Mathāi 23
23
Dānmīnchūpū lē Farisāi ngāi Vānduoina
Mk 12:38-40; Lk 11:43-52; 20:45-47
1Hatuka Isuo'n mipui lē a zolāi ngāi kōma a ril a, 2#Ezr 7:6, 25“Dānmīnchūpū ngāi lē Farisāi ngāi chu, Mōsi sutmuna ansut u na. 3Hasikhan amānī'n ei ti u ngāi dōra tel u tānla, thō u ro. Tenchu a sinthō u ngāi anga thō u nō ro. Amānī'n āthō ranga ei ti u chu, thō u chachak mak a. 4#Lk 11:46; Kui 15:10; Gal 6:13Amānī'n puokrikpā ngāi a khit u na, mī dār ngāia a bāng u chachak a. Tenchu a kutmaria khat le ngal hava ngāi chu khāi zōt u mak. 5#Ant 13:9; Atl 15:38; Dān 6:8; 22:12A sinthō u ngāi dōra chu, miring mūna rang duoi kēng ei thō u. A kuta tābit bun u ngāi chu a manlian u na, a raliang u ngāi thum a manlian u na. 6#Lk 11:43Nēksāk pāntāna sutmun asa khīt lē, sinagog-a sutmun asa khīt, 7#Zn 1:38, 49anchunzōl muna chubai anthō lē mī'n, ‘Rabi, Rabi,’ tīna, ei pāi rang hi a phām u chachak a. 8Tenchu nangnī'n, ‘Rabi,’ tīna anpāi u nō ro. Asik chu Mīnchūpū chu angkhat dak kēng nei dōn u, ama chu Khristā a ni. Nangni ngāi hi na lom una paruol ke nā ni u. 9#Mal 1:6Maniapūra hin tūtē ‘Pā’ ti u nō ro. Asik chu na Pā u hi angkhat dak kēng, ama chu vānrama om. 10Mīnchūpū tīna anpāi u nō ro. Nangni Mīnchūpū chu angkhat dak kēng, ama chu Khristā a ni. 11#Mk 9:35Na kār una ālian khīt chu, na suok la chang in ti. 12#1Sa 2:8; Sām 18:27; Chn 3:34; Isa 57:15; Izk 21:26; Lk 1:52A ninga ānlian ngāi chu annuoia la om in tia, a ninga ānnuoi ngāi chu ansānga la om in ti.
13 #
Lk 11:52
“Nangni dānmīnchūpū ngāi lē Farisāi phuozekām ngāi, na vān a duoi u. Nangnī'n vān rēngram chu mi ranga na khār u na. Nangni lūt u mak chē na, ālūt ranga hong ngāi um phal u mak chē na.
14“Dānmīnchūpū ngāi lē Farisāi ngāi, na vān a duoi u. Nangnī'n arōng ngāi dōngluo na sāk u chachak a. Miring mūna rang duoia āsōtpā ngāi zār na zong u chachak a. Hasikhan siatanlōna ālian sabak la man u na ti.
15 #
Kui 13:43
“Dānmīnchūpū ngāi lē Farisāi phuozekām ngāi, na vān a duoi u. Asik chu mī khat Zehudi sākhuona ānlūt ranga, tānga lē tipuia na vā chei u chachak a. A hong āchang le han, ama chu nangni ngāi nēka thep annina moisumpui nāia na sin u na.
16 #
Isa 9:16
“Nangni mitchō ruoipū ngāi, na vān a duoi u. Nangnī'n, ‘Tūkareng Tempul achina khomāk ansam chu ītē ni mak. Tenchu tempul rāngkachak achina khomāk ansam chu ei len rang,’ na ti u chachak a. 17#Ant 30:29Mitchō lē āmo ngāi! Hova mo ālian uol, ti u ta? Rāngkachak mo ole rāngkachak ānthiangpū tempul mo? 18Hanūk chu, ‘Tūkareng māichām achina khomāk ansam chu ītē ni mak. Tenchu a chunga nuompēk achina khomāk ānsam chu ei len rang,’ na ti u na. 19#Ant 29:37Mitchō lē āmo ngāi! Hova mo ālian uol, ti u ta? Nuompēk mo ole nuompēk ānthiangpū māichām mo? 20Hasikhan tūkareng māichām achina khomāk ansam chu, māichām lē a chunga āndar nuompēk dōra lē khomāk ansam kēng. 21#1Rē 8:13; Sām 26:8Tūkareng tempul achina khomāk ansam chu, tempul lē asūnga ānsutpū le khomāk ansam kēng. 22#Sām 11:4Tūkareng anvān achina khomāk ansam chu, Pathian chōmphāng lē a chunga ansutpū raminga khomāk ansam kēng.
