Mathāi 21
21
Isuo Zerusalem-a Rēng anga ei Lūtna
Mk 11:1-11; Lk 19:28-40; Zn 12:12-19
1 #
Mk 14:26; Lk 19:37; Zn 8:1; Kui 1:12 Amāni chu Zerusalem a hong dēp u na, Oliv muola Betfage a hong āsuok u le chu, Isuo'n a zolāi anni a tīr a. 2Amāni kōma, “Na maton una khuona son sē u tānla, sakuorpar khat ānkhit chu va mu len u na ti, a bila atē khat a om. Hava ngāi chu sūt u tānla ka kōma hong chōi u ro. 3Tūkarengin ei na tī a om u ten, a kōm u na, ‘Pumā'n hiva ngāi hi ei nāng kēng,’ ti u ro. Amā'n hava ngāi chu hong manchōi len in ti,” a tī na. 4Dearī'n a lei ril ha ei kip theina ranga hiva ngāi dōra hi ei ānthō a ni:
5 #
Isa 62:11; Zek 9:9 “Zion nāinupang chu ril u ro,
‘Entā, na Rēng chu na kōma a hong zei,
Annuoia lē sakuorpar chunga a chuong a,
Sakuorpar tuoi, puok apēl sakuorpartē chunga a chuong a.’ ” (Zek 9:9)
6Hatuka zolāi ngāi chu a sē u na, Isuo a chongpēk anga a va thō u na. 7Sakuorpar lē atē chu a hong chōi u na, a chung una han a puon a phāpē u na, ama chu a manchuong u na. 8#2Rē 9:13Mipui ruolin a puon u ngāi lampuia a lei phā u na. Atei ngāiin thingkung ātā a bāk ngāi a tuk u na, lampuia a lei dāp u na. 9#Lk 2:14Mipui a matona āsē ngāi lē a nūk azī ngāi chu ankhēk u na, “Hosanna, David Nāipasal! ‘Zehova raminga āhongpū chu anpāka om rase!’ Ansāng khīta son Hosanna,” (Sām 118:26) a ti u na. 10Ama chu Zerusalem-a a hong ālūt le chu, “Hiva mī hi tū mo?” tīna, a khopui dōra chu ankel susup u na. 11#Dān 18:15; Lk 7:16, 39; Zn 1:21, 25Mipui ngāiin, “Hiva hi Isuo, Galili rama Nazaret khuona deari a ni zei,” a ti u na.
Isuo'n Tempul a Rathial
Mk 11:15-19; Lk 19:45-48; Zn 2:12-22
12 #
Ant 30:13; Lev 1:14; Dān 14:26 Isuo chu Tempula a vā lūt a, Tempula neinun a lei āzuor lē ānchōk ngāi dōra chu a razūl a. Sumthūlpū#21:12 Sumthūlpū: Ram ateteia mī'n Zerusalem tempula ei nāng anga sum a lei āthūl mi ngāi. Mk. 11:15; Zn 2:15. ngāi dōkham lē vasū āzuorpū ngāi sutmun ngāi chu a maletpē zit a. 13Amā'n a kōm u na, “ ‘Ka in chu zārzongna in anti in ti,’ (Isa 56:7) tīna kēng ei ānziak. Tenchu nangnī'n hiva hi ‘Mīsuom ngāi khura na lei sin u,’ ” (Zer 7:11) a tī na.
14Tempula mitchō lē kekhor ngāi chu a kōma a hong u na, amā'n hava ngāi chu a lei mandam a. 15#Lk 19:39Tenchu chāizūng ulian ngāi lē dānmīnchūpū ngāiin, a boidong sinthō ngāi lē tempula nāipang ngāiin, “David Nāipasal Hosanna!” tīna ei ānkhēk u a mū u na, achālaka a malung asiatpē u na. 16Amānī'n a kōma, “Hiva ngāiin hong mo ei ti u so na riat mo?” a ti u na. Isuo'n amāni kōma,
“O, ‘Nāite ngāi lē nāitesender ngāi mūr ātā
Anpākna chu sat na manzui zei,’ (Sām 8:2)
Tī hi siar u ngāi mak che mo?” a tī na.
17 #
Mk 11:1; Lk 24:50; Zn 11:1, 18 Hatuka amāni chu a māk a, khopui panga Bethani-na a sē na, hava han a riak a.
Theichang Kung Athēm Rui
Mk 11:12-14, 20-24
18Zīnga, khopui pana a kīr lāi han, a von anchām a. 19#Isa 34:4; Zer 8:13Lampui sīra han theichang kung khat a mū na, a va pan a, a buo rong nōk chu atei ītē va mu mak a. Amā'n thingkung kōma, “Nanga hin marā anrā pial lāi nō rase,” a tī na. Theichang kung chu athēm bub len a.
20Zolāi ngāiin hava ha a mū na, “Hontin mo theichang kung chu ei thēm bub len?” tīna a boi a dong u na. 21#Lk 17:6; 1Ko 13:2; Zak 1:6Isuo'n a masang a, a kōm u na, “Ataktaka, kei na ril a ni u zei, nangnī'n iamna nā dōn u na, malung songankharna nā dōn u nōk ten, theichang kung chunga ei ānthō anga duoi ni mak nei thō thei u rang, tenchu hiva muolpui kōma, ‘Anthot tānla, tipuia va chul ro,’ na ti u ten, hantin anga anthō in ti. 22Ii angkhat pei iam chunga zārzonga nei zong u chu man u'n na ti,” a tī na.
