Rōm 10
10
Israel-in Thangahui a Nāng
1 #
Sām 20:4
Ūnāi ngāi, ka malunga kei zōtna le Pathian kōma amāni ranga ka zārzongna chu Israel ngāi sandamna ei manthei una rang hi a ni. 2#Kui 21:20Pathian lampanga a tepannēl u ti chu koi lenin ama ruia kei riatpui u a ni. Tenchu hava ha riatna ang taka ni mak. 3Asik chu Pathian dikna chu riatluia, a ning una dikna āndet rang avala, Pathian dikna thuoia anbetōk u mak a. 4#Gal 3:24Tūkareng a iam takin dikna ei manthei una ranga Khristā chu dān ei ānkīmna a ni.
5 #
Dān 4:1; Neh 9:29; Chn 19:16; Isa 55:3; Izk 20:11, 13, 21 Dān ang taka ei zom sika dikna asuok rui chu Mōsī'n hintin hin a maziak a, “Hava ngāi āzī miring chu hava ngāi le han dam in ti,” (Lev 18:5) a tī na. 6Tenchu iamnāna diknā'n hintin hin a tī na, “Na malunga, ‘Tū mo vānrama ākal rang?’ ti nō ro, (Dān 30:12) (tī chu, Khristā thuoia a hong ānsum ranga). 7#Kui 2:24Hanūk chu, ‘Tū mo donglui khura avā chum rang?’ (Dān 30:13) ti nō ro, (tī chu, Khristā thīna nātā ānthui ranga.) 8Tenchu hava hā'n imo ei ti? Hava chongkam chu na kōla kēng ei om, na mūra lē na malunga a om,” (Dān 30:14) a tī na. Hiva tak hi iamna chong koinī'n chong nei ril chachak ha a ni. 9#Mt 10:32; Zn 3:15; 13:13; Kui 2:24Asik chu nangin na mūr le Isuo chu Puma tīna na puong a, na malung le ama chu āthī nātā Pathianin ei mathui tī na iam ten, sandama om na ti. 10Asik chu mī'n a malunga ei iama dik ei ānlō a ni. Hatuka a mūra ei puonga sandama ei man a ni. 11Asik chu Pathian Lekhabū'n, “Tūkareng ama āiam tak chu muolphui ansak nō ni,” (Isa 28:16) a tī na. 12#Mt 28:18Zehudi mi lē Grik mī kāra ītē ei teina om mak, asik chu Puma khat ha lōkōna Puma a ni. Ama āpāi ngāi dōra chunga achālaka lungkhamna a pēk. 13#Kui 2:21Asik chu, “Tūkareng Puma raminga āpāi tak chu sandama om in ti.” (Zol 2:32)
14Hanle hontin mo amānī'n ei iam u nōk kōma ei pāi u rang? Hanūk chu hontin mo a chong ngal ei rangāi u nōk kōma ei iam u rang? Chong arilpū abuia hontin mo ei rangāi u rang? 15#Nah 1:15Antīr u nōk ten hontin mo chong ei va ril u rang? Anziaka ei om anga, “Phūkdāina thangahui āril ngāi lē rāisānna thangahui a hong āchōi ngāi kē chu ituk mo ei ānhui so!” (Isa 52:7) 16#Zn 12:38; Heb 4:2Tenchu alom una thangahui chu tel kiar u mak. Asik chu Isaia'n, “Puma, koini na chongril chu tū mo ā iam?” (Isa 53:1) a tī na. 17#Gal 3:2, 5; Kol 3:16Iamna chu anngāi ātā lē anngāina chu Pathian chong#10:17 Pathian chong: Senkhatin, “Khristā ruitāng anrilna nātā,” a ti u na. ātā āhong a ni.
18 #
Mt 24:14; Kol 1:6, 23; 1Th 1:8 Tenchu amānī'n rangāi u mak mo, kei ti? Anngāi chu a rangāi u na:
“A rasā u chu phil pumpuia a suok a,
A chongbāi u ngāi chu kōlkung a dēn zei,” (Sām 19:4)
19Tenchu kei ti, Israel-in ei riat ni mak mo? Māna han Mōsī'n,
“Nam ngal ni lui amanga manarasia na manthō u ka ti,
Nam amo amanga na tak na mansi u ka ting,” (Dān 32:21) Pumā'n a tī na.
20Tenchu Isaia'n angam sabaka,
“Koi na ravān lui ngāiin a na man u zei.
Koi anā thūn nōk ngāi kōma ka ninga kei ānlang a ni zei,” (Isa 65:1) a tī na.
21 #
Zer 35:17
Tenchu Israel mi ngāi rang Pumā'n a tī na, “Hē tel lui nam ngāi lē a makhal antak nam ngāi ranga anikhuo'n tin pei ka kut kei phar chian,” (Isa 65:2) a tī na.
Bible in Ranglong, © Bibles International, the Bible society of Baptist Mid-Missions, 2024.