23 #
Lev 27:30; Mik 6:8; Lk 11:42 “Dānmīnchūpū ngāi lē Farisāi ngāi, na vān a duoi u. Asik chu nangni phuozekām ngāiin lēngmasēr, kumhōi lē zira ngāi sōma angkhat nei pēk u. Tenchu dān lampanga anāng khīt dikna, lungkhamna lē iamruona ngāi chu poisak u mak chē na. Tenchu atei ngāi māk luia, hiva ngāi hi nei thō u rang ke ba. 24Mit achō āruoi ngāi, nangnī'n anpet asīntē nei sākē u na, mākingkang chu nei vol u.
25 #
Mk 7:4; Lk 11:39 “Dānmīnchūpū ngāi lē Farisāi Phuozekām ngāi, na vān a duoi u. Nangnī'n khuri lē khēng ngāi chu apang tiang na rasūk u na, tenchu asūnga chu khāmaret lē huotanhamna kēng ā bit. 26Mitchō Farisāi ngāi, khuri lē khēng sūng chu rasūk mānsa u ro, hankēng apang tiang um ei ānthiang rang.
27 #
Lk 11:44; Kui 23:3 “Dānmīnchūpū ngāi lē Farisāi phuozekām ngāi, na vān a duoi u. Asik chu nangni chu chūn ānpelē thān, apang tiang asāna anlang, tenchu asūnga chu mithi rū lē annim dōra ābit anga nā ni u. 28Hantin dēn han nangnī'm apang tiang chu mi ngāi matona adika nā'n lang u na. Tenchu na sūng u chu phuozekām lē dān khēlna kēng ā bit.
29 #
Lk 11:47-48
“Dānmīnchūpū lē Farisāi phuozekām ngāi, na vān a duoi u! Asik chu nangnī'n deari ngāi thānkhur na sin u na, mīdik ngāi lungphun chu na manliang u na, 30hanūk chu, ‘Koini na chipui ngāi hunlāia āom ni ila chu, deari ngāi thisen phubā pēl nō ma ni ba,’ nei ti u na. 31Hasikhan, deari that ngāi sanāi ngāi nā ni u tī ha, nei manlang u a ni. 32#Izk 20:4; 1Th 2:16Na chipui u ngāiin ei mantung u nōk ha nangnī'n mantung u ta ro.
33“Marūl ngāi, marūl khūk ngāi! Hontin mo moisumpui ansinsakna nātā nei zōk thei u rang? 34#Lk 11:49Hasikhan en u ro, deari ngāi, mihian ngāi lē dānmīnchūpū ngāi chu na kōm una hong tīr ka ti. Senkhat chu that u na tia, khrōsa tār u na ti. Senkhat chu na sinagog u ngāia nganuramoi le zēm u na tia, khopui khat ātā khopui khata sinsak u na ti. 35#Aph 4:8; 2Kh 24:21; Zek 1:1; Heb 11:4Hantin han mīdik Abel a thisen len ātā Tempul lē māichām kongkāra nei that u Barakia a nāipasal Zakaria thisen tenpei han, phil chunga mīdik ngāi thisen asuok dōra phubā chu, nangni chunga ei chul theina rang a ni. 36#Lk 11:50-51Ataktaka kei na ril a ni u zei, hiva ngāi dōra hi atun taka huna mi ngāi chunga ei la hong tung rang a ni.
Isuo Zerusalem ranga ei Chapna
Lk 13:34-35; 19:41-44
37 #
2Kh 24:21; Sām 57:1; Isa 31:5 “O Zerusalem, Zerusalem, deari ngāi a lei thatpū, a kōma āntīr ngāi lung a lei ādēng chachak pū! Ārpuiin ate ngāi a mantha thuoia ei op chachak anga, voi ituk mo na nāi ngāi āop ranga kei zōt chachak a ni. Tenchu nangnī'n zōt u mak chē na. 38#1Rē 9:7-8; Zer 22:5En u ta, na in u chu na kōm una aram bianga a om zei. 39Asik chu kei na ril a ni u zei, ‘Zehova raminga āhongpū chu anpāka om rase,’ na ti u māseng chu atun ātā na mu u lāi nō ta ni,” (Sām 118:26) a tī na.
Bible in Ranglong, © Bibles International, the Bible society of Baptist Mid-Missions, 2024.