Antelna 3
3
Aron a Nāipasal ngāi
1 #
Ant 6:27; 19:11 Sinai muola Zehova'n Mōsi a chongpui lāia, Aron lē Mōsi a khūkrachī ngāi chu hiva ngāi hi a ni. 2#Ant 6:23Hiva ngāi hi Aron a nāipasal ngāi raming chu a ni: a nāirapa Nadab, Abihu, Eliazar lē Ithamar a ni. 3#Ant 28:41Hiva ngāi hi Aron a nāi ngāi, chāizūng ranga lāisānkhēr, chāizūng sina dorbōndom ranga anthiang ngāi raming chu a ni. 4#Lev 10:1-2, 6, 12; Atl 26:61; 1Kh 24:1-2Nadab lē Abihu chu sinai mibuirama moi anthianglui chu Zehova matona a dar u lāi han, Zehova matona a thi u na; amānī'n nāi dōn u mak a. Hankēng Eliazar lē Ithamar chu a pā Aron mitmūna chāizūng anga dorbō a dom u na.
Biakbūka Levi mi ngāi Dorbōndomna
5 Zehova'n Mōsi a chongpui a, a kōma, 6#Dān 10:8; 1Kh 15:2; 2Kh 29:11“Levi nam chu hong ruoi ro, chāizūng Aron makunga hong manlang ro, a dorbō ei ādom thei una rang. 7#Lev 8:35Amānī'n Aron le mipui ngāi dōra ei nang u ngāi dōra ranga Antongna Puon-in matona, biakbūk sin ei thō u rang. 8Amānī'n Antongna Puon-ina tinratuo ngāi dōra lē Israel nāi ngāi ei nāng u ngāi dōrā'm ei en u rang. Biakbūk sin chu ei thō rang. 9Levi mi ngāi chu Aron lē a nāipasal ngāi rang pēk tānla; Israel nāi ngāi bil ātā amāni chu Aron kōma aloma anpēk u a ni. 10#Ant 29:9; 30:7Hankēng Aron lē a nāipasal ngāi chu chāizūng sin ei thō una rang phun tānla, amānī'n a chāizūngnīna chu ei rung u rang a ni. Tenchu mītei a kōla āhong dōra chu anthat in ti,” a tī na.
11Hatuka Zehova'n Mōsi a chongpui a, a kōma, 12#Ant 13:2; Neh 13:29; Mal 2:4“Entā, Israel nāi ngāi bil ātā tekok anlong nāirapā dōra rathūla, Levi mi ngāi chu Israel nāi ngāi bil ātā koi ngētin kei lāk a ni. Hasikhan Levi mi ngāi chu ka tā ei ni rang. 13#Ant 13:12; Lev 11:44Asik chu nāirapā dōra chu ka tā a ni. Āigupta rama nāirapā dōra ka that nikhuo nātā, Israel rama nāirapā dōra, miring lē ran ngāi chu koi ka ranga kei serbing suo a ni. Amāni chu ka tā ni u'n ti. Koi hi Zehova kā ni,” a tī na.
Levi mi ngāi Antelna
14 #
Ant 19:1
Hatuka Zehova'n Mōsi chu Sinai mibuirama a chongpui a, a kōma, 15“Levi mi ngāi chu a pā insūngkuo u ngāi chipa, a insūngkuo ang chipa tel tānla; tha khat chunglam pasal dōra chu tel tānla,” a tī na. 16Hankēng Zehova'n ei tī anga, a chongpēk anga Mōsī'n amāni chu a tel a.
17 #
Aph 29:34; Ant 6:16; Zos 21:6; 1Kh 15:4; 2Kh 29:12 Hiva ngāi hi Levi a nāipasal ngāi raming chu a ni: Gerson, Kohat lē Merari. 18#Ant 6:17A insūngkuo u anga hiva ngāi hi Gerson a nāipasal ngāi raming chu a ni: Libni le Simei. 19#Ant 6:18A insūngkuo u anga hiva ngāi hi Kohat a nāipasal ngāi raming a ni: Amram, Izar, Hebron lē Uziel. 20#Aph 46:11; Ant 6:19A insūngkuo u anga hiva ngāi hi Merari a nāipasal ngāi raming chu a ni: Mahali le Musi. Hiva ngāi hi a pā insūngkuo anga Levi chi ngāi chu a ni u na.
Gerson Mi ngāi Antelna
21 #
Aph 46:11; Ant 6:17 Gerson ātā Libni pānchī lē Simei pānchī a hong āsuok a, hiva ngāi hi Gerson mi ngāi insūngkuo a ni. 22Nāipasal tha khat chunglam antel suo dōra chu 7,500 a ni. 23Gerson mi ngāi insūngkuo ngāi chu biakbūk nūk tiang tāklam changa riabuk khuor u'n ti. 24Gerson mi ngāi a pā ngāi insūngkuona ruoipū chu Lael a nāipasal Eliasaf a ni.
25 #
Ant 25:9; 26:14, 36; 40:2 Antongna Puon-ina Gerson ngāi sinthō rang ngāi chu biakbūk, puon-in, achung ankhūna, Antongna Puon-in suokkhār puonrīn, 26#Ant 27:9; 35:18tuomāi makota ranga puonrīn, biakbūk suokkhār le māichām anhīl vinga tuomāia puonkhārtan ākāi ngāi lē hava ngāi ei ānzompui sinthōna ranga ri ngāi dōra le han a ni.
