۲قورئنتلیلره 10
10
پولوس اؤزوندن دئفاع الهیئر
1من، پولوس کی، سئزئن آرازدا حاضیر اولاندا حلئم، آمّا قایئب اولاندا جسورام، مسئحئن حلئملئیی و مولایئملئیی آدینا سئزدن خاهئش الهیئرم 2و یالواریرام کی، سئزئن یانیزا گلنده، مجبور قالماییم کی، بعضئلرئن ضئدّئنه ددئیئم جورعتئمی گؤرسدئم. او آداملارین ضئدّئنه کی، گومان الهیئرلر بئزئم رفتاریمیز جئسمانی دئر. 3چونکی گرچی بئز جئسمده یاشاییریق، آمّا جئسمه گؤره جنگ اله مئرئک. 4چونکی جنگئمئزئن سئلاحلاری جئسمانی دیئللر، بلکی قالالاری ییخماق اوچون تارینین قودرتئنه مالئکدئرلر. 5بئز نظرئیّهلری و تارینین معرئفتئنه ضئدّ دوران هر باطئل شیی ییخیریق و هر دوشونجهنی مسئحئن ائطاعتئنه اسئر الهیئرئک. 6و سئزئن ائطاعتئز نه زامان تکمئل اولسا، هر جور ائطاعتسئزلئیی جزالاندیرماغا حاضیریق.
7آیا هر شیه ظاهئری گؤرونوشونه گؤره باخیرسیز؟ اگر بئر کسئن اؤزونده بو یقئنی وار کی، مسئحئندئر، قوی گئنه ده اؤزونده دوشونسون کی، او اؤزی نجه مسئحئنکئدئر، بئز ده الهیئک. 8چونکی حتّا اگر ربّئن بئزه وردئیی قودرتئنه فخر اِله سَم ده، اوتانان دیئلم، او قودرته کی، سئزی ییخماق اوچون یوخ، بلکی سئزی داها چوخ بئنا الهمک اوچوندور. 9چونکی ائستهمئرم اِله گؤرونوم کی، گویا نامهلرئم ائنن سئزی قورخودورام. 10چونکی دیئرلر: «نامهلری آغیر و قودرتلیدئر، آمّا شخصی گؤرونوشی تأثئرسئز، نوطقی ده حقئردئر.» 11بله دوشونَن آدام قوی بئلسئن کی، بئز قایئب اولاندا هر نه کی نامهلرئمئزده دیئرئک، حاضیر اولاندا دا اونا عمل اِلهیئرئک.
12چونکی بئزده او جسارت یوخدور کی، اؤزوموزی، اؤزلرئنی تعرئفلهین بعضئلرئنه اوخشاداق، یا دا اولار ائنان موقایئسه الهیک. اولار اؤزلرئنی اؤزلری ائنن اؤلچهرک و اؤزلرئنی اؤزلری ائنن موقایئسه الئیه رک، آنلاقسیز اولورلار. 13آمّا بئز حدّئمئزدن آرتیق فخر اله مئیهجهیئک، بلکی او حدّه جاق فخر الئیه جه یئک کی تاری بئزئم اوچون تعیئن الهیئب، او حدّی کی سئزه ده یتئشئب چاتاجاق. 14بئز، اؤز حدّئمئزدن آرتیق آیاقلاریمیزی اوزاتمیریق، چونکی مسئحئن ائنجئلئنئن خوش خبری ائنن سئزئن چاتدیغیز یره بئز اوّل چاتدیق. 15بئز حدّدن آرتیق، یعنی اؤزگه آداملارینین زحمتئنه فخر اله مئرئک، آمّا اومئدئمئز وار کی، سئزئن ائمانیز بؤیودوکجه، بئز ده اؤز حدّئمئزئن ائچنده داها دا آرتیق ووسعت تاپاق. 16اِله کی، ائنجئلئن خوش خبرئنی سئزئن او تاییزداکی اؤلکهلره اعلان الهیک. چونکی ائسته مئرئک اؤزگه بئرئنئن حدّی-حودودوندا باشا چاتدیریلمیش بئر ائشه فخر الهیک. 17«قوی فخر الهین آدام، ربّه فخر الهسئن.» 18چونکی اؤزونی تعرئف الهین یوخ، بلکی ربّئن تعرئف الهدئیی آدام مقبول ساییلیر.
Currently Selected:
۲قورئنتلیلره 10: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
