Mathāi 22
22
Inneina Pāntā le han Ankhīna
Lk 14:15-24
1Isuo'n a masang a, ankhīna-chong dēn le a kōm una chong a ril rēt a: 2“Vān rēngram chu rēng khatin a nāipasal ranga inneina ānsūk anga a ni. 3Inneināna mī ei thēmpāi ngāi avā kui ranga a suok ngāi a tīr a. Amāni chu hong nuom om u mak a. 4Amā'n suok atei ngāi chu a tīr rēt a, ‘Ānthēmpāi ngāi chu va ril u ro, “Entā, bunēkna ka mansūk chīt zei, ka sarāttang lē ka ranvāi amar ngāi ka that a, aloma ansūk chīt zei. Inneina pāntāna hong u ta ro,” ’ a tī na. 5Tenchu lei poisak u mak a, a lampupuia a pan u na. Senkhat chu a phāia, senkhat chu a sadāi thōnāna. 6Atei amaniang āom ngāiin a suok ngāi chu a sūr u na, muolphui asaka a that u na. 7#Lk 19:27Hava rui ha rēngin a riat a, a tak asī na. A sipairuol ngāi chu a tīr a, mīthatpū ngāi chu a va that u na. A khopui u ngāi chu a hālpē u na. 8Amā'n a suok ngāi kōma, ‘Inneina pāntā chu ansūk chīt zei a, tenchu kei thēmpāi ngāi chu aruo ni u mak. 9#Izk 21:21Hasikhan lamsuo ngāia sē u tānla, mī nei mu u takpei, inneina pāntāna ranga hong thēmpāi u ro,’ a tī na. 10Hankēng hava suok ngāi chu lamsuo ngāia a sē u na, mīsiat lē mīsā, ei mū u dōra chu a manbūm u na, a hong ruoi u na. Hatuka inneina in chu khuol a bit mat a.
11“Hatuka rēng chu khuol ngāi āen ranga a hong ālūt le chu, hava han inneina puon ātiang lui mī khat a hong mū na. 12Amā'n a kōma, ‘Ka mal, inneina puon ātiang luia hontin mo hiva hin nei hong lūt?’ a tī na. Amā'n masang theiluia a om a. 13Rēngin a suok ngāi kōma, ‘Ama chu a kut lē a kē khit u tānla, ruoi u tānla, apanga azīng kāra va pei u ro. Hava muna han chapna lē rakam anrialna om in ti,’ a tī na. 14#Anl 17:14Mī tampā anpāi a, tenchu alaktē kēng ānthang,” a tī na.
Kāisar kōma Siachōi a Pēk Rui
Mk 12:13-17; Lk 20:20-26
15Hatuka Farisāi ngāi chu a sē u na, hontin mo ama chu a chong le han ei khit thei u rang tīna a val u na. 16#Mk 3:6Amānī'n a zolāi u ngāi chu Herod raphom ngāi le han ama kōma a tīr u na. Amānī'n, “Mīnchūpū, nang chu atak, ataka Pathian lampui nei manchū chachak tī hi koinī'n na riat. Nangin nei poisak bīk tūtē om mak a, asik chu na mimandang om mak. 17Hasikhan, Kāisar a kōma siachōi a pēk hi dān a ni mo? Na mandon na ril ta,” a ti u na. 18Tenchu Isuo'n ei sa u nōk zia a riat a, a kōm u na, “Nangni phuozekām ngāi, ichang mo nei na thia u? 19Siachōi pēkna ranga sum chu na manmu u ta,” a tī na. Amānī'n denari khat chu a kōma a hong chōi u na. 20Amā'n a kōm u na, “Hiva hi tū ramīl lē tū raming mo?” a tī na. 21#Rōm 13:7Amānī'n, “Kāisar,” a ti u na. Amā'n a kōm u na, “Kāisar a neinun ngāi chu Kāisar pēk u ro, Pathian a neinun ngāi chu Pathian pēk u ro,” a tī na. 22#Mk 12:12Hiva chong hi a riat u le chu, a boi a dong u na. Ama chu a māk a, a sē u na.
