۲قورئنتلیلره 8
8
سخاوتلی هدئیّه
1قارداشلار، ائستهیئرئک کی، تارینین مقدونئیّه منطقهسئده کی کئلئسالارینا وردئیی فیضدن سئزی آگاه الهیک. 2بؤیوک موصئبتلر ائنن ائمتاحان اولوندوقلاری حالدا، اولارین بول-بول شادلیغلاریندان و درئن یوخسوللوغلاریندان، بؤیوک بئر سخاوت جوشوب آخدی. 3و من شاهئدم کی، گوجلری چاتانا قدر، حتّا داها دا آرتیق اؤز ائستکلری ائنن ورئب، 4بئزه چوخ یالواردیلار کی، موقدّسلره خئدمت الهمک ائشئنده شرئک اولماق اوچون، اولارا ائجازه ورک. 5و بو بئزئم گومان الهدئیئمئز کئمی دیئلدی، بلکی اولار اوّل اؤزلرئنی ربّه، سورا دا تارینین ائرادهسی ائنن بئزه تقدئم الهدئلر. 6بونا گؤره بئز تئطوسدان خاهئش الهدئک کی، بو احسان ائشئنی اوّلدن نجه باشلامیشدی، اِله اوجور ده سئز ائنن بئرلئکده بئتئرسئن. 7آمّا نجه کی، سئز هر شیده، ائماندا، بیاندا، معرئفتده، هر جور جهدده و بئزه اولان محبّتئزده باشسیز، بو احسان ائشئنده ده باش اولون.
8بونی بئر امر کئمی یوخ، بلکی اؤزگهلرئن قیرتئنه خاطئر محبّتئزئن خالئصلئیئنی محک وورماق اوچون دیئرم. 9چونکی سئز ربّئمئز عئسا مسئحئن فیضئنی بئلئرسئز: او، وارلی اولدوغی حالدا، سئزئن خاطئرئزه یوخسول اولدی کی، سئز اونون یوخسوللوغی ائنن وارلی اولاسیز.
10بو حاقدا من نظرئمی ورئرم، چونکی بو، سئزئن اوچون فایدالیدیر: سئز اوّلکی آداملار ائدئز کی کچن ائل نه فقط بو ائشی باشلاماقدا، بلکی بو ائشی گؤرمک اوچون ده ائشتئیاقیز وار ائدی. 11پس ائندی بو ائشی باشا چاتدیرین کی، نجه اونی گؤرمک اوچون ائشتئیاقیز وار ائدی، اونی گوجوز چاتانا قدر باشا چاتدیرماقدا دا ائشتئیاقیز اولسون. 12چونکی اگر ائشتئیاق اولسا، ائنسانین هدئیه سی اَلئنده اولمایانا گؤره یوخ، اَلئنده اولانا گؤره، مقبول اولور.
13چونکی بئزئم قصدئمئز بو دیئل کی، اؤزگهلر راحاتلیقدا و سئز سیخینتیدا اولاسیز، بلکی برابرلئیه گؤرهدئر، 14اله کی سئزئن بوللوغوز اولارین احتیاجینی رفع الهسئن و اولارین دا بوللوغی سئزئن احتیاجیزی رفع الهسئن و بله ده برابرلئک اولسون. 15نجه کی، یازیلیب: «چوخ ییغانین آرتیغی، آز ییغانین دا اَسکئیی اولمادی.»
پولوس تئطوسی سئفارئش الهیئر
16تارییا شوکور اولسون کی، همن قیرتی سئزئن اوچون تئطوسون اورهیئنه قویدی. 17چونکی او، فقط بئزئم خاهئشئمئزی قبول اله مهدی، بلکی داها دا چوخ قیرت گؤرسدئب، اؤز ائستهیی ائنن سئزئن یانیزا گلدی. 18بئز ده اونونان او قارداشی گؤندَردئک کی، ائنجئلئن خوش خبرئنئن ائشئنده اونون تعرئفی بوتون کئلئسالاردا یاییلیب. 19و نه آنجاق بو، کئلئسالار طرفئندن ده تعیئن اولوب کی، ربّئن اؤز جلالی اوچون بئزئم طرفئمئزدن ائداره اولونان بو احسان ائشئنده بئز ائنن سفره چیخیب، ائستهیئمئزی گؤرسون. 20بئز احتئیاط الهیئرئک کی، اولمایا کی بو سخاوتلی هدئیّهنئن ائداره اله مهسئنده بئر کس بئزی اعتئبارسیز الهسئن. 21چونکی دئقّت الهیئرئک کی، آنجاق ربّئن گؤزونده حؤرمتلی اولانی یوخ، ائنسانلارین گؤزونده ده حؤرمتلی اولانی یرئنه یتئرک.
22اولار ائنان برابر قارداشیمیزی دا گؤندَرئرئک کی، اونی دفهلر ائنن ائمتاحانا چکئب نهقدر قیرتلی اولدوغونی گؤرموشوک. و ائندی سئزه اولدوغی او بؤیوک اعتئمادی اوچون داها دا چوخ قیرت گؤرسدئر. 23تئطوسا گلئنجه، او منئم یولداشیم و آرازدا منئم همکاریمدیر. قارداشلاریمیزا گلئنجه، کئلئسالارین اِلچئلری، مسئحئن ده جلالیدیرلار. 24پس کئلئسالارین حوضوروندا اؤز محبّتئزی اولارا ثابئت اله یئن و سئزئن حاقّیزدا الهدئیئمئز فخرئن سببئنی آچیقجا اولارا گؤرسدئن.
Currently Selected:
۲قورئنتلیلره 8: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
