Popular Bible Verses from Aba Filipi 3

Share

Mwee bakamu bane, intakwinong'ona ukuti napota kale, awe. Loli pali ichintu choka chicho nkubomba: Nkuluvya ivya mwisinda, sona indi nu lweke nkani pakunyululukila ivya muntazi. Nkuchimbilila ku bufiko ubwa nyangalo ukuti impokele umuvwalo kumwanya, ghugho u Chala anyitizizyako ukwendela mwa Kilisitu u Yesu.

Chicho nkulonda chakuti imumanye u Kilisitu, sona nukuti imanye amaka ghagho ghakamuzyusya kubufwe. Nkulonda sona ukuti imbagabile nawe amayimba ghache nukuba ngati weyuyo mu bufwe bwache. Nane bulo indi nu lusubilo ulwakuti nkwiza pakuzyuka kubufwe.

Momumo, vyosi bulo nkuvyennya ukuti vyosi vite ni mbombo, pakuti imumenye u Kilisitu Yesu u Mwene wane. Pachifukwa chinichi, nkutagha ivintu vyosi, sona nkusenda ivintu vyosi pakuba mintu bulo umwakuti ubukabi bwane bubanje we Kilisitu

Ivintu vivyo kale nkavyennyanga ukuti vili ni mbombo, ilelo nkuvyennya ukuti vite sona ni mbombo pachifukwa icha zizyo u Kilisitu akabomba.