Mathāi 20
20
Theirapom Rahuona Sinthōpū ngāi le han Ankhīna
1“Vān rēngram chu ram puma a theirapom rahuona sinthōpū ngāi lōmruoi ranga, zīnga āsuok ang chu a ni. 2Amā'n sinthōpū ngāi le han nikhata denari khat thām āpēk ranga a mannuom suona, amāni chu a theirapom rahuona a tīr a. 3Ama chu zīng dār kuo#20:3 dār kuo: Grika “dārkār anthumna” tīna anziak a. dāma a suok a, anchunzōl mun tānga mītei ānding mamei chu a va mū na. 4Amā'n a kōm u na, ‘Nangnī'm theirapom rahuona sē u ro, ei ni dān tuka na pēk u bō ning,’ a tī na. Amāni chu a sē u na. 5Hanūk chu sūnchimripa#20:5 sūnchimripa: Grika “dārkār arukna” tīna anziak a. lē chonūk dār anthuma#20:5 dār anthuma: Grika “dārkār akuona” tīna anziak a. a suok rēt a, hantin dēn han a va thō na. 6Khului dār rangā#20:6 dār rangā: Grika “dārkār sōmleikhatna” tīna anziak a. tānga a suok rēt a, mītei ānding mamei ngāi chu a va mū na. Amāni kōma, ‘Ichang mo sūnsōt hiva hin nei ānding mamei u?’ a tī na. 7Amānī'n a kōm u na, ‘Asik chu tūtē'n sinthō ranga anā ruoi om mak,’ a ti u na. Amā'n a kōm u na, ‘Nangnī'm theirapom rahuona sē u ro, ei ni dān tuka na pēk u bō ning,’ a tī na. 8#Lev 19:13; Dān 24:15Hatuka khului a hong ānī le chu, theirapom rahuon pumā'n lōmruoipū kōma, ‘Sinthōpū ngāi chu pāi tānla, nūk khīt ātā phut tānla, mānsā khīt tenpei, a thām u ngāi chu pēk ro,’ a tī na. 9Khului dār rangā tānga sin ānding ngāi chu a hong u na, denari khat seng a man u na. 10Tenchu mān khīta sin ānding ngāi a hong u na, ātam uol āman ranga an-iam u na. Tenchu amānī'm denari khat dēn a man u na. 11Hava ha a man u na, ram puma chunga bāi a mankham u na. 12#Lk 12:55; Zak 1:11Amānī'n, ‘Nūk khīta ngāiin dārkār khat bak sin ānding u na, koini sūnsōt peia a tēng a, anī lum andēng ngāi chu, amāni ngāi le nei na manruol chiang hi,’ a ti u na. 13Tenchu amā'n a masang a, a bil una angkhat kōma, ‘Ka mal, na chunga ādik nōk ītē na thō mak ung. Denari khata sin athō ranga nei āntin ni mak mo? 14Na tā lāk tānla, sē ro. Nang kei na pēk tuk dēn, nūk khīta kōmā'm kei pēk zōt a ni. 15#Dān 15:9; Mk 7:22Ka tā kei dōn ngāi chunga kei zōt anga āthō hi dān ni mak mo? Ole, lungkham a dōn kei ni sika mo nei na mūmāk?’ a tī na. 16Hantin han nūk anta ngāi chu mān anta u'n ti, mān anta ngāi chu nūk anta u'n ti. Mī tamtak anpāi a, tenchu ānthang chu alaktē kēng,” a tī na.
Isuo'n ei Thi Rang lē ei Ānthuirēt rang Rui Aphāmān a lei Ril
Mk 10:32-34; Lk 18:31-34
17Hatuka Isuo chu Zerusalem a pan lāi han, a zolāi Sōmleianni ngāi chu lampuia abingtēna a ruoi a, a kōm u na, 18#Lk 9:51“En u ro, Zerusalem-a nei pan rang a ni zei. Miring Nāipasal hi chāizūng ulian ngāi lē dānmīnchūpū ngāi kuta anbetōk in ti. Amānī'n ama chu āthi ranga siat manlō u'n ti. 19#Kui 2:23Ama chu manitāngzār āthō ranga, nganuramoi le āzēm ranga lē, khrōsa ātār ranga, namtei ngāi kuta betōk u'n ti. Hatuka nīnthum nikhuona hong ānthuirēt in ti,” a tī na.
