Anthokna 3

Mōsī'n Tūk a Kāng a Mū

1 # Atl 10:29; Dān 1:2, 6; Mal 4:4 Mōsi chu Midian ram chāizūng, a tarpū Zethro beraruol a lei rung a. Beraruol ngāi chu mibuiram nūk tiang a lei hōl a, Pathian muolpui Horeb chu a hong ātung a. 2#Aph 16:7; Kui 7:30Tūk ātā Zehova Vānpalāi chu moi achuonga a kōma a hong anlang a. A en a, entā, tūk chu moi le a kāng a, ten tūk chu kāng biang mak a. 3Mōsī'n, “A kōla sēna mūruo lian chu va en di rong, ichanga mo tūk ei kāng biang nōk,” a tī na.

4 # 1Sa 3:4 Āen ranga ei va pan chu Zehova'n a lei mū na, Pathianin tūk kār ātā a lei pāi a, “Mōsi, Mōsi!” a tī na.

Amā'n, “Hiva hin kā om,” a tī na.

5 # Aph 28:17; Zer 30:21; Kui 7:33 Amā'n, “Hiva mun hi hong dēp nō ro. Na kē nātā na kekok chu khek ro, asik chu nei āndingna mun hi phil anthiang kēng,” a tī na. 6#Aph 24:12; Isa 6:5; Kui 3:13Amā'n, “Koi hi na pā Pathian kā ni, Abraham a Pathian, Isak a Pathian lē Zakob a Pathian kā ni,” a tī na. Mōsī'n a māi a thup a, asik chu amā'n Pathian āen ranga a rathā a tā na.

7 # Kui 7:34 Zehova'n: “Āiguptā-na ka mī āom ngāi ei ānpēngsōm u zia ataktaka ka lei mū na. Amāni āvēngpū ngāi sika ei ānkhēk una ka lei riat a. Asik chu a dūk ei na u ngāi ka riat a. 8#Aph 11:5; 12:7; Atl 13:27; Dān 1:25; Izk 20:6; Kui 7:34Hasikhan Āiguptā mi ngāi kut ātā kei mazōk thei una ranga kei hong chum a ni. Hava ram ātā ram asā lē ram aliana, ranutī lē khuoining ei luongna rama, Kanān mi ngāi lē Het mi ngāi lē Amor mi ngāi lē Periz mi ngāi lē Hiv mi ngāi lē Zebus mi ngāi omna muna, a ruoi ranga kei hong chum a ni. 9#Atl 10:9Hasikhan atun chu, entā, Israel nāi ngāi ei chap una ka kōm a hong ātung a. Āigupta mi ngāiin pēngsōmna lē ei pēngsōm una um ka lei mū na. 10#Aph 15:13; Dān 4:20; Zos 24:5; 1Sa 12:6, 8; 1Rē 8:16; Sām 105:26; Mik 6:4; Kui 7:34Hong ro, ka mī Israel nāi ngāi chu Āiguptā nātā nei hong ruoina ranga, Faro kōma na tīr ka ting,” a tī na. 11#Rui 6:15; Zer 1:6Tenchu Mōsī'n Pathian kōma, “Tū mo kā ni Faro kōma asēna, Israel nāi ngāi Āiguptā nāta a hong āruoi rang?” a tī na. 12#Aph 26:3; Atl 26:10; Zos 2:12; Rui 6:17; Sām 86:17; Isa 7:14; Rōm 8:31Amā'n, “Na bila om ngēt ka ting. Kei na tīr kēng tī nei riatna rang, hiva hi sinsiana nī'n ti: Āiguptā nāta mi ngāi na hong ruoi tikle han, hiva muolpuia Pathian dorbō lā dom na ti,” a tī na.

