۲قورئنتلیلره 5
5
گؤیده کی اوئمئز
1بئلئرئک کی، اگر بو یرده اولان چادیر اِوئمئز ییخیلسا، گؤیلرده تاریدان بئر عئمارتئمئز وار؛ اَل ائنن تئکئلمهمئش ابدی بئر اِوئمئز. 2چونکی بو اِوده آه چکئرئک و آرزولاییریق کی، گؤیدن اولان مسکنئمئزی گِیئنک. 3نه قدر کی، اونی گِیئنمئشئک، لوت گؤرونمهیهجهیئک. 4دوغرودان دا بئز بو چادیردا اولاندا، آغیر بئر یوک آلتیندا آه چکئرئک، چونکی سویونماق یوخ، گِیئنمک ائستهیئرئک کی، فانی اولانی حیات اودسون. 5بئزی بو مقصد اوچون حاضیرلایان تاریدیر کی، موقدّس روحون بِیعانسئنی بئزه وردی.
6بونا گؤره همئشه جسوروق و بئلئرئک ده کی، بدنده یاشادیقجا ربدن اوزاقداییق. 7چونکی گؤرمک ائنن یوخ، ائمان ائنان رفتار الهیئرئک. 8بلی، بئز جسوروق و بدندن کؤچوب، ربّئن یانیندا مسکن الهمهیی داها چوخ ائستهیئرئک. 9اونون اوچون ده اللشئرئک کی، ائستر اِوده ائستر قوربتده، اونی راضی الهیک. 10چونکی بئزئم هامیمیزا لازیمدیر کی، مسئحئن حؤکم تختئنئن قاباغیندا ظاهئر اولاق، اله کی هر بئرئمئز بدنده یاشایاندا گؤردویوموز یاخشی و یا پئس ائشلرئن عوضئنی آلاق.
باریش خئدمتی
11بونا گؤره ربدن قورخماغین نه اولدوغونی بئلهمک ائنن بئز، ائنسانلاری قانع الهمهیه اللشئرئک؛ آمّا نه اولدوغوموز تارییا آشکاردیر و اومئدئم وار کی، سئزئن وئجدانیزا دا آشکاردیر. 12اؤزوموزی گئنه سئزئن یانیزدا تعرئفلهمئرئک؛ آمّا سئزه فورصت ورئرئک کی، بئزدن اؤتری فخر اِلئیهسئز، اله کی، اورَکده یوخ، بلکی ظاهئرده فخر الهینلره بئر جاوابیز اولسون. 13اگر بئز عاغلیمیزی ائتئرمئش اولساق، بو تاری اوچوندور. یوخ، اگر عاغلیمیز باشیمیزدا اولسا، بو سئزئن اوچوندور. 14چونکی مسئحئن محبّتی بئزه حاکئمدئر و بئز قانع اولوروق کی، هامی اوچون بئری اؤلدی، بله ده هامی اؤلدولر. 15و او هامی اوچون اؤلدی کی، یاشایانلار آرتیق اؤزلری اوچون یوخ، اولارین یولوندا اؤلن و دئرئلن اوچون یاشاسینلار.
16بونا گؤره بئز ائندئدن بله هچ کئمی جئسمانی باخیمدان تانیمیریق؛ اگر مسئحی جئسمانی باخیمدان تانیمیش اولساق دا، آرتیق ائندی اِله تانیمیریق. 17بونون اوچون کئم مسئحدهدئر، تزه مخلوقدور. کؤهنه شیلر کچدی؛ باخ ائندی هر شی تزه اولوب. 18بولارین هامیسی تاریداندیر. او تاریدان کی، بئزی مسئحئن واسئطهسی ائنن اؤزی ائنن باریشدیردی و بئزه باریشدیرما خئدمتئنی وردی. 19یعنی، تاری مسئحده، دونیانی اؤزی ائنن باریشدیریردی و تقصئرلرئنی اولارین حسابینا یازماییردی و باریشدیرما کلامینی بئزه تاپشیردی. 20دمهلی بئز مسئحئن الچئلرئیئک. اله بئل کی، تاری بئزئم واسئطهمئز ائنن ائرتئباط قورور. بئز مسئحئن عوضئنده سئزه یالواریریق کی، تاری ائنن باریشاسیز. 21او، گوناهی بئلمهینی، بئزئم عوضئمئزده گوناه الهدی کی، بئز اوندا تارینین صالحلئیی اولاق.
Currently Selected:
۲قورئنتلیلره 5: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
