوت ائنن شرئک الهیئرسئز. 14اولار دا تارینین سئزده بول اولان فیضئندن اؤتری سئزه موشتاق اولوب، سئزئن اوچون دوعا الهیئرلر. 15تارییا سؤز ائنن بیان اولونا بئلمهین عطاسی اوچون شوکورلر اولسون.
Currently Selected:
۲قورئنتلیلره 9: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
