Mathāi 25
25
Nungāk Ānthiang Sōm ngāi lē Ankhīna
1 #
Lk 12:35-38; Kui 20:8; Anl 4:5 “Vān rēngram chu nungāk ānthiang sōm, a lēm u ngāi achōia mākpā āntongpui ranga a suok ngāi ang nī'n ti. 2Amāni bila rangā chu āhian lē rangā chu āmō a ni u na. 3Āmo ngāiin a lēm chu a chōi u na, tenchu a bila lēmtī chōi u mak a. 4Tenchu āhian ngāi chu a lēm u bila a koka lēmtī a chōi u na. 5#1Th 5:6Mākpā chu ei hong sōt sika, alom una anvuong a, a lei in u na. 6Hatuka zānchim ripa, ‘Entā, mākpā chu a hong zei! Āntongpui ranga suok u ta ro,’ tīna ankhēk rasā anriat a. 7Hatuka nungāk ānthiang ngāi dōra chu anthui u na, a lēm u ngāi chu a mansūk u na. 8#Lk 12:35Hankēng āmo ngāiin āhian ngāi kōma, ‘Na lēmtī u ngāi na sem lak u ro, asik chu koini na lēm ngāi hi āthi rang a ni zei,’ a ti u na. 9Tenchu āhian ngāiin, ‘Koini lē nangni ranga chu anhun nō ma ni hile, hanēkten sē u tānla āzuorpū ngāi kōma va rachōk u ro,’ tīna a masang u na. 10#Anl 19:9Hatuka anchōk ranga a sē u lāitak han, mākpā chu a lei hong ātung a. Ansin vanga a lei āom ngāi chu ama bila inneina ina a lūtpui a, suokkhār chu ankhār a. 11Hava suona nungāk ānthiang atei ngāi um a hong u na, ‘Puma, Puma, na malongpē ro,’ a ti u na. 12Tenchu amā'n, ‘Taktaka kei na tī a ni u zei, na riat u mak ung,’ tīna a masang a. 13#Mk 13:35; Lk 12:40Hasikhan, amenga lei om u ro. Asik chu Miring Nāipasal ei hong rang nikhuo lē dārkār chu riat u mak chē na.
Talen le han Ankhīna
Lk 19:11-27
14 #
Lk 19:12
“Anvān rēngram chu, mī khat ram alapāna ānzin ranga, a suok ngāi a pāi a, a neinung ngāi amāni kuta ānbetōk ang a ni. 15Angkhat kōma talen rangā, atei angkhat kōma talen#25:15 talen: Talen 1 chu kg 32-40 a ni. Hiva hi ārik māina a ni na, sum ei ludān hi ei rik aena ānmāi a ni. anni, angkhat rēt kōma talen khat, ei thei u zotor chipa han a pēk a. Ama chu ānzin ranga asuoka a sē len a. 16Hatuka talen rangā āchangpū chu a sē lena, hava le han sadāi a va thō na, talen atei rangā a va maphung a. 17Havan tin dēn han, talen anni āchangpū hā'm atei talen anni a va maphung a. 18Tenchu talen khat āchangpū chu a sē na, phil a va khuor a, a puma sum chu a va phūm rap a. 19Hun asōtpā suole hava suok ngāi a puma chu a hong ākīr a, a kōm u nātā sum hisāp chu a hong lāk a. 20Hatuka talen rangā āchangpū chu a hong a, atei talen rangā a hong chōi a, ‘Puma, ka kōma talen rangā na na pēk a, entā, hava panga han atei talen rangā ka hong maphung,’ a tī na. 21#Lk 16:10A pumā'n a kōma, ‘Suok āsā lē aiamruo, nei thō hi a sā. Rui alaktē chunga a iamruo nei ni sika, rui ātampā chunga āvongpūna na sin ka ti. Na puma rāisānnāna lūt ro,’ a tī na. 22Talen anni āchangpū hā'm a hong a, a kōma, ‘Puma, ka kōma talen anni na na pēk a, entā, atei talen anni ka hong maphung,’ a tī na. 23A pumā'n a kōma, ‘Suok āsā lē aiamruo, nei thō hi a sā. Rui alaktē chunga a iamruo nei ni sika, rui ātampā chunga āvongpūna na sin ka ti. Na puma rāisānnāna lūt ro,’ a tī na. 24Hava suole talen khat āchangpū chu a hong a, ‘Puma, nang chu mī ānkhir nei ni tī hi, ka riat. Nei tū nōkna muna na āt chachak a, nei thek nōkna muna na rasuong chachak a. 25Kei na chi sika, kā sē na, na talen ha phila ka phūm a. Entā, na tā dēn ha,’ a tī na. 26A pumā'n a kōma, ‘Suok salui lē āndōk. Kei tū nōkna muna kei āt, kei thek nōkna muna kei mankhōm chachak tī hi, nei riat mo?’ tīna a masang a. 27‘Hanōkten chu, ka sum ha sum anphung ngāi kōma na lei pēk rang ke ba. Hatuka ka hong ākīr tika ka sum chu, azīk le han kei man rang ke ba. 28Hasikhan a kōm ātā talen ha lāk u tānla, talen sōm ādōnpū kōma pēk u ro. 29#Mk 4:25; Lk 8:18Asik chu tūkareng a dōn takpei chu, anpēk riama om in tia, ama chu ātampā dōn in ti. Tenchu tūkareng ādōn nōk tak chu, ei dōn tuktē ngal ha anlāk pēna om in ti. 30Suok ei nemnabui ha tuolpanga azīng kāra va pei u ro. Hava han chapna lē rakam anrialna om in ti,’ a tī na.
