Mathāi 16
16
Farisāi lē Sadukāi ngāiin Sinsiana ā Rok u
Mk 8:11-13; Lk 12:54-56
1 #
Kui 4:1
Hatuka Farisāi lē Sadukāi ngāi chu Isuo kōma a hong u na. Ama ansinna ranga anvān ātā sinsiana ānmū ranga a hong mathēm u na. 2Amā'n a masang a, a kōm u na, “Khului a ni le, ‘Nikhuo hui rang kēng, kōlkung asen,’ na ti u chachak a. 3#Lk 12:54-56Zīnga chu, ‘Avian chu nikhuo hui nō ni, kōlkung asena, khuo annīm zuok,’ na ti u chachak a. Nangni phuozekām ngāi! Kōlkung omzia chu na thiarthāk thei u na, tenchu hun sinsiana omzia chu thiarthāk thei u mak chē na. 4Misalui ngāi lē uirē khūk ngāiin sinsiana ā rok u na, tenchu deari Zona sinsiana rong nōk chu, atei ītē sinsiana a kōm una anpēk nō ni,” a tī na. Amāni chu a māk a, anphet a.
Farisāi ngāi lē Sadukāi ngāi Chol
Mk 8:14-21
5A zolāi ngāi chu son tiang varāl a vā suok u na, vāipōltāp achōi rang a mangil u na. 6#Lk 12:1Isuo'n a kōm u na, “Anrung u tānla, Farisāi le Sadukāi ngāi chol ātā anrēng u ro,” a tī na. 7Amānī'n, “Vāipōltāp nei chōi lāi nōk sika kēng,” tīna a mandon u na. 8Tenchu Isuo'n hava ha a riat a, a kōm u na, “O, nangni iamna tōm ngāi, ichang mo vāipōltāp dōn mak mē tīna nei āndon u? 9Atun tena nei la riatthei u nōk mo? Mī 5,000 ranga vāipōltāp rangā le han, kok ituk mo nei la rūt u ha, na malunga chui u mak mo? 10Hanūk chu mī 4,000 ranga vāipōltāp sari le han, kok alian ituk mo nei la rūt u ha? 11Vāipōltāp rui na kōm una kei ril nōk tī hi, ichang mo nei riatthei u nōk? Tenchu Farisāi lē Sadukāi ngāi chol ātā anrēng ranga ke kei na ti u,” a tī na. 12#Kui 4:1Amā'n vāipōltāp chol anchel rui ni luia, tenchu Farisāi lē Sadukāi ngāi anchūna dān ātā anrēng ranga ei ril, ti ha a riatthei u na.
Peter-in Isuo chu Khristā Tīna ei Puongna
Mk 8:27-30; Lk 9:18-21; Zn 6:68-69
13Isuo chu Kaisaria-Filipi rampera a hong le han, a zolāi ngāi kōma, “Koi Miring Nāipasal hi, mi ngāiin tū mo ei na ti u?” tīna a rakel a. 14#Mk 6:15; Zn 1:21Amānī'n, “Mī senkhatin Baptispū Zohan, mī senkhatin Eliza, atei senkhatin Zeremia mo ole deari ngāi bila angkhat a na ti u,” a ti u na. 15Amā'n a kōm u na, “Nangnī'n le, koi hi tū mo nei na ti u?” a tī na. 16#Sām 42:2; Zer 10:10; Kui 14:15; 2Ko 6:16; 1Th 1:9; 1Ti 3:15; Heb 10:31Simon Peter-in a masang a, “Nang chu Khristā, Pathian adam Nāipasal nā ni,” a tī na. 17#1Ko 15:50; Efe 6:12; Heb 2:14Isuo'n a kōma, “Simon Bar-Zona#16:17 Bar-Zona: “Zona nāipasal” tīna a ni., bōrsāng atung kēng nā ni, hiva hi taksā lē thisenin na kōma ei hong manlang ni mak, tenchu anvāna ka Pā kēng a hong anlang. 18#Zn 1:42; Efe 2:20Koiin um kei na tī a ni zei, nang hi Peter, hiva lungpui chunga hin ka kuibing manding ka ti. Āthi khuo rapalsuokkhār ngalin zui nō ni. 19#Isa 22:22; Zn 20:23; Anl 3:7Na kōma hin vān rēngram chābī ngāi chu na pēk ka ti. Nangin phila nei khit chu vānramā'm ankhit in tia, nangin phila nei malong chu vānramā'm anlong in ti,” a tī na. 20#Mk 8:30Hatuka a zolāi ngāi kōma, ama chu Isuo Khristā a ni, tī hi tūtē kōma rillui ranga chong a pēk a.
Isuo'n ei Thi Rang Rui Aphāmān a lei Ril
Mk 8:31-9:1; Lk 9:22-27
21 #
Sām 22:6; Isa 53:3; Hos 6:2; Mk 9:31; Lk 9:22, 51; 17:25; 24:21, 46; Zn 2:19; 18:22; Kui 2:23; 1Ko 15:3-4 Hava hun ātā chu Isuo'n Zerusalem-a ei sē rang ruia, hanūk chu pātar ngāi, chāizūng ulian ngāi lē dānmīnchūpū ngāi kōm ātā antakna tampā ei tiar rang lē ama chu anthata ei om a, nīnthum nikhuona ei ānthuirēt rang rui chu, a zolāi ngāi kōma āril a phut a. 22Peter-in apanga a ruoi a, chūnngō thō a phut a, “Puma, ni thak nō rase! Hiva hi na chunga hong tung thak nō rase,” a tī na. 23Ama chu Peter tiang anhoia, a kōma, “Setan, ka maton ātā ankhāi ro! Ka ranga anā luopū kēng nā ni. Asik chu Pathian neinun ngāi mandon luia, tenchu miring neinun ngāi kēng nei mandon hile,” a tī na.
Khrōs Anphuta Isuo Nūk a Zī
24 #
Lk 14:27
Hatuka Isuo'n a zolāi ngāi kōma, “Tūkareng ka nūk a na zī zōt tak chu, a ninga anngil sela, a khrōs raputa, ka nūk na zī rase. 25#Zn 12:25Asik chu tūkareng ei damna ānzōk zōt chu machān in ti. Tenchu tūkareng ka sika ei damna ānchān chu man in ti. 26Mī'n maniapūr pumpui hi man sela, ei damna a machān ten, ama ranga imo ei nemna? Ole ei damna rathūla miringin imo ei pēk thei rang? 27#Zōb 34:11; Sām 28:4; 62:12; Chn 24:12; Zer 17:10; Izk 18:20; Lk 17:30; Zn 14:3; Kui 1:11; Rōm 2:6; 1Ko 1:7; 2Ko 5:10; 1Th 2:19; Anl 1:7; 22:12Miring Nāipasal hi a vānpalāi ngāi le han, a Pā ei ānlianna le anthuoma la hong in ti. Hava tika chu mī tin a sinthō ang chipa rātpāk la pēk in ti. 28Taktaka kei na ril a ni u zei, hiva muna ānding ngāi bila senkhat chu, Miring Nāipasal a rēngrama ei hong a mū māseng chu, thīna temlui rang a om u na,” a tī na.
Bible in Ranglong, © Bibles International, the Bible society of Baptist Mid-Missions, 2024.