Anthokna 2

Mōsi ei Ānzirna

1 # Aph 29:34; Atl 26:59 Levi insūngkuo pasal khat a sē na, Levi nāinupang chu a nungāka a va lāk a. 2#Aph 39:6; Heb 11:23Nupang chu anrāi a, nāipasal a hong mazir a. Amā'n nāitē mēlsā kēng tīna a hong mu le chu, amā'n thānthum a thup a. 3#Aph 6:14; 41:2; Zōb 8:11; Isa 18:2; Kui 7:21Amā'n ei thup suo lāi nōk sika, ama ranga phāiphēng rakuong a lāk a, hava ha hāngnāt lē thingnāi le han ā pelē na. Hava han nāitē chu a rē na, tidung kama phāiruong bila a siak a. 4A sarnū chu a chunga imo ei ni rang, ti āriat ranga rāla a lei ānding a. 5Hatuka Faro nāinupang chu tidunga tīnbuol rang a hong āchum a. A suok nungāk ngāi chu Nail tidung kōla kal a chōi u na. Rakuong chu phāiruong bila a va mu le chu, a suoknū chu avā lāk rang a tīr a. 6Hava ha a malong le chu, nāitē chu a mū na, entā, nāitē chu a chap a. Riangvāi a mū na, “Hiva hi Hebrāi nāi ngāi bila angkhat kēng,” a tī na. 7Hatuka a sarnū'n Faro nāinupang kōma, “Hebrāi nāitenu ngāi bil ātā ranutī āpēk ranga na va kuipē ning mo, nang na ranga hiva nāitē ranutī anā pēkpē ranga?” a tī na. 8Faro nāinupangin a kōma, “Sē ro,” a tī na. Hankēng hava nungāk chu a sē na, nāitē a nū chu a va kui a. 9Hatuka Faro nāinupangin a kōma, “Hiva nāitē hi tuong tānla, ka ranga ranutī na va pēkpē ro, na lō na pēk ka ting,” a tī na. Hankēng nāitenū'n nāitē a ruoi a, ranutī a pēk a. 10#1Sa 1:20; 2Sa 22:17; Kui 7:21Nāitē chu a hong ālian a, ama chu Faro nāinupang kōma a hong ruoi a, a nāipasal a hong āchang a. A raming chu Mōsi#2:10 Mōsi: “Tī nātā akeia ānsuok” tīna a ni. a phuo na, “Ama hi tī nātā kei rasuo ei ni sika,” a tī na.

Mōsī'n Āiguptā Mī ei Thatna

11 # Kui 7:23; Heb 11:24-26 Hava lāi han hintin hin a nī na, Mōsi bārī a tung le chu, a paruol ngāi kōma a sē na, a lupuok u ngāi a va mū na. Āigupta mī khatin a paruol Hebrāi mī ha a zēm lāi han a mū na. 12Asīr apang a en a, amā'n tūtē ei mū nōk sika, Āigupta mī chu a that a, siatsāia a phūm a, a thup a. 13#Kui 7:26-28Ni anni changnāna a sē rēt le chu, entā, Hebrāi mī anni anzēm u na. Ādiknōkpū kōma, “Hong sika mo na lōmpā chu nei zēm?” a tī na. 14#Aph 13:8; Kui 7:27-28Amā'n, “Tū mo koini chunga miliana lē ruirilpūna a nā phun? Āigupta mī nei that anga koi um anā that ranga nei na val mo?” a tī na.

Mōsī'n ā chī na, “Ataktaka hiva rui hi anriat kēng anzei hile!” a tī na. 15#Aph 31:21; Heb 11:27Hava ruia Faro'n a hong riat le chu, Mōsi āthat ranga ā rok a. Tenchu Faro makung ātā arota a sē na, Midian rama ommun a khuor a. Ama chu tikhur kōla ansut a.

16 # Aph 24:11; 30:38 Midian-a chāizūngin nāinupang sari a dōn a. Amāni chu tī a hong luok u na, a pā u beraruol ngāi ei nēk u rang tī chu burakuonga amānī'n a hong manbit u na. 17#Aph 29:3, 10; 1Sa 30:8; Sām 31:2Berapū ngāi a hong u na, a hong not u na. Mōsi chu anthui a, amāni chu a va san a, a beraruol u ngāi tī a pēk a. 18#Atl 10:29A pā u Reuel kōma a hong āsuok u le chu, amā'n, “Avian le hong sika mo nei hong ānrap sabak u?” a tī na.

19Amānī'n, “Āigupta mī khatin berapū ngāi kut ātā a na hong mazōk a. Amā'n koini rang tī hā'm a na luokpē na, beraruol ngāi tī a mannēk a,” a ti u na.

20 # Aph 31:54 A nāinupang ngāi kōma, “Hon tiang mo ama chu ei om? Hong sika mo hā mī chu nei māk u? Nēksāk āsāk ranga ama chu va pāi u ro,” a tī na. 21#Atl 12:1Mōsi chu hava mī bila om chu asā a tī na. A nāinupang Zipora chu Mōsi a pēk a. 22#Aph 23:4; Rui 18:30; Heb 11:13Amā'n nāipasal a nei a. A raming chu Gerson a phuo na, asik chu amā'n, “Koi hi mī rama khuol ka lei hong nī na,” a tī na.

Pathianin Israel Ngāi Ānkūina a Riat

23 # Atl 20:15-16; Dān 26:7 Nikhuo sōtpā suona Āiguptā rēng chu a hong āthī na. Israel nāi ngāi suoka ei om u sika ankūia ankhēk u na. Suok ei ni u nātā ei ānkhēk una chu Pathian kōm a hong ātung a. 24#Aph 8:1; 9:15Hankēng ei ānkūi una Pathianin a riat a, Pathianin Abraham, Isak lē Zakob ngāi lē a dānkhit ha anthei a. 25#Lk 1:25; Kui 7:34Pathianin Israel nāi ngāi chu a thīr a, Pathianin amāni chu a poisak a.

Currently Selected:

Anthokna 2: RNL

Highlight

Copy