Esther 4
4
Esther-in Zehudi ngāi ei Sanna
1 #
Ant 11:6; Atl 14:6; 2Sa 13:19; Sām 30:11; Izk 27:30-31 Mordekai-in hava rui ngāi dōra a riat le chu a puon ngāi a thēt a, puontumbū a rasil a, ravut ankhuo na, hatuka khopui malāia a vā suok a. Ama chu ankhēka anring sabaka a chap a. 2#Est 2:19Rēng rapalsuokkhār tenpei a sē na, asik chu puontumbū ansil chunga rēng rapalsuokkhār sūnga tūtē lūt thei mak a. 3Rēng chongpēk lē dāndet ei tungna ramzobāk dōrāna, Zehudi ngāi kāra chapanngūina sabak, angoia, chapchāna lē chārchā alāka a chap u na, mi tamtak chu puontumbū ansila ravut anbuola a zāl u na.
4Hatuka Esther a suoknū ngāi lē a dorbōndompū ngāiin a kōma a hong a, a manthei u na. Rēngnū malung chu a na sabak a. Mordekai a puontumbū rasil ei khek theina ranga, ei rasil rang puon chu a mathuon a. Tenchu amā'n hava ngāi lei pom mak a. 5Esther a dorbōndom ranga ānthang ngāi bila rēng dorbōndompū angkhat Hathak chu Esther-in a kui a. Amā'n Mordekai a ruia hintin hin chong a pēk a, hong mo ei ni lē hong mo asik āriat ranga a tīr a. 6Hatuka Hathak chu Mordekai a kōma khopui kholāi dunga rēng rapalsuokkhār matona a sē na. 7#Est 7:4Mordekai-in ama chu a chunga ei tong dōra a manthei a, Haman-in Zehudi ngāi ei pei biangna ranga rēng sumkoka, sum ei pēk rang abītuk um a manthei a. 8Esther ānmū ranga lē a omzia ngāi āril ranga, Susa-na ānpēk, amāni ānsiat biang ranga dāndet ānziak khat um a pēk a. A mi ngāi ranga rēng kōma asēna, zongandarna lē āngēn ranga lē āril ranga chong a pēk a. 9Hankēng Hathak chu a kīr a, Mordekai a chongkam ngāi chu Esther a va ril a. 10Hatuka Esther-in Hathak a chongpui a, Mordekai a rang chong a pēk a. 11#Est 2:14; 5:2; Dnl 2:9“Rēngin dān khat a dōn a, rēng ei kui nōk pasal mo nupang mo angkhat pei ni rase, rēng insūng rīla a vā lūt tak chu ei ānthat rang. Rēngin a rāngkachak sunrol ei lāng rong pū chu dam in ti, tī hi rēng suok ngāi dōra lē rēng ramzobāk mi ngāi dōrā'n a riat a. Hatuka koi len hi ni 30 rēng kōma āsē rang kei ānkui lāi nōk a ni.”
12Hatuka Esther a chongkam ngāi chu Mordekai a ril u na. 13Esther ānsang ranga Mordekai-in amāni chu a ril a: “Rēng-ina nei oma Zehudi mi atei ngāi nēka nei zōk bīk ranga an-iam nō ro. 14#Aph 45:7; 50:20; Est 9:16, 22; Chp 3:7Hiva huna adāireka na lei om ten, atei ātā Zehudi mi ngāi sanna lē anzōkna chu hong suok in ti. Tenchu nang lē na pā insūngkuo chu anpei u'n na ti. Tū mo a ti thei, hiva anga rēngnū dingmuna na lei om hi hiva huna rang um a ni thei?” a tī na.
15Hankēng Esther-in hiva ansangna hi Mordekai a kōma ānkhīr ranga a ril a: 16#Aph 43:14; 2Kh 20:3; Est 9:31“Sē tānla, Susa khopuia om Zehudi mi ngāi dōra va manbūm ro, ka ranga ngōi u ro, nīnthum, sūn zān sāk um u nō ro buong um u nō ro. Hantin dēn han koi lē ka suoknū ngāiin lei ngōi in ti. Havan tin han dān a ni nōkā'm rēng kōma va lūt ka ting. Kā thi ten, kā thi len zei,” a tī na. 17Esther a chongpēk anga Mordekai chu a sē na, a va thō kiar a.
Bible in Ranglong, © Bibles International, the Bible society of Baptist Mid-Missions, 2024.