Mathāi 9
9
Isuo'n Ānhīp Khat ei Mandamna
Mk 2:1-12; Lk 5:17-26
1Isuo chu rakuonga a vā chuong a, tipui chu ankān a. Ama chu a khopui a hong ātung a. 2#Lk 7:48; Zn 16:33Entā, ānhīp khat chu zāmuna azāl chunga Isuo kōma a hong ruoi u na. Isuo'n ei iam una a mū na, anhīppū kōma, “Ka long, anngam ro, āsia nei thō ngāi chu anduola om zei,” a tī na. 3#Zn 10:33Entā, dānmīnchūpū ngāi senkhatin a malung u na, “Hiva mī hi Pathian siat aril kēng,” a ti u na. 4#Sām 94:11; Lk 6:8; Zn 2:25Tenchu Isuo'n a mandon u a riat a, “Ichang mo na malung sūnga āsiat nei mandon u? 5Hova mo a ti ābei uol, ‘Nei masial ngāi chu anduola om zei,’ ā ti mo? Ole ‘Anthui tānla, kal chōi ro,’ ā ti mo? 6Tenchu, Miring Nāipasalin, phila hin āsia anduol theina ningneina adōn ti nei riatthei una rang a ni,” a tī na. Hatuka amā'n ānhīppū kōma, “Anthui ro, na zāmun lāk tānla, na ina sē ro,” a tī na. 7Ama chu anthui a, a ina a sē na. 8#Lk 7:16; Zn 15:8; Kui 4:21Mipuiin hava ha a mū u na, a boi a dong u na. Miring kōma hidōr peia ningneina āpēkpū Pathian chu a manpāk u na.
Isuo'n Mathāi ei Pāina
Mk 2:13-17; Lk 5:27-32
9Isuo chu hava nātā a sē tira, lampuia mī khat a raming Mathāi, siachōi ansuongna ina a lei ānsut chu a mū na. Isuo'n a kōma, “Ka nūk na zī ro,” a tī na. Hatuka ama chu anthui a, a nūk a va zī len a.
10Hava suona, Isuo chu insūnga būnēk ranga ansut lāi han, entā, siachōipū ngāi lē misalui ngāi ātampā a hong u na, Isuo lē a zolāi ngāi bila a hong ānsut u na. 11#Lk 5:30; Gal 2:15Farisāi ngāiin a mū u na, a zolāi ngāi kōma, “Ichang mo nangni anā'n chūpū u chu siachōipū ngāi lē misalui ngāi bila bū ei nēk?” a ti u na. 12Isuo'n hava ha a riat a, a kōm u na, “Mi dam ngāiin mīentheipū nāng mak, tenchu mi āna ngāi kēng ānāng. 13#Mik 6:6-8; Lk 19:10; 1Ti 1:15Tenchu sē u tānla, hiva omzia hi vā'n chū u ro, ‘Lungkhamna kēng kei zōt, anbōlna ni mak.’ (Hos 6:6) Asik chu midik ngāi āpāi ranga āhong ni mak ung, tenchu misalui ngāi ansīrna ranga hong kā ni,”
a tī na.
Ngoina Ruia Isuo kōma Ankelna
Mk 2:18-22; Lk 5:33-39
14 #
Lk 18:12
Hatuka Zohan a zolāi ngāi chu ama kōma a hong u na, “Koini lē Farisāi ngāi chu nā ngoi chachak a, tenchu ichang mo na zolāi ngāi le ei ngoi u nōk?” a ti u na. 15#Zn 3:29; Kui 13:2-3Isuo'n amāni kōma, “Mākpā a om kār chu, mākpā a lōm ngāiin a chapchān mo thei? Tenchu mākpā chu a bil u nātā anlāka ei om rang hun la hong in tia, hava tika amāni chu la ngoi u'n ti. 16Tūtē'n puon maruona puon athar le dibā thō ngāi mak. Asik chu puon atharin puon maruo chu masiat riam in ti. 17Mī'n savunzuūm maruona theirapomningtī thar thāl ngāi mak. Hanōkten, savunzuūm chu a puok a, theirapomningtī chu a chē na, savunzuūm chu a siat chachak a. Tenchu mī'n theirapomningtī thar chu savunzuūm athara athāl chachak, hankēng aninīn ei hōi rit chachak,” a tī na.
