Mathāi 24
24
Zerusalem Tempul ei Siat Rang Rui
Mk 13:1-2; Lk 21:5-6
1Hatuka Isuo chu a suok a, tempul ātā anphet lāi han, a zolāi ngāiin tempul ansin ānmū ranga a kōma a hong u na. 2#Lk 19:44Isuo'n amāni kōma, “Nangnī'n hiva ngāi hi mu u mak che mo? Ataktaka, kei na ril a ni u zei, hiva muna lung khattē ngal hi anpei luia āom rang om mak,” a tī na.
Hun Hekna Ranga Sinsiana ngāi
Mk 13:3-37; Lk 21:7-36
3 #
Lk 17:30
Isuo chu Oliv muola ansut lāi han, a zolāi ngāi chu a kōma amāni lim a hong u na, “Hiva ngāi dōra hi itik mo ei ni rang? Nei hong rētna rang lē maniapūr hekna sinsiana chu imo ei ni rang? Na ril ro,” a ti u na. 4#Mk 13:5Isuo'n a masang a, a kōm u na, “En u ro, tūtē'n na huong u ni. 5#1Zn 2:18Asik chu mī tampā ka raming achina, ‘Koi hi Khristā kā ni,’ tīna la hong u'n ti. Mī tampā la huong u'n ti. 6Hanūk chu nangnī'n rālkāpna rui lē rālkāpna thang riat u'n na ti. Na rathā manta u nō ro. Asik chu hiva ngāi hi ei hong rang ngal kēng, tenchu ei hekna chu la ni mak. 7#Isa 19:2; Kui 11:28Asik chu nam lē nam andui in tia, rēngram lē rēngram andui in ti. Mun ateteia māitām, ripui lē nīnū om in ti. 8Hiva ngāi dōra hi lunghāng ei phutna duoi kēng a lā ni.
9 #
Zn 15:21; 16:2 “Hava tika chu ansinsak ranga na betōk u'n tia, na that u'n ti. Ka raming sika nam tinin na mūmāk u'n ti. 10Hava tika tamtak chu chul u'n tia, angkhatin angkhat chunga betōk in tia, hanūk chu angkhatin angkhat chunga mūmāk in ti. 11#Mk 13:5Deari rothol tamtak la hong suok u'n tia, mī tamtak la hong huong u'n ti. 12Dān khēlna ei la pung rang sika, mī tamtak anditna chu la dāi in ti. 13Tenchu, tūkareng ahek tenpeia ādiar tit tak chu zōka om in ti. 14#Lk 2:1; Kui 11:28; Rōm 10:18; Anl 3:10Hiva rēngram thangahui hi nam tin kōma riatpuina ranga, maniapūr pumpuia anrila la om in ti. Hankēng hekna chu ei hong tung rang.
Antaknapui
Mk 13:14-23; Lk 21:20-24
15 #
Dnl 11:31; 12:11; Kui 6:13 “Hasikhan, deari Daniel-in a lei ril, rambiangna antīrruo (Dnl 9:27; 11:31; 12:11) chu mun anthianga andinga na mū u tik chu, (āsiar takin riatthei rase), 16Zudāi rama om ngāi chu muolpui ngāia rot u rase. 17#1Sa 9:25; Lk 12:3; Kui 10:9Inchunga om chu a ina neinun ālāk ranga hong chum nō rase. 18Phāia om chu a puon ālāk ranga a nūk kīr nō rase. 19#Lk 23:29Tenchu hava nikhuona ānrāi ngāi lē nāitesender apom ngāi vān chu a duoi! 20Nei rot una hun chu nūdin mo ole sabat Nikhuo ei chuk nōkna ranga, zārzong u ro. 21#Izk 5:9; Dnl 12:1; Zol 2:2Asik chu hava tika antaknapui la om in tia, hava anga han maniapūr anphut len ātā la om pial ngāi mak a, om um pial lāi nō ni. 22Hava nikhuo ngāi ha antōm nō sela chu, miring tūtē āzōk rang om nō ni. Tenchu ānthang suo ngāi sika, hava nikhuo chu antōma om in ti.
23 #
Lk 17:23
“Hasikhan tūkarengin, ‘Entā, Khristā chu hiva hin a om,’ ole ‘Sovā son a om,’ a na ti u ten, iam u nō ro. 24#Ant 7:11; 2Th 2:9-11; Anl 13:13Asik chu Khristā rothol ngāi lē deari rothol ngāi hong suok u'n ti. Mi huongna ranga sinsiana lianpā ngāi lē tichangbui sin ngāi manmu u'n ti. Athei ten, ānthang suo mi ngāi um la huong u'n ti. 25En u ro, aphāmān ka na lei ril zei. 26Mī'n na kōm u na, ‘En u ta, ama chu mibuirama om,’ a na ti u le, apanga suok u nō ro. ‘En u ta, ama chu pingdan sūnga om,’ a na ti u nā'm, iam u nō ro. 27#Lk 17:24, 30Asik chu suolam ātā khuonlek chu tāklam tenpei ei ānlek anga, Miring Nāipasal chu hong in ti. 28#Lk 17:37Ruok ei omna taka, sarakuru ngāi chu anbūm u'n ti.