Isuo a Ningneina Ruia Ankelna
Mk 11:27-33; Lk 20:1-8
23 #
Kui 4:7
Tempula a lūt a, a lei manchū lāi han, chāizūng ulian ngāi lē Zehudi pātar ngāi chu a kōma a hong u na, “Hong ningneina le mo hiva ngāi hi nei thō? Tū mo hiva ningneina hi a na pēk?” a ti u na. 24Isuo'n a masang a, a kōm u na, “Koi um chong khat na rakel u ka ti, hava ha na na ril thei u ten, koiin um hantin dēn han hong ningneina le mo hiva ngāi hi kei thō, na ril u ka ti. 25Zohan a baptisma ha hon tiang ātā mo ei ni? Chungvān ātā mo ole miring ātā mo?” a tī na. Amāni lē amānī'n a mandon u na, “ ‘Chungvān ātā,’ na ti ten, ‘Hanle hong sik mo ama chu na lei iam u nōk,’ na ti in ti? 26Tenchu koinī'n, ‘Miring ātā,’ na ti ten, mipui anchī om a, asik chu mipui dōrā'n Zohan chu deari tīna a lei pom u a ni,” a ti u na. 27Hankēng amānī'n Isuo a masang u na, “Koinī'n riat mak mē,” a ti u na. Amā'n a kōm u na, “Koiin um hong ningneina le mo hiva ngāi hi kei thō, na ril u nō ning,” a tī na.
Nāipasal Anni le han Ankhīna
28“Tenchu nangnī'n le hong mo na mandon u? Mī khatin nāipasal anni a dōn a, angkhatna pū kōma a sē na, ‘Ka nāipasal, ka theirapom rahuona sē tānla sin va thō ro,’ a tī na. 29Amā'n, ‘Sē nō ning,’ tīna a masang a, tenchu nukhōna ansīra, a sē na. 30Hava suole anninapū kōma a sē na, hantin dēn han a va tī na. Amā'n a masang a, ‘Ka pū, sē bō ning,’ a tī na, tenchu sē mak a. 31#Lk 7:29, 50Hava anni ngāi bila tū mo a pā zōtdān āthō?” a tī na. Amānī'n, “Mānsapū,” a ti u na. Isuo'n amāni kōma, “Ataktaka kei na ril a ni u zei, siachōipū ngāi lē nōtizuor ngāi chu, na mān una Pathian rēngrama a lūt u zei. 32#Lk 3:12-13; 7:36-50Asik chu Zohan chu dikna lampui arōna na kōm una a hong a, tenchu nangnī'n ama chu lei iam u mak chē na. Tenchu siachōipū ngāi lē nōtizuor ngāiin ke a lei iam u na. Nangnī'n hava ha na mu suo u nā'm, malung ansīra, ama chu iam u mak chē na.
Theirapompū Salui le han Ankhīna
Mk 12:1-12; Lk 20:9-19
33 #
Sām 80:8; Isa 5:1-7 “Ankhīna-chong khat rēt rangāi u ro. Ram puma khatin theirapom rahuon a thō na. Hava ha anhīl vinga bēr a phan a. Asūnga theirapomningti epna khur a khuor a, Insāng khat a sin a. Hava ha theirapompū ngāi kuta a betōk a, ama chu ram alapāna a sē na. 34A marā kham hun a hong āsuok le chu, a suok ngāi chu theirapompū ngāi kōma, a marā kham ranga a tīr a. 35#2Kh 24:21; Heb 11:36-37Theirapompū ngāiin a suok ngāi chu a lei sūr u na, angkhat a zēm u na, angkhat a that u na, ateipū chu lung a dēng u na. 36Amā'n māna nēka ātam suok atei ngāi a tīr a. Hava ngāi um hantin dēn han a lei thō u na. 37Nukhōn khīta chu a nāipasal chu a kōm u na, ‘Ka nāipasal chu lalchi lei thō u'n ti,’ tīna a tīr a. 38#Sām 2:8; Heb 1:2Tenchu theirapompū ngāiin nāipasal a lei mu u na, amāni le amāni anril u na, ‘Ama hi dōngluopū rang chu a ni. Hong u ro, ama chu that u rei. A dōngluo rang chu rumluo u rei,’ a ti u na. 39Hankēng ama chu a lei sūr u na, theirapom rahuon ātā a pei u na, ama chu a that u. 40Theirapom puma chu a hong tikle, theirapompū ngāi chunga imo ei hong thō rang a ni zei?” a tī na. 41#Kui 13:46Amānī'n a kōma, “Amā'n hiva misalui ngāi chu lungkhamabui thaka masiat in ti. Hatuka a theirapom rahuon chu atei theirapompū ngāi, ahun taka a marā āpēk thei rang ngāi kōma betōk in ti,” a ti u na.
42 #
Kui 4:11
Isuo'n amāni kōma, “Pathian lekhabūna:
“ ‘Āsinpū ngāiin lung ei heng u ha,
Killung anāng khīt a hong āchang a.
Hiva hi Zehova sinthō a ni,
Koini mitmūna boidong a ni,’ (Sām 118:22-23) tīna ānziak ha siar u mak che mo?
43Hasikhan kei na ti ni u zei, Pathian rēngram chu na kōm u nātā anpot in tia, marā ānsuok thei nam ngāi kōma anpēk in ti. 44#Lk 2:34Hiva lunga ānlet tak chu kui in ti. Hiva lungin ei del tak chu kui nek in ti,” a tī na.
45Hatuka chāizūng ulian ngāi lē Farisāi ngāiin hiva ankhīna-chong ngāi a riat u le chu, amāni ruia kēng ei ril ti ha a hong riatthei u na. 46Ama chu āsūr rang a val u na, tenchu mipui ā chi u na, asik chu ama chu deari tīna a pom u na.
Bible in Ranglong, © Bibles International, the Bible society of Baptist Mid-Missions, 2024.