Esther 3
3
Haman-in Zehudi Ānsiat Ranga ei Valna
1 #
Ant 17:8-16; Atl 24:7; Dān 25:17-19; 1Sa 15:8-9 Hiva ngāi suona rēng Ahasveros-in Agag mī Hamedatha nāipasal Haman chu dingmun ansānga a makhal a, a bila om milian ngāi dōra chunga ama chu sutmun ansāng a pēk a. 2Hatuka rēng suok ngāi rēng rapalsuokkhār sūnga āom ngāi dōrā'n chu Haman lalchi a thō u na, anbūna ā mōk u chachak a. Asik chu havan tin han ei mōk u chachak ranga rēngin chong ei pēk a ni. Tenchu Mordekai-in chu a matona anbupē mak a, ton um mak a. 3#Est 5:9; Dnl 3:12-14Hatuka rēng suok ngāi rēng rapalsuokkhār sūnga āom ngāiin Mordekai kōma, “Ichanga mo rēng a chongpēk nei tel nōk?” a ti u na. 4Havan tin han nikhuontina a kōma a ril babang u nā'm rangāipē mak a. Hasikhan Mordekai chu ankhir mo ankhir mak mo tīna ei riat una ranga Haman kōma a mantheipē u na. Asik chu Mordekai-in Zehudi mī ei ni ha amāni kōma a lei ril suo a ni. 5#Est 2:21Hatuka Mordekai-in a matona anbūna ei ton nōk chu Haman-in a mū na, Haman chu a tak asi sabak a. 6#Est 9:24; Sām 83:4Tenchu Mordekai a chung ronga kut anlang chu annuoia anriat a. Asik chu Mordekai a mi ngāi rui chu a kōma a lei ril suo u a ni. Hanēkten Haman-in Mordekai a mi ngāi Zehudi ngāi dōra Ahasveros a rēngram sūnga āom ngāi āpei zit ranga a val a.
7 #
Lev 16:8; Est 9:19, 24, 26 Rēng Ahasveros a rēng chang kum sōmleianni changna, Nisan thāna, a tha khatna, Haman a matona ni tin lē tha tin, tha sōmleianni Adar tha tenpei Pur (hiva hi semā-enna a ni) a en u na. 8#Ezr 4:15; Zer 29:7; Dnl 6:13; Kui 16:20-21Haman-in rēng Ahasveros kōma, “Na rēngrama ramzobāk sūng dōrana hin mī senkhat chu, mītei kāra anthek raka a om u na. Mī dōra nēka a dān u chu antei a, amānī'n rēng dān um tel u mak a. Hasikhan hiva anga mī āsiak hi rēng ranga āchuk ni mak. 9#Est 7:4Hasikhan rēngin a phal ten, amāni ānsiat zitna ranga dāndet anziaka om rase, hatuka hava sin a thō ngāi ranga koiin sumrū talen 10,000 pēk ka ting. Rēng sumsiakna-ina ei hong riatthei una rang,” a tī na. 10#Aph 41:42Hatuka rēngin a kuta zaketam sīlmōr chu a khek a, Agag mī Hamedatha nāipasal Haman, Zehudi ngāi rāldui kōma a pēk a. 11Rēngin Haman kōma, “Hava sum lē hava mi ngāi ha na kōma ānpēk a ni zei, nangin asa nei tī anga va thō ro,” a tī na.
12 #
Neh 13:24
Hatuka tha khat changna ni sōmleianthum nikhuona, rēng lekhā ānziak ngāi ankuia om u na, Haman a chongpēk ang thapa dāndet chu anziak a, satrap#3:12 satrap: Hiva hi tianlāia Pārsia ramzobāk āoppū ngāi ei kui una a ni. ngāi, ramzobāk tina ramoppū ngāi kōma, nam tin chunga milian ngāi a ramzobāk tin kōma a horop u ang chipa lē nam tin amāni chong chipa lekhā anziak a. Hava chong chu rēng Ahasveros a raminga ānziak lē rēng zaketam sīlmōr anhēm a ni. 13#Ezr 4:6; Est 8:11Hatuka hava lekhamathuon ngāi chu āsempū ngāi amanga rēng ramzobāk tina, Zehudi mī dōra, thuithar, atar, nupang lē nāipang aloma nikhat sūnga tha sōmleianni changna Adar thā, ni sōmleianthum nikhuona āpei ranga, āthat ranga lē ānsāi rīt ranga lē a neinun a sampār u ngāi dōra ārūn kiar ranga lekhā a mathuon u na. 14#Est 8:13Hava lekhā chu dān khat anga ramzobāk tina mipui dōra kōma anpuong sela, hantin han hava nikhuo tika ranga ansina a lei om thei una rang. 15#Est 8:14Āsempū ngāi rēng chongpēk ei man u le anrap sabaka asuoka a sē u na. Hava dāndet chu Susa khopuia tāng a vā hāi u na. Hatuka rēng lē Haman chu zū buong ranga ansut u na, tenchu Susa khopui chu anbuoi u na.
Bible in Ranglong, © Bibles International, the Bible society of Baptist Mid-Missions, 2024.