Anthokna 4

Mōsi a Nōntāk ngāi

1Mōsī'n a masang a, “Tenchu amānī'n na lei iam u nō ni, ka hē um na lei rangāi u nō ni. Amānī'n, ‘Zehova chu na kōma hong anlang mak,’ ti u'n ti,” a tī na.

2 # Aph 38:18; Atl 17:2; Zos 8:18; Rui 6:21; 1Sa 14:27; 2Rē 4:29 Zehova'n a kōma, “Na kuta hong mo ā om ha?” a tī na. Amā'n, “Sunrol,” a tī na. 3#Ant 7:10-12Amā'n, “Phila dēng ro,” a tī na. Amā'n phila a dēng a, hava ha marūl a hong āchang a. Mōsi chu hava nātā a rot a. 4Hatuka Zehova'n Mōsi kōma, “Na kut le va bān tānla, a ramoia va lāk ro,” a tī na. A kut le han a bān a, a va lāk a, a kuta sunrol a chang rēt a. 5#Ant 3:6, 15“Zehova a pā u ngāi Pathian, Abraham a Pathian, Isak a Pathian lē Zakob a Pathian chu na kōma a hong anlang tī a lei iam thei una rang, hiva hi thō ro,” a tī na. 6#Lev 13:2, 11; Atl 12:10; Dān 24:9; 2Rē 5:1, 27; 2Kh 26:21Zehova'n a kōma, “Na kut chu na rōpsuoma raliang sūnga siak ro,” a ti rēt a. A kut chu a rōpsuoma raliang sūnga a siak a, a kut a hong rasuo le chu, entā, a kut chu sūmtang anga alang a, a phār a. 7#2Rē 5:14; Mt 8:3; Lk 17:12-14Amā'n, “Na kut chu na rōpsuoma raliang sūnga siak rēt ro,” a tī na. A rōpsuoma raliang sūnga a kut chu a siak rēt a, a rōpsuoma raliang ātā a rasuo na, entā, a taksā atei ngāi anga a hong ānī rēt a. 8#Rui 6:17; 1Rē 13:3; Isa 7:14; Zer 44:29“A na iam u nōk anten, sinsiana mānsāna chong chu a lei rangāi u nōk ten, nukhōna sinsiana chong chu lei iam thei u bō ni. 9Tenchu hiva sinsiana anni ngal a lei iam u nōka, na hē um a lei rangāi u nōk ten, Nail tidunga tī chu lāk tānla, phil achāra lei ro. Tidunga tī nei va lāk chu phil achāra thisen hong chang in ti,” a tī na.

10Mōsī'n Zehova kōma, “O ka Puma, mān len ātā koi hi chongmī ni mak ung a, atuna na suok nei chongpui tenpei a. Tenchu koi hi ka chong ān-ak lē ka malei anvol a ni,” a tī na.

11 # Sām 94:9; Mt 11:5; Lk 1:20, 64; Zn 10:21 Zehova'n a kōma, “Miring bāi hi tū mo a sin? Ole chongkului, kuorsēt, mitvār lē mitchō hi tū mo a sin? Koi Zehova hi ni mak mo? 12#Atl 23:5; Dān 18:15, 18; Isa 50:4; Zer 1:9; Mt 10:19-20; Mk 13:11; Lk 12:12Hasikhan atun chu, sē ro, na mūr bila om ka ting, nei ril rang chu na manchū ka ting,” a tī na. 13#Zon 1:1-3Tenchu amā'n, “O ka Puma, lungkhama atei nei zōt tak mansē ro ba,” a tī na. 14#Ant 4:27; Atl 11:1, 10, 33; Dān 7:25; Zos 7:1; Zōb 17:8Hankēng Zehova taksina chu Mōsi a chunga a lum a, a kōma: “Levi mī Aron hi na paruol ni mak mo? Ama hi chong athei ka riat a. Entā, amā'm nang anā'n tongpui rang a hong. A na hong mū le, a malung rāisān in ti. 15#Atl 23:5, 12, 16; Dān 18:18; Zos 1:8; Isa 51:16; Zer 1:9Nangin ama chu chongpui tānla, a mūra chong ngāi tū ro. Na mūra lē a mūra om ka ting, imo nei thō rang na manchū ka ting. 16#Atl 33:1; Sām 77:20; Zer 15:19; Mik 6:4Ama chu nang na ranga mipui kōma chong arilpū chang in ti. Ama len hi nang na mūr anga chang in ti, nang chu ama ranga Pathian ang ni na ti. 17#Atl 14:11; Dān 4:34; Sām 74:9Nangin hiva sunrol hi na kuta chōi tānla, hava le han sinsiana sin ngāi thō na ti,” a tī na.