Pathianin a Raming a Puong

13 # Aph 32:29 Mōsī'n Pathian kōma, “Ataktaka, Israel nāi ngāi kōma kā sē tikle han, a kōm u na, ‘Na pā ngāi Pathianin na kōm una ei na hong tīr a ni,’ va ti ka ting, hatuka amānī'n ka kōma, ‘Hong mo a raming?’ na ti u sela. Hong mo kei ti u rang?” a tī na. 14#Zn 8:58; Heb 13:8; Anl 1:8Pathianin Mōsi kōma, “ĀOMPŪ#3:14 ĀOMPŪ: Hiva chongkam hi ariat antak a ni. Ama chu ei phutna bui ānlon chian ei tina a ni. CHU KĀ NI,” a tī na. Amā'n, “Hantin han nangin Israel nāi ngāi kōma nei ti rang chu, ‘ĀOMPŪ'n na kōm una ei na hong tīr a ni,’ ” a tī na. 15#Aph 31:42; Sām 45:17; Isa 42:8; Zer 16:21; Dnl 2:23; Hos 12:5Pathianin Mōsi kōma a ti rēt a, “Nangin Israel nāi ngāi kōma, ‘Zehova na pā u ngāi Pathian, Abraham a Pathian, Isak a Pathian lē Zakob a Pathianin na kōm una ei na hong tīr a ni. Hiva hi tāituona ka raming a ni, hiva hi akhūk akhūka koi nei na riattit una rang a ni,’ ti ro. 16#Lev 4:15; Atl 11:16; Dān 5:23; Chn 31:23; Izk 8:11Sē tān Israel pātar ngāi chu va manbūm ro, amāni kōma, ‘Zehova na pā u ngāi Pathian, Abraham, Isak lē Zakob a Pathian chu ka kōma a hong anlang a, “Ka na hong kiavāng ngēt u na, Āiguptā-na na chung una ānthō ngāi ka mū na. 17#Aph 15:16; Ant 3:8Āiguptā anpēngsōmna nātā, Kanān mi ngāi, Het mi ngāi, Amor mi ngāi, Periz mi ngāi, Hiv mi ngāi lē Zebus mi ngāi rama, ranutī le khuoiningtī ei luongna rama, na hong ruoi u ka ting,” a tī na,’ ti ro. 18#Aph 14:13; 30:36; Atl 23:4, 16Hatuka na hē lei poisak u'n ti. Nang lē Israel a pātar ngāi chu Āiguptā rēng Faro kōma sē u tānla, nangnī'n a kōma, ‘Zehova Hebrāi ngāi Pathianin a na hong āntongpui a. Atun chu, lungkhama, mibuirama nīnthum sēna lama, Zehova na Pathian kōma dāli dar ranga na mansē ro,’ va ti u ro. 19#Atl 14:11; Dān 4:34; Neh 9:10; Isa 41:10; Zer 21:5; 32:20; Dnl 9:15; Mik 7:15; Kui 7:36Tenchu kut rāttak le ngal Āiguptā rēngin ei na mansē u nōk rang hi ka riat a. 20#Dān 4:34, 37; 2Rē 17:36; 2Kh 6:32; Zer 32:20; Mik 7:15; Kui 7:36Ka kut hong phar ka tinga, Āiguptā chu ka boidongkhap sin le han razīk ka ting, hiva hi a kār una thō ka ting. Hava suole han amā'n na mansē u'n ti. 21#Aph 39:21; 1Rē 8:50; 2Kh 30:9; Neh 1:11; Chn 16:7; Zer 42:12Hiva mipui ngāi hi Āiguptā mi ngāi mitmūna lungkham manruoi u ka ting. Hintin hin ni in tia, nā sē u tikle chu, kut koronga sē u nō ta ni. 22#Aph 15:14; Ezr 1:4, 6; Zōb 27:16-17; Izk 29:10; 39:10Tenchu nupang ngāi dōrā'n a inkōlmī, a in kōla om ngāi chu sumrū raliang, rāngkachak raliang lē puon raliang ngāi chu zong u sela. Hava ngāi ha na nāipasal ngāi lē na nāinupang ngāi manthō u ro. Hantin han Āiguptā mi ngāi chu rūn u na ti.”

Currently Selected:

Anthokna 3: RNL

Highlight

Copy