1 John 4
4
1ချစ်ခင်ရသော မိတ်ဆွေအပေါင်းတို့ ဉာဏ်အလင်းတော်အားဖြင့် ဟောပြောသည် ဟု ပြောဆိုနေကြသူတိုင်းကို မယုံကြည်ကြနှင့်။ ထိုဉာဏ်အလင်းတော်သည် ဘုရားရှင်ထံမှလာသော ဉာဏ်အလင်းတော် ဟုတ်မဟုတ်ကို စစ်ဆေးကြလော့။ အဘယ်ကြောင့်ဆိုသော် အရိယာသူတော်စင် အတုအယောင်များစွာတို့သည် ပေါ်လာကြမည်ဖြစ်သောကြောင့်ဖြစ်၏။ 2ယေရှုခရစ်တော်သည် ဘုရားရှင်ထံမှ လူ့ဇာတိကိုခံယူ၍ လူသားစင်စစ်အဖြစ် ကြွလာသည်ကို ဝန်ခံပြောဆိုသော သူသည်သာလျှင် ဉာဏ်အလင်းတော်သက်ရောက်သောသူဖြစ်၏။ 3သို့ရာတွင် တစ်စုံတစ်ယောက်သော သူက ထိုသို့ဝန်ခံပြောဆိုခြင်း မရှိခဲ့လျှင် ထိုသူ၌ ဘုရားရှင်၏ ဉာဏ်အလင်းတော်သက်ရောက်ခြင်းမရှိဘဲ သူသည် ခရစ်တော်ကို ဆန့်ကျင်သောသူ၏ ဉာဏ်အလင်းတော်သာဖြစ်၏။ ထိုဆန့်ကျင်းငြင်းပယ်သောသူ၏ ရန်သူသည် ဤကမ္ဘာလောကသို့ရောက်လာတော့မည် ဟု သင်တို့သိထားသောသူပင်ဖြစ်၏။ 4ချစ်ခင်ရသော သားသမီးတို့၊ သင်တို့သည် ဘုရားရှင်၏ သားသမီးများဖြစ်၍ ထိုသူတို့ကို အောင်နိုင်ကြပြီ။ အဘယ်ကြောင့်ဆိုသော် သင်တို့၏ စိတ်နှလုံးထဲ၌ ကိန်းဝပ်တော်မူသော ဉာဏ်အလင်းတော်သည် ဤကမ္ဘာလောကသားများ၏ စိတ်နှလုံးထဲ၌ ကိန်းအောင်းနေသော ဝိဉာာဉ်ထက် ပို၍ကြီးမြတ်သောကြောင့်ဖြစ်၏။ 5ဤလောကီလူသားတို့သည် ဤကဲ့သို့ဘုရား နှင့်ဆန့်ကျင်သူတို့ ၏သွန်သင်ချက်တို့ကိုသာ နားထောင်တတ် ကြလေသည်။ ထိုအရိယာသူတော်စင်အတုအယောင်များသည် ဤလောကီလူသားတို့၏ အမြင်ဖြင့် ပြောဆိုကြသဖြင့် လောကီလူသားတို့သည်လည်း နားထောင်ကြ၏။ 6ကျွန်ုပ်တို့သည် ဘုရားရှင်၏သားသမီးများပင်ဖြစ်၏။ ဘုရားရှင်ကိုသိသောသူတို့သည် ကျွန်ုပ်တို့၏စကားကိုနားထောင်တတ်ကြ၏။ သို့သော် ဘုရားရှင်ကိုမသိရှိသောသူသည် ဘုရားရှင်၏သမ္မာတရားတော်များကိုလည်း လိုက်နာနိုင်ခြင်းမရှိနိုင်ပေ။ ထိုကဲ့သို့ဘုရားရှင်၏သမ္မာတရားကို လိုက်နာသူနှင့် တစ်ခြားသူများအားလိမ်ညာလှည့်ဖျားသူဟူ၍ ခွဲခြားသိရှိနိုင်၏။ 7ချစ်ခင်ရသော မိတ်ဆွေတို့၊ ဘုရားရှင်၏သားသမီးအဖြစ်ခံယူသူတို့သည် တစ်ဦးအပေါ်တစ်ဦးမေတ္တာထားတတ်သည့်အပြင် ဘုရားရှင်ကိုလည်း ဆည်းကပ်သောသူဖြစ်ကြ၏။ 8ဘုရားရှင်သည် လူအပေါင်းတို့အား သူ၏မေတ္တာတရားတို့ကိုထုတ်ဖော်ပြသတော်မူ၏ ။တစ်ဦးအပေါ်တစ်ဦး မေတ္တာတရား မထားရှိနိုင်သောသူသည် ဘုရားရှင်အား သိသောသူမဟုတ်ပေ။ 9ကျွန်ုပ်တို့၏အသက်ကို ကယ်တင်နိုင်ရန်အတွက် ဘုရားရှင်သည် သူ၏တစ်ဦးတည်းသောသားကို ဤကမ္ဘာလောကသို့ စေလွှတ်တော်မူခြင်းဖြင့် ကျွန်ုပ်တို့အပေါ် ထားရှိသော မေတ္တာတရားများကို ဖော်ပြတော်မူ၏။ 10ချစ်ခြင်းမေတ္တာဆိုသည်မှာ ဘုရားရှင်အပေါ် ကျွန်ုပ်တို့ထားရှိတော်မူသော ချစ်ခြင်းမေတ္တာကို ဆိုလိုခြင်းမဟုတ်။ ကျွန်ုပ်တို့၏ ဒုစရိုက်အပြစ်များအတွက် အသက်စွန့်တော်မူသော