Antelna 7
7
Biakbūk a Darna
1 #
Ant 30:26; 40:9-10, 17; 2Kh 7:9 Mōsī'n biakbūk āsin a zui suo phing a, hintin hin a nī na, amā'n biakbūk le a tinratuo ngāi chu sariak a thī na, a manthiang a. Hankēng māichām lē a tinratuo ngāi dōra chu sariak ā thī na, a manthiang a. 2Hatuka Israel ruoipū ngāi, a pā insūngkuona a lusi ngāi, a nam una aruoipū ngāi le antel suo chunga ruoipū ngāi dōrā'n a dar u na. 3#Aph 45:19; 1Sa 6:7-14; 1Kh 13:7Amānī'n a dāli u ranga sarāttolāi achung ankhū aruk le sarāttang sōmleianni, ruoipū anni kipa ranga sarāttolāi khat, mī khat ranga sarāttang khat chu Zehova matona a hong chōi u na; amānī'n biakbūk matona a hong dar u na.
4Hatuka Zehova'n Mōsi a chongpui a, hintin hin, 5“Antongna Puon-in sinthōnāna ei ānmang theina rang, hiva ngāi hi amāni kōm ātā lei pompē ro, hiva ngāi hi Levi mi ngāi kōma pēk na tia, mī tūkareng a dorbōndomna ang chipa,” a tī na. 6Hankēng Mōsī'n sarāttolāi le sarāttang chu a lāk a, Levi mi ngāi kōma a pēk a. 7A dorbōndom u ang chipa, sarāttolāi anni le sarāttang manlī chu Gerson a nāipasal ngāi kōma a pēk a. 8A dorbōndom u ang chipa, sarāttolāi manlī le sarāttang ariat chu Merari a nāipasal ngāi kōma a pēk a, hiva ngāi hi chāizūng Aron a nāipasal Ithamar a ningneina thuoia om a ni u na. 9#Atl 3:31Tenchu Kohat a nāipasal ngāi ranga ītē pēk mak a, asik chu amāni chunga neinun anthiang ngāi dorbōndomna sin a om a, hava ha amānī'n a dāra ei raput u a ni.
Ruoipū ngāi Dāli
10 #
Dān 20:5; 2Kh 7:9 Hava suole han, māichām sariak anthī nikhuona han ruoipū ngāiin dāli chu māichāma a hong dar u na; hantin han ruoipū ngāi dāli chu māichām matona a dar u na. 11Zehova'n Mōsi a kōma, “Māichām andarna chu ruoipū khakhatin anikhuo'n tina dāli hong dar u rase,” a tī na.
12Nikhat changna nikhuona dāli a hong ādar chu Zuda nam ātā, Aminadab a nāipasal Nason a ni. 13#Ant 27:3; Lev 2:1; 27:3-7A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 14#Ant 25:6; 1Rē 7:50; 2Rē 25:14; 2Kh 4:22Sekel sōm ārik marimhui ābit rāngkachak makhetē khat. 15#Ant 24:5; Lev 1:3Hālbiang dāli ranga, sarāttang tuoi khat, beratang khat lē kum khat beratē khat a ni. 16#Lev 4:3Āsia sāina dāli ranga kēlte tang khat a ni. 17#Lev 3:1Anngoina dāli anbōlna ranga: sarāttang anni, beratang rangā, kēltang rangā lē kum khat beratē tang rangā. Hiva hi Aminadab a nāipasal Nason a dāli chu a ni.
18Ni anni changnāna Zuar a nāipasal Nethanel, Isakhar ngāi ruoipū'n dāli a dar a. 19A dāli dar chu mun anthianga sekel anga sumrū khēng khat, ei rik chu sekel 130, hanūk chu dār khēng khat sekel 70 a ni, hava āninīn ha sariak anpol sahūm dāli ranga vāipōldī bit a ni. 20Sekel sōm ārik, marimhui ābit rāngkachak makhē khat a ni. 21Hālbiang dāli ranga sarāttang tuoi khat, beratang khat lē kum khat beratē tang khat a ni. 22Āsia sāina dāli ranga kēltang khat a ni. 23Anngoina dāli anbōlna ranga: sarāttang anni, beratang rangā, kēltang rangā lē kum khat beratē tang rangā. Hiva hi Zuar a nāipasal Nethanel a dāli chu a ni.
24Nī anthumnāna Zebulun a nāi ngāi ruoipū Helon a nāipasal Eliab-in dāli a dar a. 25A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 26Sekel sōm ārik, marimhui ābit rāngkachak makhē khat a ni. 27Hālbiang dāli ranga sarāttang tuoi khat, beratang khat lē kum khat beratē tang khat a ni. 28Āsia sāina dāli rang kēltang khat a ni. 29Anngoina dāli anbōlna ranga: sarāttang anni, beratang rangā, kēltang rangā lē kum khat beratē tang rangā a ni. Hiva hi Helon a nāipasal Eliab a dāli chu a ni.
30Ni manlināna Ruben a nāi ngāi ruoipū Sediur a nāipasal Elizur-in dāli a dar a. 31A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 32Sekel sōm ārik, marimhui ābit rāngkachak makhē khat a ni. 33Hālbiang dāli ranga sarāttang tuoi khat, beratang khat lē kum khat beratē tang khat a ni. 34Āsia sāina dāli ranga kēltang khat a ni. 35Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Sediur a nāipasal Elizur a dāli chu a ni.
36Ni ranganāna Simeon nāi ngāi ruoipū Zurisadai a nāipasal Selumiel-in dāli a dar a. 37A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 38Sekel sōm ārik, marimhui ābit rāngkachak makhē khat a ni. 39Hālbiang dāli ranga sarāttang tuoi khat, beratang khat lē kum khat beratē tang khat a ni. 40Āsia sāina dāli ranga kēltang khat a ni. 41Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Zurisadai a nāipasal Selumiel a dāli chu a ni.
