Antelna 9
9
Kallēn Pāntā Anmang
1 #
Ant 40:2
Zehova'n Mōsi chu Āigupta ram ātā a hong āsuok suo u na, kum annina tha mānsa han, Sinai mibuirama a chongpui a, a kōma, 2“Israel nāi ngāiin Kallēn Pāntā chu a hunbī taka mang u rase. 3#Ant 12:2-11, 42; Lev 23:5-8; Dān 16:1-8Hiva thāna ni sōmleimanli nikhuona azīngrū lē avārrūna, a hun anruota han mang u tānla, a dānphun lē a dāndet dōra anga thō u ro,” a tī na. 4#Ant 12:11Hankēng Mōsī'n Israel nāi ngāi rang Kallēn Pāntā ei mang u rang ti ha a ril a. 5#Ant 12:6Amānī'n Kallēn Pāntā chu tha khatna ni sōmleimanli nikhuona azīngrū lē avārrūna, Sinai mibuirama a mang u na, Zehova'n Mōsi a kōma chong ei pēk anga, Israel nāi ngāiin a thō u na.
6 #
Ant 18:15; Lev 5:3; 21:11 Mī senkhat ruokin ei mannim a om a, amānī'n Kallēn Pāntā chu hava nikhuona han mang thei u mak a. hava nikhuona Mōsi lē Aron kōma a hong u na. 7#Atl 9:13Hava mi ngāiin a kōm u na, “Mī khat ruok sika nā'n nim zei a. Hong sika mo Israel nāi ngāi bila, hun anthang nikhuona, Zehova ranga dāli dar ranga ankhāra nei om?” a ti u na. 8#Ant 18:15; Lev 24:12; Sām 85:8Mōsī'n a kōm u na, “Lei ānding u ro, nangni na ruia Zehova chongpēk kei riattheina rang,” a tī na.
9Hatuka Zehova'n Mōsi a chongpui a, a kōma, 10#2Kh 30:2“Israel nāi ngāi chongpui tānla, ‘Ruok sika nangni bila angkhat peiin mo ole na khūk u ngāiin mo a lei ānnim ving a ninā'm, ole ālāpāna ānzin a ni ngalā'm, amā'n Zehova Kallēn Pāntā chu a la mang thei,’ tīna ril ro. 11#Ant 12:6, 8Thā anni changnāna ni sōmleimanli changna nikhuona, azīngrū lē avārrūna Kallēn Pāntā chu a mang u thei. Amānī'n hava ha cholanchellui vāipōltāp le anna khā le han ei sāk u rang. 12#Ant 12:8, 46; Zn 19:36Amānī'n zīng tenpeia ītē ei maniang u rang ni mak, a ru ngāi um angkhattē ngal ei khiak u rang ni mak. Kallēn Pānta ruia dānphun anga amānī'n Kallēn Pāntā chu mang u'n tia. 13#Aph 17:14Tenchu mī ānthiang uoma khuol um anzin nōka, Kallēn Pāntā a mang nōk ten, hava mī chu a mi ngāi ātā mukhup ei ni rang, Zehova ranga hun ansūk taka dāli ei hong dar nōk sika; ei siatna chu raput in ti. 14#Ant 12:19, 43Hatuka namtei mi, na bil una ommun a khuor, Zehova Kallēn Pāntā chu a lei mang ten, amā'n Kallēn Pāntā dānphun anga le ei ānmang dān anga mang rase. A ram mi rang le ramtei mī ranga dān khat om rase,” a tī na.
Sūmbuor Anding lē Moi
15 #
Ant 26:30; 33:16; 38:21 Biakbūk ānding nikhuo han, biakbūk, Riatpuina Puon-in chu ansūmin a hong hīp a. Khului ātā zīng tenpeia biakbūk chunga moi anga a om a. 16#Ant 40:38Hankēng hava chu a om chian a, sūna ansūm anga a hīp a, zāna moi anga anlang a. 17#1Ko 10:1Ansūm chu puon-in ātā chung tiang anlāka a om suo tik pei le han, Israel nāi ngāi chu anzin u chachak a; hatuka ansūm ei āndingna mun taka han, Israel nāi ngāiin a puon-in u ngāi a rīn u chachak. 18#Ant 40:37Zehova chongpēk anga Israel nāi ngāi chu anzin u chachak, Zehova chongpēk anga riabuk a khuor u chachak; biakbūk chunga ansūm ei om nikhuo kār pei chu ommun a khuor u chachak a. 19#Ant 40:37; Lev 8:35Biakbūk chunga ansūm nikhuo sōtpā a om ngalā'm, Israel nāi ngāiin Zehova chongpēk a tel u na, anzin u chachak mak a. 20Biakbūk chunga ansūm chu nikhuo bongtē a om lāiā'm, hantin dēn han a ni: Zehova chongpēk anga riabuk a khuor u chachak a, Zehova chongpēk anga anzin u chachak a. 21Ansūm chu khului ātā zīng ten bak ei om hun a om chachak a. Zīnga ansūm chu anlāka a om le, amāni chu anzin u chachak a, sūna mo ole zāna mo, ansūm chu anlāka a om tik pei anzin u chachak a. 22#Ant 40:36-37Ni anni mo ole tha khat mo ole kum khat ngal mo ni rase, biakbūk chunga ansūm ei om tukpei, Israel nāi ngāi chu riabuka a om u chachak a, amāni chu anzin u mak a. Tenchu ansūm chu anlāka a om tik pei chu anzin u chachak a. 23Zehova chongpēk anga riabuk a khuor u na, Zehova hē dēna anzin u chachak a. Mōsi amanga Zehova chongpēk anga, Zehova chongpēk chu a zī u na.
Bible in Ranglong, © Bibles International, the Bible society of Baptist Mid-Missions, 2024.