Nupang Sanāitē ei Ānthuirētna lē Nupang ei Damna
Mk 5:21-43; Lk 8:40-56
18 #
Mk 5:23
Isuo'n hiva chong ngāi a ril lāitak han, entā, ruoipū khat a hong a, ama chu a hong āmōk a, “Ka nāinupangtē chu atun phing han a thī na, tenchu hong tānla, a chunga na kut hong siak tānla, ama chu dam in ti,” a tī na. 19Hatuka Isuo chu anthui a, a nūk a zī na, a zolāi ngāiin um a va zī u na. 20#Mk 3:10; Lk 6:19Entā, nupang khat kum sōmleianni thī'n ei āhuot chu, Isuo nūk tiang a hong a, a puon mēra hong tōnpē na. 21Asik chu a malunga, “A puon duoi ngal ka tōn ten, dam bō ning,” tīna, a mandon a. 22#Mk 10:52; Lk 7:50; Zn 16:33Isuo chu anhoia, nupang chu ei mū le, a kōma, “Ka long, anngamna dōn ro, nei iamna le han na dam zei,” a tī na. Nupang chu hava dārkār len ātā a hong ādam a. 23#2Kh 35:25; Zer 9:17-18Isuo chu Zehudi ngāi ruoipū ina a hong ālūt le, theilia atum ngāi lē mipui chapankhēkna mumūr ngāi chu a hong mū na. 24#Sām 76:5; Dnl 12:2; Zn 11:11-14; Kui 20:10; 1Ko 11:30; 1Th 4:13-16Isuo'n a kōm u na, “Ankhāi u ro, asik chu nupangtē hi āthi ni mak, āin kēng,” a tī na. Tenchu amānī'n maniērō a thō u na. 25#Lk 7:14Hatuka apanga mipui a masuok suole, ama chu asūnga a lūt a, nupangtē a kut chu a sūr a, nupangtē chu a hong ānthui a. 26#Mk 1:28; Lk 4:14, 37Hiva rui chu hava ram dōrāna anthek a.
Isuo'n Mitchō Anni ei Mandamna
27 #
Mk 10:47
Hava nātā Isuo a suok a, mitchō annī'n a nūk a zī u na. Amāni chu ankhēk u na, “David Nāipasal, koini na chunga lungkham na mu ro,” a ti u na. 28#Kui 14:9Ama chu insūnga a vā lūt le, mitcho ngāi chu ama kōma a hong u na. Isuo'n amāni kōma, “Hiva hi ka thō thei ti, na iam u mo?” a tī na. Amānī'n a kōma, “O, Puma, na iam,” a ti u na. 29Hatuka amāni mit chu a tōn na, “Nei iam u anga na chung una om rase,” a tī na. 30A mit u chu a hong vār a. Tenchu Isuo'n, “En u ro, hiva rui hi tūtē'n riat nō rase,” tīna, anrēngna a pēk a. 31#Mk 7:36Tenchu anphet suo u na, hava rui chu hava ram pumpuia a vā thek u na.
Isuo'n Chongkului ei Mandamna
32Amāni chu asuoka a sē suo u na, entā, raluoiin ei sūr, chongtheilui khat chu a kōma a hong ruoi u na. 33#Mk 2:12Isuo'n hava raluoi ha a razūl suole, chongtheilui chu a hong āchong thei a. Mipui chu a chang a dong u na, “Hiva ang hi Israel rama lā'n mu ngāi mak a!” a ti u na. 34Tenchu Farisāi ngāiin, “Amā'n raluoi ngāi rēng le han raluoi ngāi ei razūl,” a ti u na.
Sāngāt rang Ātam, Sin Āthō mi Ātōm
35Isuo chu khopui ngāi lē khuo ngāi dōrāna a sē na. Amāni sinagog ngāia a va manchū na, Rēngram Thangahui chu a ril a. Mi ngāi kāra āna tin lē rikhuo tin chu a mandam a. 36#Atl 27:17; 1Rē 22:17; Izk 34:5-6; Zek 10:2; Mk 8:2Mipui ngāi chu a mū na, amāni chu riangvāi a mū na. Asik chu amāni chu, berapū bui, beraruol chāmsōlanvoi lē ānthek rak a ni u na. 37#Lk 10:2; Zn 4:35Hatuka amā'n a zolāi ngāi kōma, “Ataktaka sāngāt rang ātampā a om a, tenchu sinthō rang mī ātōm. 38Hasikhan sāngātpū Puma kōma zārzong u ro, amā'n a luia sāngāt rang mī chu hong tīr in ti,” a tī na.
Bible in Ranglong, © Bibles International, the Bible society of Baptist Mid-Missions, 2024.