42Nī arukna han Gad a nāi ngāi ruoipū Deuel a nāipasal Eliasaf-in dāli a dar a. 43A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 44Sekel sōm ārik marimhui ābit rāngkachak makhē khat a ni. 45Hālbiang dāli ranga sarāttang tuoi khat, beratang khat lē kum khat beratē tang khat a ni. 46Āsia sāina dāli ranga kēltang khat a ni. 47Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Deuel a nāipasal Eliasaf a dāli chu a ni.
48Ni sari changnāna Efraim a nāi ngāi ruoipū Ammihud a nāipasal Elisama'n dāli a dar a. 49A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 50Sekel sōm ārik marimhui ābit rāngkachak makhē khat a ni. 51Hālbiang dāli ranga sarāttang tuoi khat, beratang khat lē kum khat beratē tang khat a ni. 52Āsia sāina dāli rang kēltang khat a ni. 53Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Ammihud a nāipasal Elisama a dāli chu a ni.
54Ni ariatna han Menase nāi ngāi ruoipū Pedazur a nāipasal Gamaliel-in dāli a dar a. 55A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 56Sekel sōm ārik marimhui ābit rāngkachak makhē khat a ni. 57Hālbiang dāli ranga sarāttang tuoi khat, beratang khat lē kum khat beratē tang khat a ni. 58Āsia sāina dāli ranga kēltang khat a ni. 59Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Pedazur a nāipasal Gamaliel a dāli chu a ni.
60Ni akuona han Benzamin nāi ngāi ruoipū Gideoni a nāipasal Abidan-in dāli a dar a. 61A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 62Sekel sōm ārik marimhui ābit rāngkachak makhē khat a ni. 63Hālbiang dāli ranga sarāttang tuoi khat, beratang khat lē kum khat beratē tang khat a ni. 64Āsia sāina dāli rang kēltang khat a ni. 65Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Gideoni a nāipasal Abidan a dāli chu a ni.
66Ni sōm changnāna Dan nāi ngāi ruoipū Amisadai a nāipasal Ahiezer-in dāli a dar a. 67A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 68Sekel sōm ārik marimhui ābit rāngkachak makhē khat a ni. 69Hālbiang dāli ranga sarāttang tuoi khat, beratang khat lē kum khat beratē tang khat a ni. 70Āsia sāina dāli rang kēltang khat a ni. 71Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Amisadai a nāipasal Ahiezer a dāli chu a ni.
72Ni sōmleikhat changnāna, Aser nāi ngāi ruoipū Okran a nāipasal Pagiel-in dāli a dar a. 73A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 74Sekel sōm ārik marimhui ābit rāngkachak makhē khat a ni. 75Hālbiang dāli rang sarāttang tuoi khat, beratang khat lē kum khat beratē tang khat a ni. 76Āsia sāina dāli rang kēltang khat a ni. 77Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Okran a nāipasal Pagiel a dāli chu a ni.
78Ni sōmleianni changnāna, Naftali nāi ngāi ruoipū Enan a nāipasal Ahira-in dāli a dar a. 79A dāli dar chu mun anthianga sekel anga, khēng sumrū khat a ni, ei rik chu sekel 130 lē sekel 70 sumrū bāngtok khat a ni; hava aninīn ha sariak anpol sahūm dāli ranga vāipōldī bit chu a ni. 80Sekel sōm ārik marimhui ābit rāngkachak makhē khat a ni. 81Hālbiang dāli rang sarāttang tuoi khat, beratang khat lē kum khat beratē tang khat a ni. 82Āsia sāina dāli ranga kēltang khat a ni. 83Anngoina dāli anbōlna rang: sarāttang anni, beratang rangā, kēltang rangā lē kum khat beratē tang rangā a ni. Hiva hi Enan a nāipasal Ahira a dāli chu a ni.
Dāli Āndar ngāi
84Hiva ngāi hi māichām sariak anthī nikhuona māichāma Israel ruoipū ngāiin dāli ei dar u ngāi chu: sumrū khēng sōmleianni, sumrū bāngtok sōmleianni lē rāngkachak makhē sōmleianni a ni. 85Sumrū khēng ngāi chu sekel 130 chipa arik a ni, sumrū bāngtok ngāi chu sekel 70 chipa arik a ni. Hava sumrū tinratuo ngāi dōra chu mun anthianga sekel dān anga sekel 2,400 arik a ni. 86Rāngkachak hāikhē marimhui ābit sōmleianni chu mun anthiang sekel dān anga sekel sōm arik chip a ni. Rāngkachak hāikhē dōra chu sekel 120 arik a ni. 87Hālbiang dāli ranga sarāttang ngāi dōra chu, sarāttang tuoi sōmleianni, beratang sōmleianni, kum khat beratang tuoi sōmleianni sahūm dāli le han, hatuka āsia sāina dāli ranga kēltang sōmleianni a ni. 88#Aph 32:14Anngoina dāli anbōlna ranga ran dōra chu sarāttang 24, beratang 60, kēltang 60 lē kum khat beratē 60 a ni. Hiva hi sariak anthī suona māichāma rang andarna dāli chu a ni.
89 #
Ant 16:34; 29:42; 40:2; Sām 80:1 Mōsi chu Pathian āchongpui rang Antongna Puon-ina a lūt lāi han, Riatpuina Bōm chunga riangvāimūna sutmun chunga kerub anni ngāi kongkār ātā, ama āchongpui rōl a riat a; hantin han Amā'n Mōsi chu a chongpui a.
Bible in Ranglong, © Bibles International, the Bible society of Baptist Mid-Missions, 2024.