۲قورئنتلیلره 7
7
1بله ده ای عزئزلر، بو وعدهلره مالئک اولان کئمی، اؤزوموزی هر جور جئسمانی و روحانی ناپاکلیقدان تمئزلهیک و تارینین قورخوسوندا موقدّسلئیی کامالا یتئرک.
پولوسون شادلیغی
2اورَکلرئزده بئزه یر ورئن. هچ کئمی ائنجئتمهدئک، هچ کئمی فسادا چکمهدئک، هچ کئمدن اؤز منفعتئمئز اوچون ائستئفاده اله مهدئک. 3بونی سئزی محکوم الهمک اوچون دمئرم، چونکی اوّلده ده ددئم کی، اورهیئمئزده اِله بئر یرئز وار کی، حاضیریق سئز ائنن بئر یرده اؤلَک، بئر یرده ده یاشایاق. 4سئزه اولان اعتئمادیم بؤیوکدور، سئزئن حاقّیزدا الهدئیئم فخر بؤیوکدور، تسلّی ائنن دولویام، بوتون موصئبتئمئزده شادلیقدان جوشورام.
5چونکی حتّا مقدونئیّه منطقهسئنه گلدئیئمئز واخت دا، بدنئمئز راحاتلیق گؤرمه دی؛ بلکی هر طرفدن سیخیلیردیق - اشئکده داعوالار وار ائدی، ائچهرئده قورخولار. 6آمّا ازئلنلره تسلّی ورن تاری، تئطوسون یانیمیزا گلمهسی ائنن بئزه تسلّی وردی. 7نه آنجاق اونون گلمهسی ائنن، بلکی او تسلّی ائنن ده کی، او اؤزی سئزئن یانیزدا تاپیب. سئزئن بؤیوک حسرتئزی، آغلاشماغیزی و منه اولان قیرتئزی بئزه خبر ورنده داها آرتیق سوئندئم.
8چونکی اگر یازدیغیم نامه ائنن سئزی قمگئن اِلهمئش اولسام دا، پشمان دیئلم. گرچی بئر آز پشمان اولدوم، اونا گؤره کی، گؤرورَم سئزی قیسا بئر مودّت اوچون اولسا دا، قمگئن الهدی - 9آمّا ائندی من سوئنئرم؛ قمگئن اولدوغوز اوچون یوخ، بونون اوچون کی، سئزئن قمگئن اولماغیز تؤوبه یه ختم اولدی. چونکی سئز تارینین ائستهدئیی شکئلده قمگئن اولوندوز، اله کی، بئزدن هچ بئر ضرر چکمهیهسئز. 10چونکی تارینین ائستهدئیی شکئلده قمگئن اولماق اله بئر تؤوبهنی حاصئل اِله یئر کی، نئجاتا آپاران و پشمانسیزدیر، آمّا دونیانین قمی اؤلومی حاصئل الهیئر. 11چونکی گؤرون اِله بو، یعنی تارینین ائستهدئیی شکئلده قمگئن اولماق سئزده نه بؤیوک جهد، نه قدر عوذورخاهلیق، نه غضب، نه قورخی، نه حسرت، نه قیرت، قَلط ائشئن ضئدّئنه ده نه ائنتئقام حاصئل الهدی! سئز هر شیده گؤرستدئز کی، او جهتدن معصومسوز. 12بله ده سئزه یازدیغیمی، حاقسیزلیق الهین آدامدان اؤتری و یا حاقسیزلیق چکن آدامدان اؤتری یازمادیم. اونون اوچون یازدیم کی، تارینین حوضوروندا سئزئن بئزئم حاقّیمیزدا اولان قیرتئز سئزه آشکار اولسون. 13بونا گؤره ده تسلّی تاپمیشیق.
بئزئم تسلّئمئز بئر یانا، تئطوسون شادلیغی بئزی داها چوخ سوئندئردی. چونکی اونون روحی سئزئن هامیزدان تزهلهنئب. 14من اونون یانیندا سئزه فخر اِله دئم و سئز ده منی اوتاندیرمادیز. آمّا بوتون شیلری سئزه نجه حقئقتده دانیشدیق، اِله اوجور ده، تئطوسون یانیندا الهدئیئمئز فخر حقئقت چیخدی. 15و هامیزین ائطاعتئنی، نجه قورخی و لرزه ائنن اونی قبول اله مهیئزی خاطیرلادیقجا، سئزه اولان محبّتی داها چوخ آرتیر. 16سئزه هر شیده بل باغلایا بئلدئیئم اوچون سوئنئرم.
Currently Selected:
۲قورئنتلیلره 7: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
