۱قورئنتلیلره 16
16
موقدّسلر اوچون هدئیّه ییغماق
1موقدّسلر اوچون هدئیّه ییغماق بارهده، سئز ده قالاتئیا کئلئسالارینا سئفارئش الهدئیئم کئمی عمل الهیئن. 2هر هفتهنئن ائلک گونونده، هر بئرئز اؤز قازانجینا گؤره یانیندا بئر قدر پول ساخلاسین کی، من گلنده آرتیق پول ییغیلماسین. 3اورایا یتئشدئیئمده سچدئیئز آداملارا معرئفی نامه ورهرم و اولاری هدئیّهلرئز ائنن اورشلئم شهرئنه گؤندَرهرم. 4و اگر موناسئب اولسا کی من ده گدم، اولار من ائنن گدرلر.
شخصی ائسته مکلر
5سئزئن یانیزا مقدونئیّه منطقه سئندن کچنده گلهجهیم. چونکی مقدونئیّهدن کچهجهیم. 6بلکه ده یانیزدا بئر آز قالدیم و یا حتّا قیشی اوردا کچئرتدئم کی، سئز منی گدهجهیئم یره یولا سالاسیز. 7چونکی ائندی ائستهمئرم سئزی اؤتهری گؤروم. بلکی اومئدئم وار، اگر رب ائجازه ورسه، بئر نچه مودّت یانیزدا قالام. 8آمّا اِفِسوس شهرئنده پنطئکاست بایرامینا قدر قالاجاغام. 9چونکی منه تأثئرلی خئدمت اوچون گنئش بئر قاپی آچیلیب و ضئدّ اولانلار دا چوخدورلار.
10اگر تئموتاعوس یانیزا گلسه، دئقّت اِله یئن کی، او، سئزئن آرازدا قورخوسوز اولسون. چونکی او دا منئم کئمی ربّئن ائشئنی یرئنه یتئرئر. 11بونا گؤره هچ کئم اونا حقئر باخماسین. اونی سالاماتلیق ائنان یولا سالین کی، منئم یانیما گلسئن. چونکی من قارداشلار ائنان برابر اونون یولونی گؤزلهیئرم.
12قارداشیمیز اَپولّوسا گلئنجه، من اونی چوخ تشوئق الهدئم کی، قارداشلار ائنان برابر یانیزا گلسئن. آمّا او، اصلا ائستهمئردی کی، ائندی یانیزا گلسئن. فورصت تاپاندا گلهجک.
13آییق اولون، ائماندا ثابئت دورون، کئشی کئمی عمل الهیئن و قووّتلی اولون. 14قویون بوتون الهدئکلرئز محبّت ائنن اولسون.
15ائندی قارداشلار، سئزه یالواریرام: سئز استئفاناسین عایئلهسئنی تانیییرسیز کی، اولار اَخایئه منطقه سئندن ائلک ائمانلیلاردیرلار و اؤزلرئنی موقدّسلرئن خئدمتئنه وقف الهیئبلر. 16سئز ده بله آداملارا و ائشده کؤمک الهین و زحمت چکن هر کسه تابع اولون. 17استئفاناس، فورتوناتوس و اخئکوسون گلمهیئندن سوئنئرم. چونکی اولار سئزئن بوش یرئزی دولدورورلار. 18اولار منئم و سئزئن روحوزی تزهلندئرئبلر. بله آداملارا حؤرمت الهیئن.
سئزه سالاملار
19آسئیا منطقهسئنئن کئلئسالاری سئزه سالام گؤندَرئرلر. اَکئلا و پرئسکا، اِولرئنده ییغیلان کئلئسا ائنن برابر، سئزه ربده اورَکدن سالام گؤندَرئرلر. 20بوتون قارداشلار سئزه سالام گؤندَرئرلر. بئربئرئزی موقدّس اؤپوش ائنن سالاملایین.
21من پولوس بو سالامی اؤز اَلئم ائنن سئزه یازیرام.
22ربّی سِومهین آداما لعنت اولسون. ربّئمئز، گل.
23رب عئسانین فیضی سئز ائنن اولسون.
24مسئح عئسادا منئم محبّتئم سئزئن هامیز ائنان اولسون. آمئن.
Currently Selected:
۱قورئنتلیلره 16: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