Zakob a Nū lē Zohan-in ei Mathēmna
Mk 10:35-45
20 #
Mt 4:21
Hatuka Zebedai nāipasal ngāi nū chu, a nāipasal ngāi le han Isuo kōma a hong u na, khūksabila a kōma hong khat mo a zong u na. 21Amā'n a kōma, “Hong mo nei zōt?” a tī na. Amā'n, “Hiva ka nāipasal anni ngāi hi, nang na rēngrama na chang tiang khat lē, na voi tiang khat ei ānsut thei una ranga, chongpēk ro,” a tī na. 22#Isa 51:17, 22; Zer 49:12; Mk 14:36; Lk 22:42; Zn 18:11Isuo'n a masang a, “Nangnī'n nei zong u hi riat u mak chē. Ka khuri buong rang hi nangnī'n buong thei u'n mo? Baptisma kei ānlākna hin baptisma anlāk thei u'n mo?” a tī na. Amānī'n a kōma, “Nā thei,” a ti u na. 23#Kui 12:2; Anl 1:9Amā'n a kōm u na, “Ka khuri chu buong ngēt u na ti. Baptisma kei ānlākna hin baptisma anlāk u na ti. Tenchu ka chang tiang lē ka voi tianga ānsut rang chu koi ni mak āpēk rang. Tenchu ka Pā'n ei mansūkpē suo ngāi ta rang kēng,” a tī na. 24#Lk 22:24-25Hava chong chu zolāi sōm ngāiin a riat u na, hava paruol anni ngāi chunga a malung a siat u na. 25Tenchu Isuo'n amāni ngāi chu a pāi a, “Namtei ruirilpū ngāi chu a mi ngāi chunga achālaka anlal u chachak a, hanūk chu a milian u ngāiin amāni chunga ningneina ei mang u chachak ti, na riat u na. 26#Mk 9:35Hanum ni sela, na kār una chu hantin han ni nō ni. Tūkareng na kār una ālian rang a nuom chu, na suok u chang rase. 27Tūkareng na kār una mān anta nuom chu, na suok u chang rase. 28#Ant 30:12; Isa 42:1; 44:22; Lk 12:37; Zn 13:13-16; 2Ko 8:9; Fil 2:7; 1Ti 2:6; Tit 2:14; Heb 9:28; 1Pe 1:18-19Hantin dēn han Miring Nāipasal chu dorbōndomna man ranga āhong ni mak a, tenchu dorbōndom ranga lē, mī tamtak ānratan ranga, ei damna āpēk ranga hong a ni,” a tī na.
Mitchō Anni ngāi ei Damna
Mk 10:46-52; Lk 18:35-43
29Zeriko nātā asuoka a sē u lāi han, mipui ātampā'n a nūk a zī u na. 30Entā, mitchō anni hi lampui sīra a lei ānsut u na, amāni piala Isuo ei sē chu a riat u na, “O Puma, David Nāipasal, koini chunga lungkham na mu ro,” tīna ankhēk u na. 31Mipui ngāiin ādāirek ranga ā ngō u na. Tenchu amānī'n, “O Puma, David Nāipasal, koini chunga lungkham na mu ro,” tīna ankhēk riam u na. 32Hatuka Isuo chu ānding a, amāni chu a pāi a, a kōm u na, “Na rang una hong mo kei thō ranga nei zōt u?” a tī na. 33Amānī'n a kōma, “Puma, koini na mit ngāi ei vār rang nā zōt,” a ti u na. 34Hankēng Isuo'n lungkham a mū na, a mit u ngāi a tōnpē na. Hatuka a mit ngāi a hong āvārpē len u na. Hatuka ama nūk a zī u na.
Bible in Ranglong, © Bibles International, the Bible society of Baptist Mid-Missions, 2024.