Miring Nāipasal Hongna Rang Rui
29 #
Isa 13:10; 34:4; Izk 32:7; Zol 2:10, 31; Zef 1:15; Anl 6:12-13 “Hava antaknapui ei ānzui le anī chu zīng in tia, Thā'n raāng pēk nō nia, anvān ātā ārsi ngāi chul u'n tia, a vā'n ngāi sinthōtheina ngāi chu annīk in ti, (Isa 13:10; 34:4) a tī na. 30#Dnl 7:13; Anl 1:7Hava tika han Miring Nāipasal sinsiana chu anvāna anlang in ti. Hatuka maniapūr nam dōra chu chapankhēk u'n ti. Miring Nāipasal chu sinthōtheina lē anlianna sabak le han anvāna ansūm bila hong chu mu u'n ti. 31#Isa 27:13; Zek 9:14; 1Th 4:16; Anl 8:2A vānpalāi ngāi chu tōtorōt rasā'n ring le hong tīr in ti. Amānī'n a mi thang suo ngāi chu, kōlkil manli nātā, ramuol ei hekna nātā atei ei hekna tenpei manbūm in ti.
Theichang Kung le han Ankhīna
Mk 13:24-37; Lk 21:25-36
32“Theichang kung ātā ankhīna-chong hi anchū u ro. A bāk a hong ānnui a, a buo a hong āncher ten, pāmsāl anāi zei tī na riat u na. 33#Zak 5:9Hantin dēn han, nangnī'n um hiva rui ngāi na mū u le, ama chu anāi zei, makota om kēng anzei ti riat u ro. 34Ataktaka kei na ril a ni u zei, hiva rui ngāi dōra a hong ākip māseng chu, hiva huna mi ngāi hi liam u nō ni. 35Phil lē anvān anpei in ti, tenchu ka chong ngāi anpei pial nō ni.
Tūtē'n Nikhuo lē Dārkār Riat Mak
Mk 13:32-37; Lk 17:26-30, 34-36
36 #
Kui 1:7
“Tenchu hava nikhuo lē a dārkār chu tūtē'n riat mak. A vāna vānpalāi ngāiin um riat u mak, tenchu Pā rong kēng āriat. 37#Aph 6:5Noa a hunlāia ang dēna, Miring Nāipasal ei hong rētna rang chu nī'n ti. 38#Lk 17:27Tiliansāng māna nikhuo ngāia han, Noa rakuonga a lūt nikhuo tenpei, mī'n a nēk a, a sāk a, nungāk ruothar ei ānlāk u na, in ei ānnei u a ni. 39#Lk 17:30Tiliansāng a hong a, alom una a hong lāk hiam māseng chu, ītē riatthei u mak a. Hantin dēn han Miring Nāipasal um hong in ti. 40#Lk 17:34Hava tika han pasal anni phāia om in tia, angkhat chu anruoi in tia, angkhat chu anmāk in ti. 41#Lk 17:35Nupang annī'n busukna muna bū suk u'n tia, angkhat chu anruoi in tia, angkhat chu anmāk in ti. 42#Lk 12:40Hasikhan amenga om u ro, asik chu hova nikhuona mo na Puma ei hong rang, riat u mak chē na. 43#Lk 12:39Tenchu hiva hi riat u ro, in Pumā'n marūsā ei hong rang hun riat sela chu, lei rung in tia, a ina manlūt nō ni. 44#1Th 5:6Hasikhan nangnī'm lei ānsin u ro. Asik chu Miring Nāipasal chu nei iam u nōk hun taka hong in ti.
Suok Iamruo lē Iamruonōk
45“A pū'n a insūngkuo chunga ruoipūna ei phun, ahun taka nēksāk āpēk ranga, suok anngampuiruo lē āhian chu, tū mo ei ni rang? 46#Anl 16:15A pū a hong tika havan tina āthō ei hong mū suok chu rāvān asa kēng. 47Ataktaka kei na ril a ni u zei, amā'n a neinung ngāi dōra chunga āvongpū manchang in ti. 48Tenchu suok saluiin a malulunga, ‘Ka pū ei hongna rang chu a lā sōt,’ a tī na, 49#Lk 21:34a lōm ngāi lei zēm sela, zūnrī ngāi bila lei nēk lei sāk sela, 50a lei ngāk nōk nikhuona lē a lei iam nōk hun taka, hava suok a pū chu hong in tia, 51ama chu bong annina hong tan in tia, a chang-āi rang ha phuozekām ngāi bila atet in ti. Hava muna han chapna lē rakam anrialna om in ti.
Bible in Ranglong, © Bibles International, the Bible society of Baptist Mid-Missions, 2024.