Aba Filipi 3

Nizya bugholosu ubwanaloli

1Pabumalilo, bakamu bane, nkunena ukuti, “Muhobokaye mwa Mwene.” Chitakunditisya napo panandi pakupyanizya sona amazyu ghagho nasimba kale, pakuti chintu chimo chicho chingabavwa ukuti mutakilamwe. 2Muchebaye nimbwa zinizi, abantu babo bakubomba ivinyazu. Muchebaye na bantu babo bakwibolannyabolannya amabili. 3Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili, 4napapo nane bulo indi ni chifukwa ichakusubila inyiho izya mubili. Nanti weka akwinong'ona ukuti ali ni chifukwa ichakuti angasubila inyiho izya mubili, nane indi ni chifukwa ichakuchilapo. 5#Imbo. 23.6, 26.5; Lom. 11.1Pakuti nkasilimuliwa pisiku ilya eyiti. Ane ne mu Izilayeli mukapapiliwe, uwaluko ulwa Benjamini, sona umu Hebeli umwenecho. Pakunena nizya ndaghilo izya Chiyuda, ane nkaba ne wa kabukatila aka ba Falisayi. 6#Imbo. 8.3, 22.4, 26.9-11Nkaba nu lweke nkani umwakuti nkachivwima ichipanga. Pakunena nizya muno umuntu akuneniwa pakuba mugholosu pakukonka Indaghilo, ane intakaba ni chilema nachimochimo. 7Ivintu vivyo kale nkavyennyanga ukuti vili ni mbombo, ilelo nkuvyennya ukuti vite sona ni mbombo pachifukwa icha zizyo u Kilisitu akabomba. 8Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu, 9sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko. 10Chicho nkulonda chakuti imumanye u Kilisitu, sona nukuti imanye amaka ghagho ghakamuzyusya kubufwe. Nkulonda sona ukuti imbagabile nawe amayimba ghache nukuba ngati weyuyo mu bufwe bwache. 11Nane bulo indi nu lusubilo ulwakuti nkwiza pakuzyuka kubufwe.

Ukuchimbilila ku bufiko ubwa nyangalo

12Intakunena ukuti napota kale, pamo ne wakufikapo kale, awe. Loli indi nu lweke ukuti indeme umuvwalo, ghugho u Kilisitu u Yesu akandemela ukuti imbanje wache. 13Mwee bakamu bane, intakwinong'ona ukuti napota kale, awe. Loli pali ichintu choka chicho nkubomba: Nkuluvya ivya mwisinda, sona indi nu lweke nkani pakunyululukila ivya muntazi. 14Nkuchimbilila ku bufiko ubwa nyangalo ukuti impokele umuvwalo kumwanya, ghugho u Chala anyitizizyako ukwendela mwa Kilisitu u Yesu.

15Aswe twebosi twe tukulite mubuzimu tubaghiye pakuba ni nyinong'ono zinizi. Sona nanti balipo abantu bamo babo bali ni nyinong'ono izinji, u Chala akwiza pakubavumbulila pabuzelu. 16Loli ukuyana namumo vingabela, zagha twendelele pakubuka muntazi ukuyana ni ndaghilo zizyo twakonka mupaka ilelo.

17 # 1 Kol. 4.16, 11.1 Mwee bakamu bane, mwendelele pakweghelela ubumi bwane, sona mubenelezyanje abantu babo bakukonka ichifwanikizyo chicho tukabapa. 18Pakuti nabanga nkubabuzya kabilikabili, po ilelo nkupyanizya sona pakulila na masozi, ukuti balipo abantu abinji, babo inkalo yabo yikulanjizya ukuti balwani ba chipinjika icha Kilisitu. 19Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi. 20Loli aswe akaya kitu kali kumwanya, sona ko kuko tukulindilila Umupoki witu u Mwene Yesu Kilisitu. 21Umwene akwiza pakwandula amabili ghitu ghagho ghakufwa nukughapela ukuti ghabanje ngati gho mubili wache uwabuchindamu ukwendela mumaka ghache aghakupotela nagho ivintu vyosi.

Currently Selected:

Aba Filipi 3: LMB2024

Highlight

Copy