۱قورئنتلیلره 13
13
محبّتئن بؤیوکلویی
1اگر من ائنسانلار و ملکلر دئلی ائنن دانیشام، آمّا محبّتئم اولمایا، دمهلی باغیران بئر مئس یا دا جئنگئلدهین بئر سئنجه دؤنموشم. 2اگر نبئلئک عطام اولا و هامی سئرّلر، هامی علملری بئلم؛ اگر کامئل ائمانا مالئک اولام، اِله کی، داغلاری یرئندن ترپهدم، آمّا محبّتئم اولمایا، هچ زاد دیئلم. 3اگر واریمین هامیسینی فاغیرلارا پایلاییب اولاری دویورام، اگر بدنئمی یاندیریلماغا وِرَم، آمّا محبّتئم اولمایا، منئم اوچون هچ بئر فایداسی یوخدور.
4محبّت صبئرلیدئر، محبّت مهرئباندیر، محبّت پاخیلّیق الهمز؛ محبّت کئبئرلَنمَز، مغرور اولماز، 5بیادبلئک الهمز، اؤز منفعتئنی آختارماز؛ تز حئرصلنمز، پئسلئکلرئن حسابینی ساخلاماز؛ 6حاقسیزلیقدان سوئنمز، آمّا حقئقتدن شادلانار. 7محبّت هر زادی اؤرتر، هر شیه ائنانار، هر شیه اومئد باغلار، هر زادا تاب گتئرر.
8محبّت هچ واخت قورتارماز. آمّا نبئلئک اولسا دا، قورتاراجاق؛ دئللر اولسا دا، ساکئت اولاجاق؛ علملر اولسا دا، آرادان گدهجک. 9چونکی بئلدئیئمئز محدوددور، نبئلئیئمئز محدوددور؛ 10آمّا کامئلئن گلدئیی زامان، محدود اولان آرتیق آرادان گدهجک. 11اوشاق اولاندا اوشاق کئمی دانیشیردیم، اوشاق کئمی آنلاییردیم، اوشاق کئمی دوشونوردوم. آمّا اوندا کی بؤیودوم اوشاقلیغی ترک الهدئم. 12چونکی ائندی بئز هر شیی اؤرتولی، آینادا گؤرن کئمی گؤروروک، آمّا اوزبهاوز گؤرهجهیئک. ائندی بئلدئیئم محدوددور، آمّا او زامان درک اولوندوغوم کئمی درک الئیهجهیم.
13ائندی اوچ شی قالیر: ائمان، اومئد، محبّت. آمّا محبّت بولارین هامیسیندان بؤیوکدور.
Currently Selected:
۱قورئنتلیلره 13: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
