Antelna 8
8
Lēmchuongna
1 Zehova'n Mōsi a chongpui a, amā'n, 2#Ant 25:37“Aron chongpui tānla, a kōma, ‘Lēm ngāi na mansūk le, lēm sari ngāiin lēmchuongna maton tiang raāng ei pēk rang,’ ” a tī na. 3Aron-in hantin han a thō na, Zehova'n Mōsi kōma chong ei pēk anga, lēmchuongna maton ansonga lēm ngāi chu a mansūk a. 4#Ant 25:9, 31-40Hava lēmchuongna ei ānsin dān chu rāngkachak le ānsut a ni. A tunngul ātā a pār tenpei ansuta ānsin a ni. Zehova'n Mōsi a ramīl ei manmū anga, lēmchuongna chu a sin a.
Levi Mi ngāi Anthiangna lē Andarna
5Hatuka Zehova'n Mōsi a chongpui a, a kōma, 6#Lev 22:2; Isa 1:16“Israel nāi ngāi ātā Levi mi ngāi chu lāk tānla, amāni chu manthiang ro. 7#Aph 35:2; Lev 14:8-9; Dān 21:12Amāni nei manthiang una rang a chung una hintin hin thō tānla: amāni chunga āsia sāina tī chu āthek tānla, a taksa pumpui anvūi u rase, a puon u ngāi rasūka a ninga anthiang u rase. 8#Lev 2:1; 4:3Hatuka amānī'n sarāttang tuoi khat lē a sahūm dāli sariak anpol vāipōldī chu hong chōi u rase, hatuka atei sarāttang tuoi khat āsia sāina dāli ranga lāk tānla. 9#Ant 29:4; 40:12; Lev 8:3Levi mi ngāi chu Antongna Puon-in matona hong ruoi tānla, Israel mipui ngāi dōra chu munkhata manbūm tānla. 10#Lev 3:2; Kui 6:6Hankēng Levi mi ngāi chu Zehova matona hong ruoi na tia, Israel nāi ngāiin Levi mi ngāi chunga a kut bāng u'n ti. 11#Ant 29:24Aron-in Levi mi ngāi chu Zehova dorbō ei ādom thei una ranga, Israel nāi ngāi ātā phāmpēk anga Zehova matona dar in ti. 12#Ant 29:10, 36; Lev 1:3; 4:3Hatuka Levi ngāiin sarāttang tuoi ngāi lu chunga a kut u ngāi bāng u'n ti, nangin angkhat chu āsia sāina dālina lē angkhat rēt chu hālbiang dālina Zehova kōma dar na ti, Levi mi ngāi ranga anthiarna sinpē na ti. 13#Ant 29:24Levi mi ngāi chu Aron lē a nāipasal ngāi matona manding in na tia, hatuka amāni chu phāmpēk anga Zehova kōma dar in na ti.
14 #
Atl 3:12
“Hantin han Levi mi ngāi chu Israel nāi ngāi bil ātā sensāi in na tia, Levi mi ngāi chu ka tā ni u'n ti. 15Hava suole han Levi mi ngāi chu Antongna Puon-ina dorbōndom ranga lūt u'n ti. Hankēng amāni chu manthianga phāmpēk anga dar in na ti. 16Amāni chu Israel nāi ngāi bil ātā apumpuia ka ranga anpēk suo u kēng a ni zei. Amāni chu tekok anlong dōra, Israel nāirapa ngāi dōra rathūla ka ranga kei lāk a ni zei. 17#Ant 4:23; 13:2; 22:29Israel nāi ngāi bila nāirapā dōra miring lē ran chu ka ta kēng; Āigupta rama nāirapā dōra ka that lāi han, amāni chu koi ka ranga kei serbing u kēng a ni zei. 18Levi mi ngāi chu Israel nāirapā dōra rathūla kei lāk kēng a ni zei. 19#Atl 25:11, 13Israel nāi ngāi bil ātā Levi mi ngāi chu Aron le a nāi ngāi kōma nuompēk anga kei pēk a ni zei a, Antongna Puon-ina Israel ngāi sin āthō ranga le Israel ngāi ranga anthiarna āsinpē ranga, hankēng Israel nāi ngāiin mun anthiang a hong ānāi u le ripui chu Israel nāi ngāi chunga ei hong chul nōkna ranga,” a tī na.
20Hantin han Mōsi, Aron le Israel mipui ngāi dōrā'n Levi mi ngāi chunga a thō u na; Zehova'n Mōsi kōma Levi mi ngāi ruia chong ei pēk ngāi dōra anga, hantin han Israel nāi ngāiin a chung una a thō kiar u na. 21#Aph 35:2Levi ngāiin a ning una anthiang u na, a puon u ngāi a rasūk u na. Hantin han Aron-in amāni chu Zehova matona phāmpēk anga a dar a, amāni anthiangna ranga Aron-in anthiarna a sin a. 22Hava suona han, Aron le a nāi ngāi maton Levi mi ngāi chu a sin u āthō ranga Antongna Puon-ina a lūt u na; Levi mi ngāi ruia Zehova'n Mōsi chong ei pēk anga, hantin han amānī'n a chung una a thō u na.
23Hatuka Zehova'n Mōsi a chongpui a, a kōma, 24#Ant 38:21; 1Kh 23:3“Hiva hi Levi mi ngāi sinthō rang chu a ni: Kum 25 chunglam mī chu Antongna Puon-ina dorbōndomna sinthō ranga a lūt thei a. 25Kum 50 akāi u le hiva sin a thō nātā ei bāng ngēt u rang, hatuka sinthō u lāi nō ni. 26Amānī'n Antongna Puon-in dorbōndomna sina chu a paruol ngāi rang a san thei u na, tenchu amānī'n dorbōndomna sin chu thō u lāi nō ni. Hantin han a sinthō u rang ngāi ruia Levi mi ngāi chunga thō tānla,” a tī na.
Bible in Ranglong, © Bibles International, the Bible society of Baptist Mid-Missions, 2024.