Esther 6
6
Rēngin Mordekai Dingmun ei Mansāngna
1 #
Est 2:23; Dnl 2:1; 6:18 Hava zān han rēng chu in thei mak a. Rēng ngāi rachibū avā lāk ranga mī khat antīr a. Hava ngāi ha rēng makunga ansiar a. 2#Est 2:21-23Rēngin suokkhār āngākpū, rēng dorbōndompū anni Bigthana lē Teres ngāiin rēng Ahasveros takchunga kut anlek rang ei val u rui ha, Mordekai-in a lei mantheina rui ha, ānziak a mū na. 3#Chp 9:14-15Hatuka rēngin: “Hiva sika hin Mordekai a chunga hong ānpākna lē anlianna mo anpēk a ni zei?” a tī na. Rēng suok a dorbōndom ngāiin, “Ama ranga ītē lā'n thō mak,” a ti u na. 4Hatuka rēngin, “Tū mo tuomāia āom so?” tīna a rakel a. Mordekai ōkrī ankhāina ranga a sin suona, rēng kōma Mordekai ōkrī ānkhāi ranga āchongpui ranga apanga rēngin tuomāia Haman chu a hong ālūt phing a. 5Rēng suok ngāiin a kōma: “Entā, Haman chu tuomāia anding,” a ti u na. Hatuka Rēngin: “Hong lūt rase,” a tī na. 6Haman chu a hong ālūt a, hatuka rēngin a rakel a, “Rēngin dingmun ansānga ei makhal zōt miring chunga hong mo ei ānthō rang?” a tī na. Haman chu a malunga a lei mandon a: “Rēngin koi ka nēka atei tū mo dingmun ansānga ei makhal zōt rang?” a tī na. 7Hatuka Haman-in rēng kōma hintin hin a masang a, “Rēngin ei mansāng zōt miring chu, 8#Aph 41:42rēngin ei ātiang suona rēng raliang, rēngin a lei chuong suona sakor lē rēnglukhū a lu chunga mathuong anei chu hong ānchōi rase. 9#Aph 41:43Rēngin ei mansāng zōt miring ei tiang rang rēng raliang lē sakor chu rēng milian khīt ngāi bila angkhat kuta anbetōk sela. Hatuka sakor chunga anchuonga om sela khopui lamliana han, ‘Rēngin ei mansāng zōt mī chu hintin hin anthō in ti,’ tīna a matona anpuong tir rase,” a tī na. 10Hatuka rēngin Haman a kōma, “Nei tī anga anrapa rēng kultāi anchuol lē sakor hong chōi tānla, rēng rapalsuokkhār sūnga ānsut Zehudi mī Mordekai a chunga hava ang taka thō ro. Nei ti ngāi dōra angkhattē ngal anthō luia om nō rase,” a tī na. 11#Aph 41:42Haman-in rēng kultāi anchuol lē sakor chu a lāk a, Mordekai chu a manliang a, khopui malāia lamliana anhīlpui u na, a maton tira, “Rēngin ei mansāng zōt mī chu hintin hin anthō in ti,” tīna a puong tīr a.
12 #
2Sa 15:30; Zer 14:3-4 Mordekai chu rēng rapalsuokkhāra a kīr rēt a. Haman chu chapanngūi a, puonlū ankhum a, anrapa a ina a sē na. 13#Est 5:10; 7:7; Sām 57:6; Chn 26:27Haman-in ei tong ngāi dōra chu a nungāk Zeres lē a mal ngāi dōra kōma a ril a. A mi āhian ngāi lē a thāinū Zeres ngāiin a kōma, “Hā mī matona āchul nei phutna Mordekai ha Zehudi mī a ni ten, ama duia mator nō ta ni, tenchu a matona nei chul ngēt rang,” a ti u na.
14Havan tin han ama chu a lā chongpui u lāi han rēng dorbōndompū ngāi chu a hong u na, Esther-in ei mansūk nēkna pāntāna Haman chu anrapa a ruoi u na.
Bible in Ranglong, © Bibles International, the Bible society of Baptist Mid-Missions, 2024.