Mōsi Āiguptā-na a Kīr Rēt

18Hankēng Mōsi chu a sē na, a tarpū Zethro kōma a kīr rēt a, a kōma, “Lungkhama Āiguptā-na āom ka paruol ngāi kōma kīr rēta sē ka ting, a lā dam ngal chu u mo va en ka ting,” a tī na. Zethro'n Mōsi kōma, “Phūkdāia sē ro,” a tī na. 19#Mt 2:20Midian-a Zehova'n Mōsi kōma, “Sē tānla, Āiguptā-na va kīr rēt ro. Nang nei damna anā lāk zōt ngāi dōra a thi kiar suo u zei,” a tī na. 20#Ant 4:17; 17:9; 18:3-4; Kui 7:29Mōsī'n a thāinū lē a nāipasal ngāi a tuong a, sakuorpar chunga a manchuong a, Āigupta rama a kīr rēt u na. Mōsī'n Pathian sunrol chu a kuta a chōi a.

21 # Dān 2:30; Zos 11:20; 1Sa 6:6; Sām 105:25; Isa 6:10; Zn 12:40; Rōm 9:18 Zehova'n Mōsi kōma, “Āiguptā-na nā sē rēt tikle, na kuta tichangbui sinthōna kei na pēk ngāi dōra ha Faro makunga va thō ro. Tenchu a malung mankhir ka tia, hasikhan amā'n mi ngāi chu mansē nō ni. 22#Aph 10:15; Dān 32:6; Isa 9:6; Zer 3:19; Hos 11:1; Mal 2:10; Rōm 9:4; 2Ko 6:18Nangin Faro kōma, ‘Zehova'n hintin hin a ti: “Israel hi ka nāipasal, ka nāirapā a ni. 23#Aph 49:3; Atl 8:17; Sām 78:51Hasikhan na kōma, ka nāipasal mansē ro, ka dorbō ei ādom theina rang. Tenchu āsē ranga na phal nōk ten, entā, na nāipasal, na nāirapā chu that ka ting,” ’ ti ro,” a tī na.

Mōsi Nāipasal Sertanna

24 # Atl 22:22 Lampuia hintin hin a nī na, ei riak una muna, Zehova'n a hong āntongpui a, amā'n āthat rang a val a. 25#Aph 17:14; Zos 5:2-3Zipora'n lung angei a lāk a, a nāipasal servun chu a tan a, Mōsi a kē a mantōn a. Amā'n, “Ataktaka nang hi ka ranga thisena ka tangsā nā ni!” a tī na. 26Zehova'n ama chu a mansē na. Amā'n, ser nei āntan sika, “Thisena tangsā nā ni!” a tī na.

Zehova'n Aron ei Chongpuina

27 # Aph 27:27; Ant 3:1; 18:5; 24:13 Zehova'n Aron kōma, “Mibuirama Mōsi antongpui rang sē ro,” a tī na. Pathian muolpuia Aron chu a sē na, Mōsi antongpui a, ama chu a tum a. 28Mōsī'n, ama ātīrpū Zehova chong ngāi dōra lē amā'n chong ei pēk sinsiana dōra chu Aron kōma a ril a. 29Mōsi lē Aron chu Israel nāi ngāi pātar dōra chu a va būm u na. 30Mōsi a kōma Zehova'n ei ril dōra chu, Aron-in a ril kiar a. Mipui makunga sinsiana ngāi chu a thō na. 31#Aph 16:11; 24:26; 1Kh 29:20Hankēng mi ngāiin a iam u na. Zehova'n Israel nāi ngāi ei hong kiavāng tī lē ei āntak una Zehova'n ei mūpē tī, a lei riat u le chu, amānī'n anbūna ā mōk u na.

Currently Selected:

Anthokna 4: RNL

Highlight

Copy