Antelna 6
6
Nazirmī Ruia Dān
1 Zehova'n Mōsi a chongpui a: 2#Aph 28:20; Rui 13:5; Kui 21:23“Israel nāi ngāi kōma hintin hin ril ro: Pasal mo ole nupang mo a ni, Zehova ranga a ninga khāibing ranga Nazirmī chongtinnāna, chong a tin ten, 3#Lev 10:9; 25:5; Rūt 2:14; Sām 69:21; Chn 10:26; Am 2:12; Lk 1:15ama chu a ninga theirapomningtī lē zū nātā ankhāi rase; amā'n theirapomningtī nātā ānsin zū mo ole atei ātā ānsin zūthūr mo ei buong rang ni mak. Amā'n theirapomningtī ei buong rang ni mak, theirapom marā ring mo ole theirapom achār mo, ei sāk rang ni mak. 4Ama ei ānkhāibing hunsūng chu theirapomrāng, theirapom rū lē akōr ātā a hong āsuok dōra ei sāk rang ni mak.
5 #
1Sa 1:11; Sām 52:2; Isa 7:20; Izk 5:1 “Ānkhāibing ranga a chongtinna hunsūng chu chuivie'n a lū ei tōn rang ni mak. Zehova ranga ei ānkhāibingna nikhuo a kip māseng chu, ama chu anthianga ei om rang a ni. Hatuka amā'n a lūna sam chu mansei rase. 6#Lev 21:1-3Zehova ranga khāibing hunsūng chu āthi ruok va dēp nō rase. 7#Lev 21:1-2, 11A pā, a nū, a paruol le a sarnū a thi tik u le ngal, amāni sika ei ānnim rang ni mak, asik chu Pathian rang ei ānkhāibingna chu a lu chunga a om a. 8Ei ānkhāibingna hunsūng chu Zehova ranga anthiang a ni.
9 #
Lev 14:9; Kui 18:18; 21:24 “Mī khat pei a kōla a thi rak a, ei ānkhāibingna lū chu a lei mannim ten, ei ānthiangna nikhuona a lūna sam vūi sela; hava ha ni sari nikhuona ei vūi rang. 10#Lev 5:7; 14:10-11Ni ariatnāna chāizūng kōma vasū anni mo ole pharvalitē anni mo, Antongna Puon-in suokkhāra ei hong chōi rang. 11#Aph 8:20; Ant 29:36; 30:10Chāizūngin angkhat chu āsia sāina dālina lē angkhat rēt chu hālbiang dālina dar in tia, āthi ruok sika āsia ei thō sika, ama ranga āsia anthiarna sinpē in tia; hava nikhuo len han a lū manthiang in ti. 12#Lev 5:15; 12:6Ama chu ei ānkhāibingna nikhuo ngāi chu Zehova ranga anthianga om rase, leichōi dāli ranga kum khat beratang chu hong chōi in tia; tenchu ei ānkhāibingna ha a lei mannim sika, māna ei ānkhāibingna nikhuo ngāi chu anpei in ti.
13 #
Lev 14:11; Kui 21:26 “Hiva hi Nazirmī ranga dān chu a ni. Ei ānkhāibingna nikhuo ngāi chu a hong ākip le chu, ama chu Antongna Puon-in suokkhāra hong ānruoi in ti. 14#Ant 12:5; Lev 3:1; 4:3; 5:15A dāli chu Zehova kōma hong dar rase: demkāilui kum khat beratang hālbiang dāli ranga, demkāilui kum khata bera nupang khat āsia sāina dāli ranga, demkāilui kēltang khat anngoina dāli ranga hong chōi rase. 15#Aph 35:14; Ant 29:2; Lev 2:1Amā'n cholanchellui vāipōltāp kok khat, sariak le ānsin vāipōltheppak, cholanchellui sariak le ānsin vāipōl anpēr lē sahūm dāli lē ābuong dāli le han hong chōi rase.
16 #
Lev 1:3
“Hatuka chāizūngin hiva ngāi chu Zehova matona hong chōi in tia, ama rang āsia sāina dāli lē hālbiang dāli chu hong dar in ti. 17#Ant 29:41; Lev 3:1; 23:13Chāizūngin beratang chu cholanchellui vāipōltāp kok khat le han Zehova matona anngoina dāli anbōlna chu dar in tia; chāizūngin sahūm dāli le ābuong dāli hā'm dar sā in ti. 18#Kui 21:24Hankēng, Nazirmī chu Antongna Puon-in suokkhāra han ei ānkhāibingna lū chu ziata mankol in tia, hava ha anbōlna anngoina dāli thuoia moia ei hāl rang.
19 #
Lev 7:12; 1Sa 2:15 “Chāizūngin beratang mē a dārpar anbut, kok ātā cholanchellui vāipōltheppak khat lē cholanchellui vāipōl anpēr khat chu lāk in tia, hava ngāi dōra chu ei ānkhāibingna sam a lei mankol suona Nazirmī a kuta ei siak rang a ni. 20#Lev 7:30, 34; 27:9; Chp 9:7Chāizūngin hava ngāi chu Zehova matona phāmpēk anga āvīk in ti. Phāmpēka ānvīk a rōpsuom lē nuompēka āndom a ketor chu chāizūng ranga anthiang a ni. Hava suona han Nazirmī'n theirapomningtī buong thei in ti.
21“Hiva hi Nazirmī dān, Zehova kōma ei ānkhāibingna ranga chong ei āntinna a dāli chu a ni, a kutin ei pēk thei panga, chongtinna ei dōn anga, ei ānkhāibingna dān anga amā'n ei pēk rang nāng in ti,” a tī na.
Chāizūng Bōrsāng
22 Zehova'n Mōsi a chongpui a, a kōma, 23#Dān 21:5; 1Kh 23:13“Aron lē a nāipasal ngāi kōma ril ro, ‘Hintin hin Israel nāi ngāi chu bōr nei pēk rang. Amāni kōma hintin hin ti u ro:
24 #
Aph 28:3; Dān 28:3-6; 1Sa 2:9; Sām 17:8; 28:9 “ ‘Zehova'n bōr na pēk u rase, na rung u rase.
25 #
Aph 43:29; Zōb 29:24; Sām 4:6; 25:16 Zehova'n a mēl chu na chung una man-ēl rase, lungkham na mu u rase.
26 #
Sām 4:6, 8; Isa 14:7; Zer 33:6; Zn 14:27 Zehova'n a mēl chu na chung una man-ēl rase, phūkdāina na pēk u rase.’
27 #
Dān 28:10; 2Sa 7:23; 2Kh 7:14; Neh 9:10; Zer 25:29; Izk 36:23 “Hankēng amānī'n ka raming chu Israel nāi ngāi chunga ei manchuong u rang, amāni chu bōr pēk u ka ting,” a tī na.
Bible in Ranglong, © Bibles International, the Bible society of Baptist Mid-Missions, 2024.