Mathāi 10
10
Isuo'n Kuitīr Sōmleianni ngāi ei Tīrna
Mk 3:13-19; Lk 6:12-16
1 #
Mk 3:13-15; Lk 4:36 Isuo'n a zolāi sōmleianni ngāi chu a kōma a pāi a, rathā ānnim ngāi anzūl theina, ānā dōra lē rikhuo rāikhuo tin andam theina ningneina a pēk a. 2Kuitīr sōmleianni ngāi raming chu: mānsāna Simon, Peter ei ti u ha lē, a paruol Andria, Zebedai nāipasal ngāi Zakob lē a paruol Zohan. 3Filip, Bartholomai, Thoma lē siachōipū Mathāi, Alfai nāipasal ngāi Zakob lē Lebai, mī'n Thadai ei ti ha. 4#Mk 14:10; Kui 1:16Kanān mī Simon lē ama ānsūrpū Zuda Iskariot.
Isuo'n Kuitīr Sōmleianni ngāi ei Tīrna
Mk 6:7-13; Lk 9:1-6
5 #
1Rē 16:24; 2Rē 17:24; Lk 9:52; Zn 4:4-9; Kui 8:5, 25 Hiva Sōmleianni ngāi chu Isuo'n a tīr a, a kōm una hintin hin chong a pēk a, “Namtei ngāi lampuia sē u nō ro, Samari mi ngāi khopuia lūt u nō ro. 6#Zer 50:6Tenchu Israel nama bera ānpei ngāi kōma sē u ro. 7Nei sē tir una han, ‘Vān rēngram chu anāi zei,’ tīna, chong ril u ro. 8Āna ngāi mandam u ro, āphār#10:8 āphār: Vun rikhuo tong tīna. ngāi manthiang u ro, āthi ngāi mathui u ro, raluoi ngāi razūl u ro. Man abuia nei man u, man abuia pēk u ro. 9#Lk 22:35Na marsā una rāngkachak mo, sumrū mo ole dangka mo ītē chōi u nō ro. 10#1Ti 5:18Nei ānzin una ranga marsā mo, kultāi anchuol anni mo ole kethin mo, sunrol mo chōi u nō ro. Asik chu sinthōpū chu nēksāk āman aruo kēng. 11Hanūk chu khopuia mo khuona mo nei lūt una taka, havana tungtheina aruo chu ārok u ro. Nā suok u māseng chu hava muna han om chian u ro. 12#1Sa 25:6ina nā lūt u le, chubai thō u ro. 13Hava insūngkuo chu tungna ranga āting a ni ten, na phūkdāi una chu hava ina han om rase. Tenchu hava insūngkuo chu tungna ranga ating nōk ten, phūkdāina chu na kōm una hong kīr rēt rase. 14#Neh 5:13; Mk 6:11; Lk 9:5; Kui 13:51Tūkareng na lei pom zōt luia, na chongril u lei rangāi zōtlui chu, hava in mo ole khuo mo na māk u tika, na kephāna philvut āthinga māk u ro. 15#Kui 17:31; 2Pe 2:6; 1Zn 4:17; Zud 1:7Taktaka kei na ril a ni u zei, ruiril nikhuo tika chu, hava khopui nēk ten Sodom lē Gomora'n ei tiar rang azia om bet in ti.
Antakna ei Hong Tung Rang
Mk 13:9-13; Lk 21:12-17
16 #
Lk 10:3; Kui 20:29; 1Ko 14:20 “En u ro, ngelang kāra bera anga nangni chu ka na tīr u. Hasikhan marūl anga hian u tānla, vasū anga sing u ro. 17#Mk 13:9; Kui 5:40Tenchu miring ngāi ātā anrēng u ro, asik chu amānī'n ruirilzōla na betōk u'n tia, sinagog ngāia na zēm u'n ti. 18#Kui 25:24-26Ka sika ramoppū lē rēng ngāi matona na ruoi u'n tia, amāni lē namtei ngāi kōma riatpuina anga na ruoi u'n ti. 19#Ant 4:12Tenchu mī'n a na betōk u tika, hontin mo ole hong mo nei ril rang tīna mandon u nō ro. Asik chu hong mo nei ril u rang ahun taka anpēka om u'n na ti. 20#Lk 12:11-12Ārilpū chu nangni ni mak a, tenchu na Pā u Rathā nangnīna om kēng āril rang. 21#Mk 13:12Paruolin paruol, Pā'n nāipasal chu, ānthat ranga betōk u'n ti. Nāi ngāiin nū lē pā dui u'n tia, amāni chu la manthat u'n ti. 22#Mk 13:13; Lk 21:19; Zn 15:21; Anl 2:10Mī tinin ka raming sika na mūmāk u'n ti. Tenchu ahek tenpeia āngīrtit chu zōka om in ti. 23#Lk 17:30Mī'n hava khopuia a na sinsak u ten, khopui ateia rot u ro. Taktaka, kei na ril a ni u zei, Miring Nāipasal a hong mān, Israel khopui ngāi chu mantong suo u nō ta ni.
