1 John 5
5
1ကိုယ်တော်ယေရှုအား ဘုရားရှင်၏သားတော်ဖြစ်ကြောင်း ယုံကြည်သောသူတို့သည် ဘုရားရှင်၏သားသမီးများဖြစ်ကြ၏။ အဖဘုရားရှင်အား ချစ်မြတ်နိုးသူတိုင်းသည် ဘုရားရှင်၏ သားသမီးများကိုလည်း ချစ်တတ်၏။ 2ကျွန်ုပ်တို့သည် ဘုရားရှင်ကို ချစ်မြတ်နိုး၍ ပညတ်တရားတော်တို့ကို လိုက်နာခြင်းအားဖြင့် ဘုရားရှင်၏သားသမီးများကိုချစ်ကြောင်း ကျွန်ုပ်တို့သိကြ၏။ ၃ ဘုရားရှင်အား ချစ်မြတ်နိုးခြင်းသည် ဘုရားရှင်၏ ပညတ်တရားတော်များကို လိုက်နာကျင့်သုံးခြင်းပင်ဖြစ်၏။ ပညတ်တရားတော်များသည် လိုက်နာကျင့်သုံးရန် မခဲရင်းပေ။ 3ဘုရားရှင်အား ချစ်မြတ်နိုးခြင်းသည် ဘုရားရှင်၏ ပညတ်တရားတော်များကို လိုက်နာကျင့်သုံးခြင်းပင်ဖြစ်၏။ ပညတ်တရားတော်များသည် လိုက်နာကျင့်သုံးရန် မခဲရင်းပေ။ 4ဘုရားရှင်၏ သားသမီးတို့သည် လောကီအမှုကိစ္စတို့ကိုအောင်နိုင်၏။ ကျွန်ုပ်တို့သည်ကိုယ်တော်ယေရှုကိုယုံကြည်လျှင် မယုံကြည်သူတို့တိုက်တွန်းသောမကောင်းမှုတို့ကို အောင်နိုင်၏။ 5ဤလောကကို အောင်နိုင်သူသည် ကိုယ်တော်ယေရှုအား ဘုရားရှင်၏သားတော်ဟု ယုံကြည်သူမှလွဲ၍ မည်သူဖြစ်နိုင်ပါမည်နည်း။ 6ယေရှုခရစ်တော်သည် ဘုရားရှင်ထံမှ ဤကမ္ဘာလောကသို့ကြွလာသူဖြစ်ကြောင်းကို ကိုယ်တော်ယေရှု ရေနစ်မင်္ဂလာခံယူရာတွင်၎င်း၊ လက်ဝါးကပ်တိုင်ပေါ်တွင် အသက်ပေးလှူသောအချိန်တွင် ကိုယ်တော်၏ဘေးနံစောင်းမှ ရေနှင့်သွေးတို့သည် အပြင်သို့စီးထွက်ခြင်းဖြင့်၎င်းသက်သေပြခဲ့၏။ 7ကိုယ်တော်သည် ဘုရားသားတော်ဖြစ်ကြောင်းကို အမှန်တကယ်သက်သေခံနိုင်သော သက်သေသုံးပါးရှိ၏။ 8၎င်းတို့မှာ ဉာဏ်အလင်းတော်၊ ရေနှင့် သွေးတို့ဖြစ်ကြ၏။ ထိုသုံးပါးတို့သည် တညီတညွတ်တည်း သက်သေခံကြ၏။ 9ကျွန်ုပ်တို့သည် လူအများသက်သေခံချက်တို့ကိုယုံ ကြည်ကြလျှင် ဘုရားရှင်သက်သေပြခဲ့သော ဘုရားရှင်၏သားတော်အကြောင်းအား ပို၍ယုံကြည်ရမည်ဖြစ်၏။ အဘယ်ကြောင့်ဆိုသော် ဤသက်သေခံချက်သည် ဘုရားရှင်၏ သက်သေခံချက်ဖြစ်တော်မူ၍ မိမိ၏သားတော်နှင့်ပတ်သက်သော သက်သေခံချက်ဖြစ်တော်မူ၏။ 10ဘုရားရှင်၏သားတော်ကို ယုံကြည်သောသူတိုင်းသည် ဤသက်သေခံချက်မှာ မှန်ကကြောင်းကို လက်ခံ၏။ ဘုရားရှင်ကို မယုံကြည်သောသူမှာမူ ဘုရားရှင်းအား “ဖြောင့်မတ်ခြင်မရှိသောအရှင်” ဟုစွတ်စွဲရာရောက်၏။ 11ထိုသက်သေခံချက်မှာ “ဘုရားရှင်သည် ကျွန်ုပ်တို့အား ထာဝရအသက်ကိုပေးတော်မူပြီး ထိုအသက်သည် သားတော်၌ရှိသည်” ဟူ၍ဖြစ်၏။ 