Popular Bible Verses from Anthokna 2

Share

Hankēng ei ānkūi una Pathianin a riat a, Pathianin Abraham, Isak lē Zakob ngāi lē a dānkhit ha anthei a. Pathianin Israel nāi ngāi chu a thīr a, Pathianin amāni chu a poisak a.

Nikhuo sōtpā suona Āiguptā rēng chu a hong āthī na. Israel nāi ngāi suoka ei om u sika ankūia ankhēk u na. Suok ei ni u nātā ei ānkhēk una chu Pathian kōm a hong ātung a.

Nāitē chu a hong ālian a, ama chu Faro nāinupang kōma a hong ruoi a, a nāipasal a hong āchang a. A raming chu Mōsi a phuo na, “Ama hi tī nātā kei rasuo ei ni sika,” a tī na.

Hatuka Faro nāinupangin a kōma, “Hiva nāitē hi tuong tānla, ka ranga ranutī na va pēkpē ro, na lō na pēk ka ting,” a tī na. Hankēng nāitenū'n nāitē a ruoi a, ranutī a pēk a.

Hatuka Faro nāinupang chu tidunga tīnbuol rang a hong āchum a. A suok nungāk ngāi chu Nail tidung kōla kal a chōi u na. Rakuong chu phāiruong bila a va mu le chu, a suoknū chu avā lāk rang a tīr a.

Hava lāi han hintin hin a nī na, Mōsi bārī a tung le chu, a paruol ngāi kōma a sē na, a lupuok u ngāi a va mū na. Āigupta mī khatin a paruol Hebrāi mī ha a zēm lāi han a mū na. Asīr apang a en a, amā'n tūtē ei mū nōk sika, Āigupta mī chu a that a, siatsāia a phūm a, a thup a.