Mathāi 11
11
Baptispū Zohan-in Isuo Kōm Palāi ei Tīrna
Lk 7:18-35
1Hintin hin a ni, Isuo'n a zolāi Sōmleianni ngāi chu chong a pēk suole, ama chu hava nātā a khopui u ngāia ānchū ranga lē, chong āril ranga asuoka sē na.
2Ankhumna-ina ānkhum Zohan-in Khristā a sinthō ngāi chu a lei riat a, a zolāi ngāi kāra anni chu a tīr a. 3#Sām 118:26; Zn 11:27; Heb 10:37Amānī'n a kōma, “Āhong rang pū ha mo nā ni ole, atei mo nei la ngāk rang?” a ti u na. 4Isuo'n masang a, a kōma u na, “Sē u tānla, nangnī'n ii nei riat u ngāi lē, nei mu u ngāi dōra chu Zohan a kōma va ril u ro. 5#Isa 35:4-6; Lk 4:18-19Mitcho ngāi avār u zei, ākhor ngāi kal a chōi u zei, āphār ngāi anthiang u zei, kuorsēt ngāi avār u zei, āthi ngāi anthui u zei, ānriang ngāi kōma thangahui anril zei. 6Koi ka sika anpallui chu rāvān asā kēng,” a tī na.
7Zohan a zolāi ngāi anphet suo u na, Isuo'n mipui kōma Zohan a rui āril a phut a, “Hong āen ranga mo mibuirama nei sē u? Thīnthī'n ei sēm māiluong āen rang mo? 8Hanle hong āen ranga mo nei sē u? Puon annēm ansil āen ranga mo? En u ta, puon annēm ansil miring ngāi chu rēng-ina kēng ei om u. 9#Lk 1:76Hanle hong āen ranga mo nei sē u? Deari en ranga mo? A ni hale, kei na ril a ni u zei, deari nēka ālian kēng. 10#Mk 1:2; Lk 7:27; Zn 3:28Asik chu ama rui hi a lei ānziak a ni,
“ ‘Entā, ka palāi chu na matona ka tīr,
Amā'n na lampui chu na matona lei sin in ti,’ (Mal 3:1)
11Taktaka kei na ril a ni u zei, nupang von sūnga ānzir lim bila, Baptispū Zohan nēka ālian tūtē la suok ngāi mak. Tenchu vānrama āsīn khīt ngal ama nēka ālian kēng. 12Tenchu Baptispū Zohan a hun len ātā atun tenpei, vān rēngramin sukansuona antak a tuor a, sukansuon ngāiin therkhaka a lāk u chachak. 13#Lk 16:16Deari ngāi lē Dānin Zohan a hun tenpei dēchong a lei ril suo a ni. 14#Mal 4:5; Lk 1:17; Zn 1:21Nangnī'n hiva hi na pom zōt u ten, ama hi alā hong rang āntī Eliza chu a ni. 15#Mk 4:23; Lk 14:35; Anl 2:7Anngāina kuor adōnin, lei rangāi rase.
16“Tenchu atun taka mi ngāi hi hong le mo kei mankhī rang? Amāni ngāi chu anchunzōla nāipang ānsut ngāi, a lōm ngāi āpāi chachak ang a ni u na.
17“ ‘Nangni ranga theilia na tum a, lām u mak chē na.
Koinī'n na na chapchānpui a, anngūi u mak chē na,’ a ti ngāi ang a ni.
18 #
Lk 1:15
“Zohan chu a hong a, sāk mak a, nēk um mak a. Amānī'n, ‘Raluoi a dōn kēng,’ a ti u na. 19Miring Nāipasal chu a hong a, a sāk a, a nēk a. Amānī'n, ‘En u ta, ānruok lē zūndū, siachōipū ngāi lē misalui ngāi mal,’ a ti u na. Tenchu hianna chu a sinthō le han sat anlō na,” a tī na.
Ansīrlui Khopui ngāi Chunga Vānduoina
Lk 10:13-15
20Hatuka Isuo'n tichangbui sin ātam riei ei thōna khopui ngāi chu, ei ānsīr u zōt sika chūnngō a thō na. 21#Am 1:9; Mk 6:45; Lk 9:10; Zn 1:44; Kui 12:20“O Korazin, na vān a duoi. O Betsaida, na vān a duoi. Asik chu nangni kōma tichangbui sin anthō ngāi ha, Tura lē Sidon khuona ānthō ni sela chu, machin ātā amāni chu puontumbū ansila, ravut ankhuona ansīr u zei ni ba. 22Tenchu kei na tī a ni u zei, ruiril nikhuo tika nangni nei tiar u rang nēka, Tura lē Sidon khopui ngāi ei tiar u rang chu azia om bet in ti. 23#Isa 14:13-15Nang Kapernaum, anvān tenpeia ānsāng, āthi khuo tenpei ansuma la om na ti. Asik chu na kōma tichangbui sin anthō ngāi ha Sodom khuona anthō ni sela chu, avian tena la om in ti ba. 24Tenchu kei na tī a ni u zei, ruiril nikhuo tika nang nei tiar rang nēka, Sodom-in ei tiar rang chu azia om bet in ti,” a tī na.
Apōng lē Puokrik ngāi Ranga Pōngansana
Lk 10:21-22
25 #
Lk 22:42; Zn 11:41 Hava lāi han Isuo'n hintin hin a ti: “O ka Pā, phil lē anvān Puma, hiva rui ngāi hi mihian lē mīthei ngāi kōma na thup a, nāipangte ngāi kōma nei puong sika, rāisānna ka na mantung. 26A ni ka Pā, hava ha na mitmūna asāna anlang a. 27#Zn 3:35; 10:15Ka Pā'n alompeia ka kōma ei na betōk kēng a ni zei. Pā rong nōk chu, tūtē'n Nāipasal hi āriat om mak. Nāipasal rong nōk chu, tūtē'n Pā hi āriat om mak. Nāipasalin ei manriat zōt rong nōk chu tūtē'n riatthei mak. 28#Ant 33:14O nangni āpōng lē āpuok arik ngāi dōra, ka kōma hong u ro, pōngansana chu na pēk u ka ting. 29#Sām 116:7; Zer 6:16; Zn 13:15; Fil 2:5; 1Pe 2:21; 1Zn 2:6Ka rīngkol pēl u tānla, ka kōma hong ānchū u ro. Koi hi āsing lē nunnēm kē ni. Hava han na rathā u rang pōngansana man u na ti. 30#1Zn 5:3Asik chu ka rīngkol hi āhui lē ka puok hi āzāng,” a tī na.
Bible in Ranglong, © Bibles International, the Bible society of Baptist Mid-Missions, 2024.