12ထို့ကြောင့် ဘုရားရှင်၏ သားတော်ကိုယုံ ကြည်သောသူသည် ထိုနိစ္စထာဝရအသက်ကိုရရှိပြီး ဘုရားသားတော်ကို လက်မခံသောသူမှာမူ ထိုနိစ္စထာဝရအသက်ကို မရရှိနိုင်ပေ။ 13ဘုရားရှင်၏သားတော်ကို ယုံကြည်သောသင်တို့သည် ‘နိစ္စ ထာဝရအသက်’ ကိုရရှိကြောင်းသိစေရန် ဤအကြောင်းအရာများကို ကျွန်ုပ်ရေးလိုက်ခြင်းဖြစ်၏။ 14ကျွန်ုပ်တို့သည် ဘုရားရှင်၏အလိုတော်နှင့်အညီ တစ်စုံတစ်ခုကိုတောင်းလျှောက်လျှင် ဘုရားရှင်သည် နာဆင်တော်မူမည်ဟု သိထားသောကြောင့် ဘုရားရှင်ထံသို့ ယုံကြည်စိတ်ချမှုအပြည့်ဖြင့် လျှောက်လှမ်းနိုင်ကြ၏။ 15ထိုသို့တောင်းလျှောက်သမျှကို နားဆင်တော်မူကြောင်း ကျွန်ုပ်တို့သိလျှင် တောင်းလျှောက်သောအရာကို ပေးတော်မူကြောင်းကိုလည်း သိကြ၏။ 16မိမိတို့ညီအစ်ကို တစ်ယောက်သည် အသက်ဝိညာဉ် ဆုံးရှုံးစေလောက်သည့်အပြစ် မဟုတ်သော ဒုစရိုက်မှုတစ်ခုခုကို ကျူးလွန်ခဲ့လျှင်ထိုသူ အတွက် ဘုရားရှင်ထံတွင်အပြစ်မှ ခွင့်လွှတ်ပေးပါရန် ဆုတောင်းပေးသင့်၏။ မိမိ၏ အသက်ဝိညာဉ်မဆုံးရှုံးစေနိုင် လောက်သည့် ထိုအပြစ်မျိုးကို ကျူးလွန်သူတို့အတွက်ကိုမူ ဆုတောင်းပေးရမည်ဟု မဆိုလိုပါ။ 17မတရားမှုဟူသမျှသည် အပြစ်ဒုစရိုက်ဖြစ်၏။ အသက်ဝိညာဉ်မဆုံးရှုံးစေနိုင်သည့်အပြစ်မျိုးလည်းရှိ၏။ 18ဘုရားရှင်၏ သား၊သမီးများ ဖြစ်လာသောသူတို့သည် ဒုစရိုက်အပြစ်များကို အပြစ်ဒုစရိုက်မကျူးလွန်တတ်ကြောင်း ကျွန်ုပ်တို့ သိကြ၏။ ဘုရားရှင်ထံမှ ကြွလာတော်မူသောအရှင်သည် ထိုသူအပေါင်းတို့ကို စောင့်ရှောက်တော်မူသဖြင့် မာရ်နတ်သည် သူ့ကိုမထိခိုက်စေနိုင်။ 19ကျွန်ုပ်တို့သည် ဘုရားရှင်ထံမှ ဆင်းသက်လာသော သူများဖြစ်ကြသော်လည်း အချို့သောသူများမှာ မာရ်နတ်၏ ထိန်းချုပ်မှုအောက်တွင် ရှိနေကြောင်း ကျွန်ုပ်တို့သိကြ၏။ 20ဘုရားရှင်၏သားတော်သည် ကြွလာ၍ စစ်မှန်သောဘုရားရှင်ကို သိနိုင်သည့်ညဏ်ပညာအား ပေးတော်မူကြောင်း ကျွန်ုပ်တို့သိကြ၏။ ထို့ကြောင့် ကျွန်ုပ်တို့သည် စစ်မှန်သော ဘုရားရှင်နှင့်လည်းကောင်း သားတော် ကိုယ်တော်ယေရှုနှင့်လည်းကောင်း တပေါင်းတစည်းတည်းဖြစ်ကြ၏။ ထိုအရှင်သည် စစ်မှန်သော ဘုရားရှင်ဖြစ်တော်မူပြီး ထာဝရအသက်လည်း ဖြစ်တော်မူ၏။ 21ချစ်ခင်ရပါသောသားသမီးတို့ သင်တို့သည် ဘုရားအတုအယောင်များကို ရှောင်ကျဉ်ကြလော့။
Currently Selected:
1 John 5: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
