Antelna 5
5
Anthianglui ngāi Riabuk Panga Siakna
1 Zehova'n Mōsi a chongpui a, a kōma, 2#Lev 13:2-3; 15:2; 21:11; Mt 9:20“Ānkā thei vun rikhuo ātong dōra, sersuok ngāi dōra lē ruok sika ānnim ngāi dōra chu riabuk panga āsiak ranga Israel nāi ngāi kōma chongpēk ro. 3#Ant 29:45; Lev 26:12; 2Ko 6:16Nangin nupang pasal apanga siak rit ro. Amāni chu riabuk panga nei siak rang, ommun kei khuorna a riabuk u ngāi chu ei mannim u nōkna ranga,” a tī na. 4Israel nāi ngāiin hantin han a thō u na, amāni chu riabuk panga a siak u na; Zehova'n Mōsi a kōma ei ril anga han, Israel nāi ngāiin a thō u na.
Ansīrna lē Leichōina
5Hatuka Zehova'n Mōsi a chongpui a, a kōma, 6#Lev 5:14-6:7; 6:2“Israel nāi ngāi chu ril ro. Pasal mo nupang mo, mi tū khatin mo āsia thōna Zehova aduia iamruobuia a lei om ten, hava miring chu āsia anlō rase. 7#Lev 5:5, 16; Lk 19:8Hatuka āsia ei thō chu anpuong rase. Āsia ei thōna chu akip chīta lei ei chōi rang a ni, thep rangā nātā thep khat sapa āsia ei thōpū kōma hava ha pēk rase. 8#Lev 5:15; 6:6-7Tenchu masial thuonna lei a lei āndōng rang pū'n ūnāi a dōn nōk ten, masial thuonna lei chu, ama ranga anthiarna ei ānsinna beratang le han Zehova kōma chāizūng ranga anpēk rase. 9#Ant 29:28; Lev 6:17; Dān 18:3-4Israel nāi ngāiin chāizūng kōma ei hong chōi u nuompēk anthiang dōra chu chāizūng tā nī'n ti. 10#Lev 7:29-34Mitin a neinun anthiang ngāi chu ama tā nī'n ti. Mī'n chāizūng ranga ei pēk dōra chu chāizūng tā nī'n ti,” a tī na.
Iamruobui Thāinū Rui
11 Zehova'n Mōsi a chongpui a, a kōma, 12#Ant 20:14“Israel nāi ngāi chu hintin hin ril ro: Mi thāinū angkhat pei ateia a lei āpēt a, a tangsā chunga iamruonōka a om ten, 13#Ant 20:14pasal khatin taksāna a lei zālpui a, a tangsā mitmūna anthupa a om ten, ei ānnimna chu maruka a om a, ama chunga āriatpuipū abuia, ama chu ānsūr um a ni nōk ten chu, 14#Sol 8:6a tangsā chunga manarasia ratha ei hong a, a lei ānnim suo a thāinū chunga manarasia a thō ten, ole a tangsā chunga manarasia rathā ei hong a, a thāinū annimlui a ni ngalā'm, a chunga manarasia a thō ten, 15#Ant 16:36; Lev 6:20; Izk 21:23hatuka a ruotharin a thāinū chu chāizūng kōma ei hong ruoi rang a ni. Amā'n a thāinū rang dāli ānāng chu ei hong chōi rang, bārlī efa mun sōm ātā mun khat, hava chunga sariak lei nō rase, berō um manchel nō rase. Asik chu hiva hi manarasia sahūm dāli, riattitna dāli, siat anriattitna dāli a ni.
16“Chāizūngin ama chu Zehova matona ei hong manding rang. 17Chāizūngin phil bēla tī anthiang lāk in tia, biakbūk zōla philvut senkhat lāk in tia, hava ha tīna han phul in ti. 18#Lev 10:6; 1Ko 11:6Hatuka chāizūngin nupang chu Zehova matona manding in tia, a lūna sam sūt in tia, riattitna dāli chu a kuta siak in tia, hava ha manarasia sahūm dāli a ni. Chāizūng a kuta han khomāk a hong āntung tī khā chu dōn in ti. 19Chāizūngin nupang chu, ‘Pasal tūtē'n a na lei zālpui nōka, na tangsā ningneina thuoia nei oma, anthiangluina tiang na lei āpēt nōk ānten, hiva khomāk a hong āchōi tī khā nātā zōk ro. 20Tenchu na tangsā ningneina thuoia nā om lāi atei tiang na lei pēt a, na tangsā ni luia pasal atei le na lei zāl a, na lei chāipui ten,’ tīna khomāk mansam rase. 21#Zos 6:26; 1Sa 14:24; Neh 10:29Chāizūngin nupang chu khomāk chongtin mansam in tia, amā'n nupang kōma, ‘Zehova'n na ketor athūna lē na vonnāl anthinga a rē le chu, nang chu na mi ngāi kāra khomāka lē chongtinnāna na sin rase. 22#Dān 27:15; Sām 109:18Khomāk antung chachak tī chu na von sūnga lūt rase, na vonnāl manthinga na ketor manthu rase,’ ti rase. Hatuka ha nupangin, ‘Amen, hantin han ni rase,’ tī'n ti.
23 #
Zer 45:1
“Hatuka chāizūngin hiva khomāk ngāi chu lekhabūna maziak in tia, hava ngāi ha tī khā le han rasūk rase. 24Chāizūngin nupang chu khomāk a hong āntung tī khā chu manbuong in tia, khomāk antung tī chu asūnga lūt a, mankhā'n ti. 25#Lev 8:27Hatuka chāizūngin manarasia sahūm dāli chu nupang kut ātā lāk in tia, dāli chu Zehova matona a vīk in tia, hava ha māichāma hong chōi in ti. 26#Lev 2:2Chāizūngin hava dāli āndar chu zūm khat lāka, apumpui rathūla, hava ha māichāma hāl in ti. Hava suona hava tī chu nupang rang manbuong in ti. 27#Isa 43:28; Zer 26:6; Zek 8:13Nupang chu hava tī a manbuong le chu, hintin hin hong nī'n ti, amā'n a ninga a lei ānnim a, a tangsā chunga iamruobuia a lei om ten, khomāk a hong āntung tī chu asūnga lūt in tia, a sūng hong mankha in tia, a vonnāl anthing in tia, a ketor thu in tia, nupang chu a mi ngāi bila khomāk tung in ti. 28Tenchu ha nupang ha a lei ānnim nōka, a lei ānthiang a ni ten, ama chu zōk in tia, ama chu nāi um vong thei in ti.
29“Hiva hi manarasia dān a ni, thāinū'n a tangsā ningneina sūnga a om lāi, atei a lei pan a, a ninga a lei ānnim ten, 30ole pasal a chunga manarasia rathā a hong a, a thāinū chunga manarasia a nei ten, a thāinū chu Zehova matona hong manding in tia, hatuka chāizūngin hiva dān ngāi dōra chu ha nupang chunga mang in ti. 31#Lev 5:1; 20:17, 19-20Hatuka pasal chu āsia anlō nātā zōk in tia, tenchu nupangin ei masialna chu pēl in ti,” a tī na.
Bible in Ranglong, © Bibles International, the Bible society of Baptist Mid-Missions, 2024.