Esther 5
5
Esther a Pānta Mansūk
1 #
Chn 21:1
Hatuka hintin hin a nī na, nī anthum changnāna Esther chu a rēng raliang le han anlianga rēng-in asūnga tuomāia a vā'n ding a. In lūtna maton asonga, rēng chu a rēng-in chōmphānga ansut a. 2#Est 4:11; Chn 21:1Hintin hin a ni, rēngin rēngnū Esther chu tuomāia ei ānding a mū na, ditbingna a chang. Hasikhan rēngin a kuta rāngkachak rēngsunrol ei lek chu Esther tiang a lāng a. Hankēng Esther-in a kōla a va pan a, rēngsunrol mēr a va tōn na. 3#Est 7:2; Mk 6:23Rēngin a kōma: “Rēngnū Esther, hong mo nei zōt? Hong mo nei zong? Ka rēngram ānbāk tenpei anpēka om na ti!” a tī na. 4Hatuka Esther-in: “Rēngin asa a ti ten, aviana nēkna pāntā ama ranga kei mansūkna hin, rēng lē Haman na hongpē u ro ba,” tīna a masang a. 5Hankēng rēngin, “Esther-in ei tī anga ei thōna ranga, Haman chu hong ruoi lilīp u ro,” a tī na. Hatuka rēng lē Haman chu Esther-in nēkna pāntā ei mansūka han a sē u na. 6#Est 9:12; Mk 6:23Hatuka zū nēkna pāntāna rēngin Esther a kōma: “Imo nei zong? Hava ha na ranga anphal in ti. Hong mo na niai thō? Ka rēngram ānbāk tenpei ngal na ranga anphal in ti,” a tī na. 7Hatuka Esther-in a masang a, “Hiva hi kei zong lē ka niai thō chu a ni. 8Rēng mitmūna ditbingna ka man ten, kei na zongna na phal anten lē niai kei na thō hi bārī na mantung ten, rēng lē Haman ngāi ranga nēkna pāntā kei mansūk ranga hin, na hongpē u rase. Hatuka rēngin ei tī anga, nangtūk thō ka ting,” a tī na.
Mordekai Thatna Ranga Haman-in ei Valna
9 #
Est 3:5; Chn 14:17 Haman chu hava nikhuo han rāisāna lē malung aphāmhieia a sē na. Tenchu Haman-in rēng rapalsuokkhār matona Mordekai ei ānding nōk lē ei āchī'm nōk a mū le chu, Haman chu Mordekai a chunga a tak asi sabak a. 10#Est 6:13Hanum ni sela, Haman-in a tak asī chu ansūm zām a, a ina a sē na, hatuka a mal ngāi lē a thāinū Zeres ākui ranga a mansē na. 11#Est 3:1; 7:10; Chn 13:16Haman-in ama ei ānchong sabakna, nāi atam ei dōn rui, rēngin dingmun ansānga ei makhalna ngāi rui dōra, rēng milian ngāi lē a suok ngāi nēka sutmun ansāng ei pēk rui ngāi dōra amāni kōma a ril a. 12#Chn 16:18Hava panga Haman-in ei la ti chu, “Rēngnū Esther-in ama a kut ngēt le ei mansūk bunēkna pāntāna koi rong nōk chu atei tūtē rēng bila ei mathēm om mak a, a tī na. Hatuka nangtūk um rēng bila kei ānkui rēt a ni. 13#Est 3:2Hanum ni sela, Zehudi mī Mordekai chu rēng rapalsuokkhāra ānsut ka mū kār chu hiva ngāi dōra hi ka ranga ītē ni mak,” a tī na. 14#Est 6:4; 7:9Hatuka a thāinū Zeres lē a mal ngāi dōrā'n a kōma, “Ama ōkri kāina ranga muk 50 ānsāng ōkri kāina khat ansin rase. Hatuka Mordekai chu zīnga hava han ōkrī ānkhāi ranga rēng kōma a ril a, hatuka rāisān taka rēng bila han nēkna pāntāna sē ro,” a ti u na. Hava chongin Haman a rāi a mansān a, hatuka ōkri kāina chu a mansin a.
Bible in Ranglong, © Bibles International, the Bible society of Baptist Mid-Missions, 2024.