۲قورئنتلیلره 6
6
1بئزلر کی تاری ائنن بئرلئکده ائشلهیئرئک، سئزه یالواریریق کی، تارینین فیضئنی بوش یره قبول اله مئیهسئز. 2چونکی او دیئر:
«قبول اولان واختدا سنه قولاق آسدیم،
نئجات گونونده سنه کؤمک الهدئم.»
باخ، ائندی «قبول اولان واختدیر»، باخ ائندی «نئجات گونودور.»
پولوسون چکدئیی چتئنلئکلر
3بئز هچ بئر شیده هچ کسئن ائنجئمهسئنه باعئث اولمادیق کی، خئدمتئمئز اعتئباردان دوشمهسئن. 4بلکی هر شیده اؤزوموزی تارینین خئدمتچئلری گؤرسدئرئک؛ چوخ طاقت گتئرمکده، موصئبتلرده، چتئنلئکلرده، پرئشانلیقلاردا، 5کؤتکلرده، حبسلرده، ائغتئشاشلاردا، زحمتلی ائشلرده، یوخوسوزلوقلاردا، آجلیقدا، 6پاکلیقدا، معرئفتده، صبئرده، مهرئبانلیقدا، موقدّس روحدا، اصئل محبّتده، 7حقئقتئن سؤزونده، تارینین قودرتئنده، صاغ و یا سول اللرئمئزده صالحلئک سئلاحلاری ائنن، 8حؤرمت و حؤرمتسئزلئک ائنن، مذمّت و تعرئف ائنن. آلداتانلار ساییلساق دا، دوز آداملاریق. 9نامعلوملار ساییلیریق، آمّا چوخ دا مشهور. اؤلن آداملار ساییلیریق، آمّا باخ، دئرئیئک. جزا چکئرئک، آمّا حله ده اؤلمه مئشئک. 10قمگئنلر کئمی، آمّا همئشه شاد. یوخسول، آمّا بئر چوخلارینی وارلی الهین. هچ بئر شیی اولمایان، آمّا هر شیه مالئک اولان.
11ای قورئنتلیلر، سئز ائنن آچیقجا دانیشدیق، سئزه اورهیئمئزی آچدیق. 12بئز سئزه اولان محبّتئمئزی سئزدن قییمادیق، سئزسئز کی، بئزه اولان محبّتئزی بئزدن قیییرسئز. 13بونون موقابئلئنده - اوشاقلاریما دانیشان کئمی دانیشیرام - سئز ده اورهیئزی آچین.
ائمانسیزلار ائنان بئر یوغا گئرمهیئن
14ائمانسیزلار ائنان بئر یوغا گئرمهیئن، چونکی صالحلئک ائنن شرئعتسئزلئیئن نه موشارئکتی، نور ائنان قارانلیغین دا نه رفاقتی اولا بئلر؟! 15مسئح ائنن بِلئعال آراسیندا نه موناسئبت اولا بئلر؟ و یا ائمانلی ائنن ائمانسیز آراسیندا نه موشترک بئر شی اولا بئلر؟ 16تارینین معبدئنئن بوتلر ائنن نه راضیلیغی اولا بئلر؟ چونکی بئز دئری تارینین معبدئیئک. نجه کی، تاری ددی:
«اولاردا ساکئن اولوب
آرالاریندا یرئیهجهیم؛
اولارین تاریسی اولاجاغام،
اولار دا منئم خالقیم اولاجاقلار.»
17بونا گؤره رب دیئر:
«اولارین آراسیندان چیخین، اولاردان آیریلین.
نجئس بئر شیه ال وورماین.
من ده سئزی قبول الئیه جهیم.»
18هر شیه قادئر اولان رب دیئر:
«من سئزه آتا اولاجاغام،
سئز ده منه اوغوللار و قیزلار اولاجاقسیز.»
Currently Selected:
۲قورئنتلیلره 6: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
