۲قورئنتلیلره 2
2
1آمّا من بونا قرار وردئم کی، بئر داها سئزئن یانیزا قم ائنن گلمهیئم. 2چونکی اگر من سئزی قمگئن اله سم، قمگئن الهدئیئم سئزلردن باشقا کئم منی شاد الئیهبئلر؟ 3من ده محض بونا گؤره سئزه یازدیم کی، اولمایا کی یانیزا گلدئیئم واخت، اِله او کسلردن قم گؤروم کی، منی شاد الهمهلی ائدئلر. چونکی سئزئن حاقّیزدا ائناندیغیم بودور کی، منئم شادلیغیم هامیزین شادلیغیدیر. 4چونکی موصئبتئن چوخلوغوندان و اورَک ائضطئرابیندان چوخلی گؤزیاشی ائنن سئزه یازدیم، نه کی، سئزی قمگئن الهیم، بلکی منئم سئزه اولان بول محبّتئمی درک الئیهسئز.
گوناهکار آدامی باغیشلایین
5اگر بئر کس قم گتئرئب، منی یوخ، بلکی موبالئغه اله مه یئب دیئم کی، بئر حدّهجاق سئزئن هامیزی قمگئن الهیئب. 6بله آداما اکثرئیّت طرفئندن ورئلن تنبه بسدئر. 7پس بونون یرئنه سئز گرک اونی باغیشلاییب، اونا تسلّی ورهسئز، اولمایا کی بله بئر آدام حدّئندن آرتیق قَمه قرق اولسون. 8بونا گؤره تشوئق الهیئرم، اونی اؤز محبّتئزدن گئنه آرخایین الهیئن. 9بونون اوچون ده سئزه یازدیم کی، سئزی ائمتاحان الهیئب گؤروم آیا هر شیده موطئعسئز. 10اگر سئز بئر کسی باغیشلایاسیز، من ده اونی باغیشلایارام. اگر بئرئنی باغیشلامیشام - البتّه اگر باغیشلاماق اوچون بئر شی اولسا - اونی مسئحئن حوضوروندا سئزئن خاطئرئز اوچون باغیشلامیشام، 11اله کی شیطان بئزه قالئب گلمهسئن، چونکی اونون فئتنهلرئندن خبرسئز دیئلئک.
تاری اوچون خوش عطئر
12مسئحئن ائنجئلئنئن خوش خبرئنی یایماق اوچون تروآس شهرئنه گلدئیئم واخت، ربده منه بئر قاپی آچیلدی، 13آمّا قارداشیم تئطوسی تاپا بئلمهدئیئم اوچون، روحوم راحات اولمادی. پس اوراداکیلار ائنان وئداعلاشیب مقدونئیّهیه گتدئم.
14آمّا تارییا شوکورلر اولسون کی، بئزی همئشه مسئحئن ظفرئنده قاباغا آپاریر و هر یرده بئزدن اونون معرئفتئنئن خوش رایئحهسئنی ظاهئر الهیئر. 15چونکی بئز تارییا، هم نئجات تاپانلار آراسیندا، هم ده هلاک اولونانلار آراسیندا، مسئحئن خوش عطئرئیئک. 16بئرئنه اؤلوم اوچون اؤلوم رایئحهسییئک، او بئرئنه ده حیات اوچون حیات رایئحهسی. و کئم بو شیلره کئفایتدئر؟ 17چونکی بئز بئر چوخلاری کئمی دیئلئک کی، تارینین کلامینی تئجارت وسئلهسی الهیک، بلکی بئز خولوص ائنان، او آداملار کئمی کی تاری طرفئندن و تارینین حوضوروندا دیرلار، مسئحده دانیشیریق.
Currently Selected:
۲قورئنتلیلره 2: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
