۲قورئنتلیلره 4
4
پولوسون حوارئلئک خئدمتی
1بونون اوچون ائندی کی، آلدیغیمیز رحمته گؤره، بو خئدمتئمئز وار، یورولموروق. 2آمّا عاییب اولان گئزلی شیلری ردّ اله مئشئک. حئیلهگرلئک ائنن رفتار اله مئرئک. تارینین کلامینی تحرئف اله مئرئک. بلکی حقئقتی گؤرسدمک ائنن، تارینین حوضوروندا اؤزوموزی هر کسئن وئجدانی یانیندا تصدئق الهیئرئک. 3و اگر خوش خبرئمئز اؤرتولودور، هلاک اولانلارا اؤرتولودور. 4یعنی او ائمانسیزلارا کی، بو عصرئن آللاهی اولارین ذهئنلرئنی کور الهیئب. اِله کی، تارینین شکئلی اولان مسئحئن شؤوکتئنئن خوش خبرئنئن نوری اولاری آیدینلاتماسین. 5چونکی بئز اؤزوموزی یوخ، بلکی مسئح عئسانی رب اعلان الهیئرئک، اؤزوموزی ده عئسانین خاطئرئنه سئزئن قوللاریز! 6چونکی «قارانلیقدان ائشیق پارلاسین» دئین تاری، اله اودور کی، اورَکلرئمئزده ائشیقلانیب. اِله کی، مسئحئن جامالیندا تارینین جلالینین معرئفتئنئن نورونی عطا الهسئن.
7آمّا بو ثروتی ساخسی قابلاردا ساخلاییریق کی، بو لاپ بؤیوک قودرت بئزه یوخ، تارییا عایید اولسون. 8هر طرفدن موصئبت آلتینداییق، آمّا ازئلمهمئشئک. حیرانیق، آمّا چارهسئز دیئلئک. 9عذاب چکئرئک، آمّا ترک اولونموش دیئلئک. ییخیلیریق، آمّا هلاک اولمامیشیق. 10همئشه هر یرده عئسانین اؤلومونی بدنئمئزده گزدئرئرئک کی، عئسانین حیاتی دا بدنئمئزده ظاهئر اولسون. 11چونکی بئز دئرئلری، عئسانین خاطئرئنه دائم اؤلومه تسلئم الهیئرلر کی، عئسانین حیاتی دا فانی اولان بدنئمئزده ظاهئر اولسون. 12بله ده اؤلوم بئزده ائشلهیئر، آمّا حیات سئزده!
13یازیلیب کی، «ائناندیم، اونا گؤره ده دانیشدیم.» بئز ده اِله همن او ائمانین روحی ائنن ائنانیب، اونا گؤره ده دانیشیریق. 14و بئلئرئک ده کی، رب عئسانی دئرئلدن، بئزی ده عئسا ائنن دئرئلدهجک و سئز ائنن بئر یرده اؤز حوضورونا چیخارداجاق. 15چونکی بوتون بولار سئزئن اوچوندور کی، چوخ ائنسانلارین اوستونه چوخالان فیض، تارینین شؤوکتی اوچون شوکورلره باعئث اولسون.
16بونا گؤره بئز یورولموروق؛ ظاهئرئمئز پوزولسا دا، باطئنئمئز گوندن-گونه تزهلنئر. 17چونکی کچئب-گدن یونگول موصئبتلرئمئز بئزئم اوچون اله بؤیوک و ابدی بئر شؤوکت حاصئل الهیئر کی، هچ بئر شی ائنن موقایئسه اولونا بئلمز. 18چونکی بئز گؤرونن شیلره یوخ، بلکی گؤرونمهین شیلره باخیریق. اونا گؤره کی، گؤرونن شیلر کچئب-گدن، آمّا گؤرونمهین شیلر ابدیدئر.
Currently Selected:
۲قورئنتلیلره 4: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
