Mathāi 19
19
Inneina lē Nupuiparam Ansenna
Mk 10:1-12; Lk 16:18
1Hintin hin a ni, Isuo'n hava chong ngāi chu a ril suole, Galili ram ātā a suok a, Zordan varāla Zudāi rama a hong a. 2Mipui ātampā'n a nūk a hong zī u na, hava muna han amāni chu a lei mandam a.
3 Farisāi ngāi um a kōma a hong u na, ama ansinna ranga a kōma, “Ii khat pei sika pasalin a thāinū ei māk hi dān a ni mo?” a ti u na. 4#Aph 5:2Amā'n a masang a, a kōm u na, “Aphuta chu amāni āsinpū'n ‘Pasala lē nupanga kēng ei sin,’ lē, (Aph 1:27) 5#1Ko 6:16; Efe 5:31‘Hasikhan, pasalin a nū lē a pā māk in tia, a thāinū le han anzom u'n ti. Anni ngāi chu taksa pumkhat chang u'n ti,’ (Aph 2:24) tī hi siar u ngāi mak chē mo? 6Hantin han amāni chu anni ni u lāi mak, tenchu taksa pumkhat kēng a ni u zei. Pathianin ei manzom suo chu miringin mansen lāi nō rase,” a tī na. 7#Dān 24:1-4Amānī'n a kōm u na, “Hanle ichang mo Mōsī'n ansenna lekhā a pēk a, a thāinū ānsenpui ranga chong ei pēk?” a ti u na. 8Amā'n a kōm u na, “Na malung u ei ānkhir sika, Mōsī'n na thāinū u ngāi ānsenpui ranga ei phal kēng, tenchu aphuta chu hantin han om mak. 9#Lk 16:18Kei na ti u a ni zei, tūkareng uirē sika rong nōka, a thāinū ānsenpuia, nupang atei ālāk tak chu uirē kēng. Tūkareng mī'n ei ānsempui suo nupang ālāk tak chu uirē kēng,” a tī na.
10A zolāi ngāiin a kōma, “Pasal ranga a thāinū le dingmun havan tin han a ni ten, nungāk lāk lui kēng āsā,” a ti u na. 11#1Ko 7:7-9, 17Tenchu amā'n a kōm u na, “Hiva chongril hi mī dōrā'n pom thei mak, tenchu anpēka om ngāi rong kēng a pom thei. 12Thāidōr senkhat chu a nū von sūng len ātā hantin han a hong ānzir a om a. Thāidōr senkhat chu miringin thāidōr ei sin a om a. Thāidōr senkhat chu vān rēngram sika, a ninga thāidōr ansin a om a. Apom thei takin hiva hi pom rase,” a tī na.
Isuo lē Nāipangte ngāi
Mk 10:13-16; Lk 18:15-17
13 #
Mk 5:23
Hatuka amāni chunga a kut a siak a, zār ei zongpē theina ranga, nāipangte ngāi chu a kōma a hong ruoi u na. Tenchu zolāi ngāiin amāni chu ā ngō u na. 14#1Pe 2:2Tenchu Isuo'n amāni kōma, “Nāipangte ngāi chu ka kōma hong ruoi u ro, khār u nō ro. Asik chu vān rēngram chu amāni anga mi ngāi tā kēng,” a tī na. 15Amāni chunga a kut ā siak suole, hava nātā anphet a.
Ruothar Anchong
Mk 10:17-31; Lk 18:18-30
16 #
Lk 10:25
Entā, mī khat hong a, a kōma, “Mīnchūpū āsā, tāituon damna kei mantheina ranga hong sin a sā mo kei thō rang?” a tī na. 17#Lev 18:5Isuo'n a kōma, “Ichang mo āsā ruia nei na rakel? Mi āsā angkhat dak a om, ama chu Pathian a ni. Damnāna ālūt rang nā zōt ten, chongpēk ngāi zī ro,” a tī na. 18#Zak 2:11Amā'n a kōma, “Hova ngāi mo?” a tī na. Isuo'n a kōma, “ ‘Mī that nō ro.’ ‘Uirē nō ro.’ ‘Marūsā nō ro.’ ‘Milaka āriatpuipū chang nō ro.’ 19‘Na nū lē na pā ton ro.’ (Ant 20:12-16; Dān 5:16-20) Hanūk chu, ‘Na ninga nei āndit anga na inkōlmī ādit ro,’ ” (Lev 19:18) a tī na. 20Hava ruotharin a kōma, “Hiva ngāi dōra chu nāipangtē kā ni lāi ātā kei hong zī kiar kēng a ni zei. Imo kei lā'n sam?” a tī na. 21#Mt 5:48; Kui 2:45Isuo'n a kōma, “Satanzui nā zōt ten, sē tānla, nei dōn dōra va zuor tānla, ānriang ngāi va pēk ro, hankēng vānrama dōngluo nei dōn rang. Hatuka hong tānla, ka nūk na hong zī ro,” a tī na. 22Tenchu ruotharin hava chongkam chu a riat a, a malung anngūia asuoka a sē na. Asik chu amā'n dōngluo tampā a dōn a.
Pathianin a Thō Kiar Thei
23 #
1Ti 6:9-10
Isuo'n a zolāi ngāi kōma, “Ataktaka, kei na ril a ni u zei, mī ānchong ranga vān rēngram ei lūt rang chu antak. 24Na ril rēt u ka ti, ānchong vān rēngrama lūt nēk ten, mākingkang simphuoi kuona lūt bei uol in ti,” a tī na. 25A zolāi ngāiin hava ha a riat u na, achālaka a boi a dong u na, “Hanle, tū mo āzōk thei rang?” a ti u na. 26#Aph 18:14; Zōb 42:2; Zer 32:17; Lk 1:37; Rōm 4:21Isuo'n amāni chu a en a, a kōm u na, “Miring ranga hiva hi chuk thei mak, tenchu Pathian ranga aloma āchuk kiar thei kēng,” a tī na. 27Peter-in a masang a, a kōma, “Entā, koinī'n aloma na māk zit a, na nūk na zī na. Hanle hong mo koinī'n nei man rang?” a tī na. 28#Lk 22:28-30; Anl 3:21Isuo'n a kōma, “Ataktaka, kei na ril a ni u zei, ansintharrētna tika Miring Nāipasal ei ānlianna chōmphānga ansut tika chu, nangni ka nūk anā zī ngāi um chōmphāng sōmleianni chunga ansuta, Israel nam sōmleianni ngāi rui la ril u'n na ti. 29#Mt 6:33Tūkareng ka raming sika, in mo, paruol mo, sarnū mo, nū mo, pā mo, thāinū mo, nāi mo ole ram mo āmāk tak chu, thep razā la man u'n ti, hanūk chu tāituon damna la luo u'n ti. 30#Mk 10:31; Lk 13:30Tenchu mi tamtak mān anta ngāi chu, nūk khīt la ni u'n ti, nūk anta ngāi chu mān khīt la ni u'n ti,” a tī na.
Bible in Ranglong, © Bibles International, the Bible society of Baptist Mid-Missions, 2024.