Anthuirētna Hun Tika Inneina Rui
Mk 12:18-27; Lk 20:27-40
23 #
Kui 4:1; 23:8; 1Ko 15:12 Hava nikhuo dēn han ānthuirētna om mak, ātī Sadukāi ngāi chu ama kōma a hong u na, a rakel u na, 24“Mīnchūpū, Mōsī'n, ‘Pasal khat chu nāi nei luia a thi ten, a paruolin a thāinū chu ei lāk a, a paruol ranga chī ei neipui rang a ni,’ a tī na. 25Atun hin koini bila paruol sari a om u na. Ulian khīt chu nungāk alāk suona, a thī na. Chī nei luia, a thāinū chu a paruol kōma a māk a. 26Annina, anthumna lē sari tenpei in a lāk u na. 27Ahek khīta chu hava nupang hā'm a thī na. 28Hasikhan anthuirētna tika sari ngāi bila tū thāinū mo ei ni rang? Asik chu alom u'n ei lāk kiar a ni,” a tī na ei rakel u.
29 #
Zn 20:9
Isuo'n amāni kōma a masang a, “Na masial u zei, Pathian lekhabū riat u mak chē na, Pathian thōtheinā'm riat u mak chē. 30Asik chu anthuirētna tika chu nupang pasal inneina om lāi nō ni. Tenchu vānrama chu Pathian vānpalāi ngāi anga kēng ei om u. 31Tenchu āthi ngāi anthuirētna ruia, Pathianin na kōm una ei ril ha siar u mak chē mo? 32#Kui 7:32Hintin hin a tī na, ‘Koi hi Abraham a Pathian, Isak a Pathian lē Zakob a Pathian kā ni.’ (Ant 3:6) Pathian hi āthi ngāi Pathian ni mak, tenchu ādam ngāi Pathian kēng,” a tī na. 33Mipui ngāiin hiva chong a riat u na, a boi a dong u na.
Chongpēk Alian Khīt
Mk 12:28-32; Lk 10:25-28
34 #
Kui 4:1
Isuo'n Sadukāi ngāi ei mandāi riam tī Farisāi ngāiin a riat u le chu, amāni chu munkhata anbūm u na. 35#Lk 7:30Amāni bila dānpū khatin ei mansinna ranga, ankelna khat a rakel a, 36“Mīnchūpū, dān ngāi lim bila hin hova mo chongpēk alian khīt?” a tī na. 37Amā'n a kōma, “ ‘Zehova na Pathian chu na malung dōra le, na nunna dōra le, na mandon dōra le han nei ādit rang a ni,’ (Dān 6:5) a tī na. 38Hiva hi chongpēk mānsa khīt lē ālian chu a ni. 39Annina chu hava ang dēn a ni, ‘Na ninga nei āndit anga na inkōlmī ādit ro.’ (Lev 19:18) 40#Lk 10:25-28Hiva chongpēk annina hin Dān lē Deari ngāi dānbū chu ei ānthōi a ni,” a tī na.
Khristā hi Tū Nāipasal mo?
Mk 12:35-37; Lk 20:41-44
41 Farisāi ngāi chu munkhata anbūm u lāi han, Isuo'n a kōm u na, 42“Khristā ruia imo na mandon u? Ama hi tū nāipasal mo?” tīna a rakel u na. Amānī'n a kōma, “David a Nāipasal,” a ti u na. 43Amā'n a kōm u na, “Hanle David-in hontin mo Rathāna ama chu, ‘Puma’ ei ti thei?
44 #
1Rē 5:3; Kui 2:34-35; 1Ko 15:25; Heb 1:13 “ ‘Zehova'n ka Puma kōma,
“Na rāldui ngāi chu na kephā thuoia ka siak māseng,
Ka chang tiang ansut ro,” a tī na.’ (Sām 110:1)
45David-in ama chu, ‘Puma,’ a ti ten, hontin mo a nāipasal ei ni thei rang?” a tī na. 46#Mk 12:34; Lk 20:40Ama chu tūtē'n bāi khat ngal ansang thei om u mak a. Hava nikhuo nātā chu bāikhattē ngal ānkel ngam om u lāi mak a.
Bible in Ranglong, © Bibles International, the Bible society of Baptist Mid-Missions, 2024.