သားတော်ကို စေလွှတ်တော်မူ၍ ကျွန်ုပ်တို့အပေါ်ထားသော ဘုရားရှင်၏ ချစ်ခြင်းမေတ္တာကို ဆိုလို၏။ 11ချစ်ခင်ရသော မိတ်ဆွေတို့၊ ဘုရားရှင်သည်ကျွန်ုပ်တို့အား ဤကဲ့သို့ မေတ္တာတရားထားရှိတော်မူလျှင် ကျွန်ုပ်တို့ သည်လည်း အချင်းချင်း ချစ်ခြင်းမေတ္တာထား ကြရမည်ဖြစ်၏။ 12ဘုရားရှင်ကိုမည်သူတစ်ဦးတစ်ယောက်မျှ မမြင်ဖူးကြပါ။ သို့ရာတွင် ကျွန်ုပ်တို့သည် အချင်းချင်း မေတ္တာတရားထားရှိပါက ကျွန်ုပ်တို့၏စိတ်နှလုံး သားထဲ၌ ဘုရားရှင်၏မေတ္တာတရားများ ကိန်းဝပ်တော်မူပါလိမ့်မည်ဖြစ်၏။ 13ဘုရားရှင်သည် သူ၏ဉာဏ်အလင်းတော်ကိုကျွန်ုပ်တို့အားပေးအပ်ခဲ့သောကြောင့် ကျွန်ုပ်တို့စိတ်နှလုံးထဲတွင် ဘုရားရှင်ကိန်းဝပ်တော်မူပြီး ကျွန်ုပ်တို့နှင့်တပေါင်းတစည်းတည်းဖြစ်ကြောင်းကို ကျွန်ုပ်တို့သိကြ၏။ 14အဖဘုရားရှင်သည် တစ်ပါးတည်းသောသားတော်ကို ဤကမ္ဘာလောက၏ ကယ်တင်ရှင်ဖြစ်ရန် စေလွှတ်တော်မူခဲ့သည်ကို ကျွန်ုတို့မြင်၍ သက်သေခံကြ၏။ 15တစ်စုံတစ်ယောက်က ကိုယ်တော်ယေရှုသည် ဘုရားရှင်၏သားတော်ဖြစ်ကြောင်း ဝန်ခံပြောဆိုလျှင် ဘုရားရှင်သည်လည်း ထိုသူနှင့်တစ်ပေါင်းတစည်းတည်း ဖြစ်တော်မူ၍ ထိုသူသည်လည်း ဘုရားရှင်နှင့် တပေါင်းတစည်းတည်းဖြစ်လိမ့်မည်။ 16ဘုရားရှင်သည် ကျွန်ုပ်တို့အား မည်မျှမေတ္တာထားတော်မူသည်ကိုသိ၍ ကျွန်ုပ်တို့ထိုကဲ့သို့ ယုံကြည်သည်သည့်အတိုင်း ထိုမေတ္တာတော်အပေါ် မှီခိုအားထားကြ၏။ 17ကျွန်ုပ်တို့သည် အခြားသူတို့အား မေတ္တာတရားအပြည့်အဝထားရှိရပါမည်။ သို့မှသာ ဘုရားရှင်သည် တရားစီရင်တော်မူသောနေ့တွင် ကျွန်ုပ်တို့ အားပြစ်ဒဏ်စီရင်ခြင်းပြုမည်မဟုတ် ဟုယုံကြည်စိတ်ချရပါလိမ့်မည်။ 18ပြီးပြည့်စုံသောမေတ္တာတရားသည် အကြောက်တရားတို့အားလုံးကို အဝေးသို့လွင့်စင်ပပျောက်စေတတ်၏။ ကျွန်ုပ်တို့ပြစ်ဒဏ်စီရင်ခံရမည်ဟုတွေးတောဆင်ခြင် မိသောအခါ ကြောက်ရွံ့စိတ်များ ဖြစ်ပေါ်လာစေသည်။ 19ဘုရားရှင်သည်ကျွန်ုပ်တို့ အား ဦးစွာမေတ္တာထားတော်မူသဖြင့် ကျွန်ုပ်တို့သည်လည်း ဘုရားရှင်နှင့်တကွယုံကြည်သူအချင်းချင်းအား ချစ်ခင်လေးစားကြပါသည်။ 20သို့ရာတွင် “ဘုရားရှင်အား ကြည်ညိုမြတ်နိုးသည်”ဟု ဆိုကြပြီး တစ်ဦး အပေါ်တစ်ဦး မေတ္တာတရားမထားကြပါက ကျွန်ုပ်တို့သည် လူလိမ်လူညာများသာဖြစ်ကြ၏။ ကျွန်ုပ်တို့မြင်တွေ့နိုင်သော သူများကိုပင် မေတ္တာတရားမထားရှိနိုင်ကြလျှင် မမြင်နိုင်သောဘုရားရှင်အား ကြည်ညိုလေးစားလိမ့်မည်မဟုတ်။ 21“ဘုရားရှင်ကိုချစ်မြတ်နိုးသောသူသည် ညီအစ်ကိုမောင်နှမကိုလည်း ချစ်ရမည်” ဟူသော ပညတ်တော်ကို ကိုယ်တော်ယေရှုသည် ကျွန်ုပ်တို့အား ပေးတော်မူ၏။
Currently Selected:
1 John 4: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
