Mathāi 12
12
Isuo Sabat Puma
Mk 2:23-3:6; Lk 6:1-10
1 #
Dān 23:25
Hava lāi han, Isuo chu sabat nikhuona būnthōna phāia a sē na. A zolāi ngāi chu a von anchām sika, bupār akhama, akhēta, a sāk u na. 2#Ant 20:10; Dān 5:14; Lk 13:14; Zn 5:10Hava ha Farisāi ngāiin a mū u na, a kōma, “Entā, na zolāi ngāiin sabat nikhuona āthō aser kēng ei thō u sole,” a ti u na. 3#1Sa 21:6Amā'n a kōm u na, “David a vong anchām lāia, ama lē a lōm ngāiin hong mo ei thō u ha, siar u mak che mo? 4#Lev 24:5, 9Ama chu Pathian ina a lūt a, ama lē a lōm ngāiin ei sāk u rang āser, chāizūng ngāi rongin ei sāk thei Vāipōltāp Anthiang chu ei sāk ha? 5#Atl 28:9-10; Zn 7:22-23Hanūk chu sabat nikhuona chāizūng ngāiin tempula sabat chu a lei masiat u ngalā'm ni sela, āsia ei ānlō u nōk rui ha, dānbūna siar u mak che mo? 6Tenchu kei na ril a ni u zei, hiva hin Tempul nēka ālian mī khat a om. 7#Mik 6:6-8‘Lungkhamna kēng kei zōt, anbōlna ni mak,’ (Hos 6:6) ti omzia hi na riatthei u ni sela chu, masialabui ngāi āsia manlō u nō ta ni ba. 8Asik chu Miring Nāipasal hi sabat Puma um a ni,” a tī na.
Sabat Nikhuona Āndam
Mk 3:1-6; Lk 6:6-11
9Hatuka hava nātā anphet suona, ama chu sinagog-a a vā lūt a. 10#Mk 3:2; Lk 11:54Entā, hava han a kut athi mī khat a om a. Isuo chu āsia ei manlō thei una ranga, amānī'n, “Sabat nikhuona mi āndam hi dān a ni mo?” tīna a rakel u na. 11#Lk 14:5Amā'n a kōm u na, “Nangni bila mī khatin bera khat ei dōn chu sabat nikhuona khura chul sela, va rūta hong makhal nō ni mo? 12Bera khat nēka miring chu hotuk mo ei lū a ni. Hasikhan sabat nikhuona sin āsa thō chu ānthiang kēng,” a tī na. 13Hatuka Isuo'n hava mī kōma, “Na kut ālāng ro,” a tī na. A kut ālāng a, kiang khat tianga anga a dampē na. 14#Aph 37:18; Sām 71:10; Mk 3:6; Lk 6:11; Zn 5:18Hatuka Farisāi ngāi chu asuoka sē u na, hontin mo Isuo chu ei masiat thei u rang tīna, rui a vā'n ril u na.
Pathian Thang Suok
15Tenchu Isuo'n hava ei riat le, hava nātā asuoka sē na. Mipui ātampā'n a zī u na. Amā'n a aloma a lei mandam a. 16A ruitāng āpuong u nōk ranga chong a pēk a. 17Hiva hi deari Isaia a chongril ei kip theina rang a ni:
18 #
Zn 3:34
“Entā, ka suok, kei ā thang,
Kei madit, amāna hin ka rathā rāi asān,
Amāna hin ka Rathā siak ka ting,
Amā'n namtei ngāi kōma ruirilnadik chu puong in ti.
19Ama chu ansuolpui nō ni, ankhēk um nō ni,
Lamlian ngāia tūtē'n a hē riat om nō ni.
20Amā'n ruirilnadik chu a manrāt māseng chu,
Amā'n phāiruong akui chu khiak nō nia,
Lēmrī moikhū'm that bit nō ni.
21 Namtei ngāiin ama raminga anngam u'n ti,” (Isa 42:1-4)
tīna a lei ril chu.
Isuo lē Beēlzebul
Mk 3:19-30; Lk 11:14-26
22Hatuka raluoiin ei sūr mī khat hi Isuo kōma a hong ruoi u na, ama chu mitchō lē chongtheilui a ni. Isuo'n ama chu a mandam a. Chongtheilui chu a chong thei a, mitchō chu a mū thei a. 23Mipui dōra chu a boi a dong u na, “Hiva nāi hi mo David a nāipasal?” a ti u na. 24#Mk 3:22Hava ha Farisāi ngāiin a riat u na, “Hiva nāi hi Raluoi rēng, Beēlzebul rong nōk ten, raluoi ngāi hi razūl thei mak,” a ti u na. 25Tenchu Isuo'n hava a mandon u ngāi a riat a, a kōm u na, “Rēngram a ninga anduia ānsen chu a siat biang chachak. Khopui tin lē insūngkuo tin um a ninga anduia ānsen chu ngīr ngāi mak. 26Setan-in Setan dēn a razūl ten, ama chu a ninga anduia ānsensāi kēng a ni zei. Hanle hontin mo a rēngram chu ei ngīr rang? 27#Kui 19:13Beēlzebul amanga raluoi ngāi kei razūl a ni ten, hong le mo na nāi u ngāiin raluoi ei razūl u chachak ha? Hasikhan amāni chu na chung una ruirilpū chang u bō ni. 28Tenchu Pathian Rathā le han raluoi ngāi kei razūl a ni ten, rēngram chu na kōm una a hong ātung tatak kēng a ni zei. 29Hanūk chu mī'n ranakaneipā a khit mānsa nōk ten, hontin mo ranakaneipā ina ei va lūt a, neinunsampār ngāi ei rūn thei rang? A khit suole han kēng ina neinunsampār ngāi ei rūn thei rang. 30#Mk 9:40; Lk 11:23Ka tianga koplui chu, anā dui a ni. Ka bila mankhōm lui tak chu, āchēn a ni.