24 #
Zn 13:16
“Chūlāi hi mīnchūpū chunga om mak a, suok um a puma chunga om mak. 25#Mk 3:22Chūlāi chu mīnchūpū anga lē suok um a puma anga ei om rang a hun. Hadōr han āhun kēng a ni zei. Mī'n in puma ngal Beēlzebul a ti u ten, a insūngkuo mi ngāi vāng sā chu ituk atam mo ei ti u rang a ni zei. 26#Mk 4:22; Lk 8:17Hasikhan, amāni chu āchi u nō ro. Asik chu ānlang nōk rang ānthup ītē om mak, ānriat nōk rang ānip um ītē om mak.
Pathian Anchī Anchūna
Lk 12:2-7
27“Azīng kāra kei na ril u ngāi hi raānga ril u ro. Kuora nei riat u ngāi chu, inchungsīpa vā hāi u ro. 28#Isa 8:12-13; Heb 10:31Taksā āthat thei, tenchu rathā that theilui ngāi chu āchi u nō ro. Tenchu moikundūna taksā lē rathā ānsiat rit thei chu āchi u ro. 29Vachek anni hi siki khata anzuor mak mo? Na Pā u riatluia angkhattē ngal phila chul map nō ni. 30#1Sa 14:45; 2Sa 14:11; 1Rē 1:52; Lk 21:18; Kui 27:34Na lūna samsang dōrā'm āntel kiar kēng. 31Hasikhan, āchi u nō ro. Vachek ātampā nēka nangni chu ālū kēng nā ni u.
Isuo Āpom lē Āheng
Lk 12:8-9
32 #
Rōm 10:9
“Hasikhan tūkareng miring matona koi a nā pom tak chu, koi um vāna ka Pā matona pom ka ti. 33#Mk 8:38; 2Ti 2:12Tenchu tūkareng miring matona koi heng tak chu, koi um vāna ka Pā matona heng ka ti.
Isuo'n Ansensāina a Hong Chōi
Lk 12:51-53; 14:26-27
34“Phila hin phūkdāina pēk ranga āhong kā ni tīna mandon u nō ro. Phūkdāina pēk ni mak kei hong, tenchu khendāi āpēk ranga hong kā ni. 35Nāipasalin a pā ādui ranga, nāinupangin a nū ādui ranga, muinū'n a tarpī āndui ranga āhong kā ni. 36Miring a rāldui chu a insūng mi ngāi len a ni. (Mik 7:6) 37#Lk 14:26Tūkareng a nū mo ole a pā mo koi ka nēka āndit chu, ka mi āchang ruo ni mak. Tūkareng ka nēka nāipasal mo ole nāinupang mo āndit chu, ka mi āchang ruo ni mak. 38#Lk 14:27Tūkareng a khrōs anputa, ka nūk na zī lui chu, ka mi āchang ruo ni mak. 39#Zn 12:25Tūkareng ei damna ānzōk zōt chu machān in ti. Tenchu tūkareng ka sika ei damna ānchān zōt chu mazōk in ti.
Rātpāk
Mk 9:41
40 #
Ant 16:8; Lk 9:48; Zn 12:44; Gal 4:14 “Tūkareng nangni anā pom tak chu, koi anā pom kēng. Koi anā pom tak chu, anā tīrpū āpom kēng. 41Tūkareng deari hi, deari anga āpom chu, deari rātpāk man in ti. Tūkareng mīdik hi, midik āpom chu mīdik rātpāk man in ti. 42#Chn 14:31; Mk 9:41; Kui 10:4; Heb 6:10Tūkareng hiva mīsīn ngāi bila angkhat dak ngal hi ka zolāi raminga, tī dāi khuri khat a lei pēk chu, taktaka kei na ril a ni u zei, a rātpāk chu machān pial nō ni,” a tī na.
Bible in Ranglong, © Bibles International, the Bible society of Baptist Mid-Missions, 2024.