Kohat Mi ngāi Antelna
27 #
Aph 46:11; Ant 6:18; 1Kh 26:23 Kohat ātā pānchī a hong āsuok ngāi chu, Amram mi ngāi, Izar mi ngāi, Hebron mi ngāi lē Uziel mi ngāi a ni u na; hiva ngāi hi Kohat mī pānchi ngāi a ni u na. 28#Ant 25:8; 2Kh 30:19; Sām 15:1; Izk 44:27Pasal tha khat chunglam dōra chu 8,600 a ni, hiva ngāi hi mun anthiang āen rang ngāi a ni u na. 29Kohat nāi ngāi insūngkuo chu biakbūk sim tiang changa riabuk khuor u rase. 30#Ant 6:22; Lev 10:4Kohat nam ngāi a pā insūngkuona aruoipū chu Uziel a nāipasal Elizfan a ni.
31 #
Ant 25:10-23, 31; 26:31-33; Atl 4:15; Dān 10:1-8; 1Kh 28:15; 2Kh 5:2; Zer 3:16 A sin u rang chu Bōm, dōkham, lēmchuongna, māichām ngāi, mun anthianga dorbō ei ādom unāna ānmang tinratuo ngāi, puonrīn lē hava ngāi ei ānzompui sin ngāi dōra a ni. 32#Ant 6:23Eliazar, chāizūng Aron a nāipasal chu Levi nam ruoipū ngāi ruoipū chang in ti, mun anthiang ārung ngāi ruoipū a ni.
Merari Mi ngāi Antelna
33 #
Aph 46:11; Ant 6:19 Merari nātā Mahali mi ngāi insūngkuo lē Musi mi ngāi insūngkuo a hong āsuok a; hiva ngāi hi Merari pānchi ngāi chu a ni. 34Nāipasal tha khat chunglam antel suo dōra chu 6,200 a ni. 35Merari pānchi ngāi a pā insūngkuona a ruoipū u chu Abihail a nāipasal Zuriel a ni. Hiva ngāi hi biakbūk mār tiang changa riabuk khuor u rase.
36 #
Ant 26:15-29; 36:36; Atl 4:31-32 Merari nāi ngāi a sinthō u rang chu biakbūk thingpēk, a bangkharang ngāi, a chopui ngāi, akoveng ngāi, a tinratuo ngāi le havana ei ānzompui sin ngāi dōra chu a ni, 37#Ant 27:10-17, 19tuomāi anhīl vinga chopui ngāi, akoveng ngāi, kunthu ngāi lē, a ri ngāi chu a ni.
38 #
1Kh 9:27
Biakbūk suolam tiang, Antongna Puon-in matona, ani suokna suolam tiang changa chubuk akhuor rang ngāi chu Mōsi, Aron le a nāi ngāi nī'n ti. Amāni chu Israel nāi ngāi mun anthiang chu kiavāng u'n ti. Tenchu mītei a hong ādēp dōra chu anthat in ti. 39Zehova chongpēk anga, Mōsi lē Aron-in ei tel u anga Levi mi ngāi chu, pasal dōra tha khat ātā achunglam chu 22,000 a ni.
Israel Nāirapa Antelna
40 Zehova'n Mōsi a kōma, “Israel nāirapā pasal tha khat ātā achunglam dōra chu tel tānla, a raming ngāi chu maziak ro. 41#Lev 11:44Koi hi Zehova chu Ka ni. Israel nāirapā rathūla Levi mi ngāi chu Koi ka ranga lāk ro. Israel ngāi ranruol anzir mānsa ngāi rathūla Levi mi ngāi ranruol chu lāk ro,” a tī na. 42Zehova'n ama chu chong ei pēk anga, Mōsī'n Israel ngāi kāra nāirapa ngāi dōra chu a tel a. 43Pasal nāirapā tha khat ātā achunglam dōra chu a raming u anga a tel a, amāni chu 22,273 a ni.
Nāirapa Anratanna
44Hatuka Zehova'n Mōsi a chongpui a, a kōma, 45#Lev 11:44“Israel nāi ngāi kāra nāirapā dōra rathūla Levi mi ngāi chu lāk ro. Hatuka a ranruol u rathūla Levi mi ngāi ranruol chu lāk ro. Levi mi ngāi chu ka tā nī'n ti. Koi chu Zehova Ka ni. 46#Ant 13:13Israel ngāi kāra nāirapā ngāi chu Levi mi ngāi nēka 273a a tam u na, hiva ngāi anratanna ranga, 47#Ant 30:13; Lev 27:6, 25a miluvoma mun anthianga sekel anmang dān anga sekel rangā nei lāk rang. Sekel chu gera 20 a ni. 48Mi liak ngāi anratanna sum chu Aron lē a nāipasal ngāi nei pēk rang,” a tī na. 49Levi mi ngāiin mī ei ratan u panga, Mōsī'n anratanna man chu a lāk a. 50Amā'n Israel nāirapa ngāi ātā sum chu a lāk a. Mun anthianga sekel ei ānmang dān anga sekel 1,365 a lāk a. 51#Atl 3:48Zehova'n Mōsi chong ei pēk anga, Zehova chongpēk anga Mōsī'n anratanna man chu Aron le a nāi ngāi kōma a pēk a.
Bible in Ranglong, © Bibles International, the Bible society of Baptist Mid-Missions, 2024.