Anduol Theilui Āsia
31 #
Mk 3:28-29; Lk 12:10 “Hasikhan kei na ril a ni u zei, miring siatna tin lē Pathian siatrilna tin chu anduolna om in ti, tenchu Rathā Ānthiang siatrilna chu anduolna om nō ni. 32#Mk 10:30; Lk 20:34-35; Efe 1:21; Heb 6:5Tūkareng Miring Nāipasal aduia siat aril tak chu, anduolna man in ti. Tenchu tūkareng Rathā Ānthiang aduia siat aril chu, anduolna reng man nō ni, atuna huna lē alā hong rang hunā'm man nō ni.
Thingkung a Marā le han a Riat a Sā
Lk 6:43-45
33 #
Mt 7:15-20; Lk 6:43-44 “Thingkung na mansa ten, a marā um hong sā'n ti, thingkung na mansa nōk ten, a marā um hong sa nō ni. Asik chu thingkung chu a marā le han na riatthei a. 34#Lk 6:45Marūl chi ngāi! Misalui nei ni u na, hontin mo chong a sā nei ril thei u rang? Malung sūnga abita āliam chu mūrin a ril chachak. 35Mīsā chu a sālungrīla dōngluo āsā nātā, neinun āsā a rasuo chachak. Misalui chu a sālungrīla dōngluo āsiat ātā, neinun asiat a rasuo chachak. 36Tenchu kei na ril a ni u zei, mī'n chongporchonok ei ril ngāi dōra chu, ruiril nikhuo tika hisāp ei la pēk chip u rang a ni. 37#Zōb 15:6; Chn 10:14; Zak 3:2Na chong le han sat nei ānlō rang, na chong le han siat nei ānlō rang,” a tī na.
Zona Sinsiana
Lk 11:29-32
38 #
Mk 8:11-12; Lk 11:16; Zn 2:11, 18; 1Ko 1:22 Hatuka Dānmīnchūpū ngāi senkhat lē Farisāi ngāiin a masang u na, “Mīnchūpū, na kōm ātā sinsiana khat na mū zōt,” a ti u na. 39#Lk 11:29Tenchu Isuo'n a masang a, a kōm u na, “Hiva huna misalui ngāi lē uirē mi ngāiin sinsiana a thūn u na. Deari Zona sinsiana rong nōk chu, sinsiana tei a kōm una anpēk nō ni. 40#Zon 1:17Asik chu Zona ha ngapui von sūnga sūn anthum zān anthum ei om anga, Miring Nāipasal um phil sūnga sūn anthum zān anthum om in ti. 41#Zon 1:2; 3:5Nineve khopuia mi ngāi chu ruiril nikhuo tika, hiva huna mi ngāi le han anthui u'n tia, hiva mi ngāi chu āsia manlō u'n ti. Asik chu Zona a chongrila a malung a lei mansīr u na. Entā, hiva hin Zona nēka ālian mī khat a om. 42#1Rē 10:1; 2Kh 9:1Sim rama rēngnū chu ruiril nikhuo tika, hiva huna mi ngāi le han anthui u'n tia, hiva mi ngāi chu āsia manlō u'n ti. Asik chu ama chu Solomon hianna rui āriat ranga, ramuol kōlmong ātā a hong a. En ro, hiva hin Solomon nēka ālian mī khat a om.
Rathā Anthianglui ngāi ei Kīrrētna
Lk 11:24-26
43“Rathā anthianglui khat chu miring khat kōm ātā a suok suole, ti buina muna pōngansana rang mun anroka anvāk a, tenchu man mak a. 44Hatuka amā'n, ‘Kei hong suokna in dēna kīr rēt ka ti,’ a tī na. A hong ākīr le chu a lei ārong a, anthial vanga lē anzēk vanga a hong mū na. 45#2Pe 2:20Hatuka ama chu a sē na, ama nēka āsiat rathā atei sari a hong ruoi a, hava han amāni chu a lūt a, a om u na. Hava miring dingmun chu māna dingmun nēka a siat riam a. Hiva huna misalui ngāi dingmun chu hantin dēn han ei la ni u rang,” a tī na.
Isuo a Nū lē a Paruol ngāi
Mk 3:31-35; Lk 8:19-21
46 #
Lk 1:43; Zn 2:1-2, 12; Kui 1:14; 1Ko 9:5; Gal 1:19 Isuo'n mipui ngāi kōma chong a la ril lāitak han, entā, a nū lē a paruol ngāi chu, ama āchongpui rang azōta apanga ānding u na. 47Mī khatin a kōma, “Entā, na nū lē na paruol ngāi chu, anā chongpui rang a zōt a, apanga ānding chiana om u na,” a tī na. 48Tenchu amā'n a masang a, hava āchongpuipū kōma, “Tū mo ka nū? Tū mo ka paruol ngāi chu?” a tī na. 49Amā'n a zolāi ngāi tiang ā khīn a, “Hiva ngāi hi ka nū lē ka paruol ngāi chu a ni! 50#Zn 15:14Asik chu tūkareng anvāna ka Pā ei zōt athō tak chu, ka paruol, ka sarzuor lē ka nū a ni,” a tī na.
Bible in Ranglong, © Bibles International, the Bible society of Baptist Mid-Missions, 2024.