Bera lē Kēl ngāi chunga Ruirilna
31 #
Lk 17:30
“Miring Nāipasal chu ei ānlianna lē, a vānpalāi ānthiang ngāi dōra le a hong tika, ama chu ei ānlianna chōmphānga ansut in ti. 32#Izk 34:17, 20; Mal 3:18Ama matona nam tin la hong ānchun in tia, berapū'n kēl ngāi ātā bera ei sensāi anga, amā'n amāni chu angkhat ātā angkhat chu sensāi in ti. 33Bera ngāi chu a chang tiang siak in tia, kēl ngāi chu a voi tiang siak in ti. 34#Kui 20:32; 1Ko 15:50; Gal 5:21; Heb 4:3; Zak 2:5; Anl 13:8Hava tika chu Rēngin a chang tianga āom ngāi kōma, ‘Hong u ro, ka Pā bōrsāng atung ngāi, maniapūr ansin ei ānphut len ātā nangni ranga rēngram a lei ānsūk suo chu hong luo u ro. 35#Zōb 31:32; Heb 13:2Ka von anchām a, nēksāk na na pēk u na. Ka tī anrāl a, ti nēkruo na na pēk u na. Khuol kā chang a, na na mantung u na. 36#Isa 58:7; Izk 18:7; 2Ti 1:16; Zak 1:27; 2:15-16Sāikoronga kā om a, puon na na mansil u na. Kā nā na, na na hong en u na. Ankhumna-ina kā om a, na na hong en u na,’ la ti in ti. 37Hatuka midik ngāiin, ‘Puma, hotik han mo anchāma nei na mū na, asākruo nei na pēk? Tī anrāla nei na mū na, tī nēkruo nei na pēk? 38Hotik han mo khuola nei na mū na, nei na mantung? Sāikoronga nei na mū na, puon nei na mansil? 39Hotik han mo nei dam nōka lē ankhumna-ina nei na mū na, nei na hong en?’ tīna la masang u'n ti. 40#Heb 13:2Rēngin amāni kōma, ‘Taktaka, kei na ril a ni u zei, hiva ka ūnāi ngāi bila āsīn khīt chunga nei thō chu, ka chunga nei na thō u a ni zei,’ tīna la masang in ti.
41 #
Isa 66:24; Mk 9:43; Lk 3:17; 2Pe 2:4; Zud 1:7 “Hatuka hava suole a voi tianga āom ngāi kōma, ‘Khomāk atung ngāi, ka kōm ātā ankhāi u ro. Diabol lē a palāi ngāi ranga ānsin suo tāituon moipuia son sē u ro. 42Ka von anchām a, nēksāk na pēk u mak chē na. Ka tī anrāl a, ti nēkruo na pēk u mak chē na. 43Khuol kā chang lāi han, na mantung u mak chē na. Sāikoronga kā om lāi han, puon na mansil u mak chē na. Kā nā lāi lē ankhumna-ina kā om lāi han, na hong en u mak chē na,’ ei la ti rang. 44Hatika han amānī'n, ‘Puma, hotik han mo anchāma mo ole anrāla mo ole, khuola mo ole, sāikoronga mo ole, anāna mo ole, ankhumna-ina mo nei na mū na, na dorbō nei ādom nōk?’ tīna la masang u'n ti. 45#Chn 14:31Amā'n a kōm u na, ‘Taktaka, kei na ril a ni u zei, hiva mi ngāi bila āsīn khīttē angkhat chunga nei thō u nōk chu, ka chunga nei thō u nōk a ni zei,’ tīna la masang u'n ti. 46#Dnl 12:2; Zn 3:15-16, 36; Kui 24:15; Rōm 2:7; Gal 6:8; 1Zn 1:2Hiva ngāi chu tāituon ansinsaknāna sē u'n tia, tenchu midik ngāi chu tāituon damnāna sē u'n ti,” a tī na.
Bible in Ranglong, © Bibles International, the Bible society of Baptist Mid-Missions, 2024.