Antelna 2
2
Riabuk Ansin
1 Zehova'n Mōsi lē Aron chu a chongpui a: 2#Sām 74:4; Isa 31:9; Zer 4:21“Israel nāi ngāi dōra chu a pā u ngāi insūngkuo andangna chip le han a puonthor u ngāi chip thuoia han riabuk khuor u rase. Amāni chu Antongna Puon-in ātā ankār uola riabuk khuor u rase.
Suolam Chang Riabuk
3 #
Ant 6:23
“Anī ei suokna tiang suolam changa, Zuda chu a sipairuol ngāi le han puonthor thuoia riabuk khuor u rase. Aminadab a nāipasal Nason chu Zuda nāi ngāi ruoipū ni rase. 4A sipairuol ei tam chu 74,600 a ni.
5“Ama suo thapa riabuk akhuor ngāi chu Isakhar ni rase, Zuar a nāipasal Nethanel chu Isakhar nāi ngāi ruoipū ni rase. 6A sipairuol ei tam chu 54,400 a ni.
7“Hava suole han Zebulun nam a ni. Helon a nāipasal Eliab chu Zebulun nāi ngāi ruoipū a ni. 8A sipairuol ei tam chu 57,400 a ni.
9 #
Rui 1:1
“Zuda riabuka sipairuol ngāi ei tamdān anga āntel ngāi dōra chu 1,86,400 a ni. Amānī'n maruoi mānsa u'n tī na.
Sim Changa Riabuk
10“Sim tiang changa, Ruben chu a sipairuol ngāi le han puonthor thuoia riabuk khuor u rase. Ruben nāi ngāi ruoipū rang chu Sediur a nāipasal Elizur nī'n ti. 11A sipairuol antel suo chu 46,500 a ni.
12“Ama suo thapa riabuk akhuor ngāi chu Simeon ni rase. Simeon nam ngāi ruoipū rang chu Zurisadai a nāipasal Selumiel nī'n ti. 13A sipairuol chu antel suo 59,300 a ni.
14“Hava suole han Gad nam a ni. Gad nāi ngāi a ruoipū u rang chu Reuel a nāipasal Eliasaf nī'n ti. 15A sipairuol antel suo 45,650 a ni.
16“Ruben riabuka sipairuol ngāi ei tamdān anga āntel ngāi dōra chu, 1,51,450 a ni. Amānī'n anni changnāna mā ruoi u'n ti.
17“Hava suole han Antongna Puon-in chu Levi mi ngāi le han, riabuk malāia oma anphet u'n ti. Riabuka ei om u anga, amāni chu a puonthor u ngāi thuoi chipa a mun u ngāi chipa oma anphet u'n ti.
Tāklam Changa Riabuk
18 #
Aph 48:20; Zer 31:18-20 “Tāklam tiang changa, Efraim chu a sipairuol ngāi le han puonthor thuoia riabuk khuor u rase. Efraim nāi ngāi ruoipū rang chu Ammihud a nāipasal Elisama nī'n ti. 19A sipairuol ngāi antel suo chu 40,500 a ni.
20 #
Aph 48:20
“Ama suo thapa Menase nam a ni, Menase nāi ngāi ruoipū rang chu Pedazur a nāipasal Gamaliel a ni. 21A sipairuol antel suo chu 32,200 a ni.
22“Hava suole han Benzamin nam a ni, Benzamin nāi ngāi a ruoipū u rang chu Gideoni a nāipasal Abidan nī'n ti. 23A sipairuol antel suo chu 35,400 a ni.
24 #
Sām 80:2
“Efraim riabuka sipairuol ngāi ei tamdān anga āntel ngāi dōra chu, 1,08,100 a ni. Amānī'n anthum changnāna mā ruoi u'n ti.
Mār Changa Riabuk
25“Mār tiang changa, Dan chu a sipairuol ngāi le han puonthor thuoia riabuk khuor u rase. Dan nāi ngāi ruoipū rang chu Amisadai a nāipasal Ahiezer nī'n ti. 26A sipairuol antel suo chu 62,700 a ni.
27“Amāni suole chu Aser nam ngāiin riabuk khuor u'n ti. Aser nāi ngāi a ruoipū u rang chu Okran a nāipasal Pagiel nī'n ti. 28A sipairuol ngāi antel suo chu 41,500 a ni.
29“Hava suole han Naftali a ni. Naftali nāi ngāi a ruoipū u rang chu Enan a nāipasal Ahira nī'n ti. 30A sipairuol antel suo chu 53,400 a ni.
31 #
Zos 6:9
“Dan riabuka sipairuol ngāi ei tamdān anga āntel ngāi dōra chu, 1,57,600 a ni. Amānī'n ahek khīt changnāna a puonthor u ngāi le han mā ruoi u'n ti,” a tī na.
32 #
Ant 12:37
Hiva ngāi hi Israel nāi ngāi a pā u ngāi insūngkuo ang chipa antel suo chu a ni. A sipairuol anga riabuka antel suo ngāi dōra chu 6,03,550 a ni. 33Tenchu Levi mi ngāi chu Israel nāi ngāi bila antel u mak a, Zehova'n Mōsi kōma chong ei pēk anga.
34Hantin han Zehova'n Mōsi kōma chong ei pēk anga, Israel nāi ngāiin a thō kiar u na. Hankēng a puonthor u ngāi thuoi chipa riabuk a khuor u chachak a. Mitin a insūngkuo anga lē a pā insūngkuo ang chipa āsuok u chachak a.
Bible in Ranglong, © Bibles International, the Bible society of Baptist Mid-Missions, 2024.