Kuitīr Ngāi Sinthō 7

Sanhedrin matona Stefen Chong ei Rilna

1Hankēng chāizūng ulian khītin, “Hiva chong ngāi hi adik mo?” a tī na. 2#Aph 11:31; 15:7; Sām 29:3Stefen-in,

“Paruol ngāi lē pā ngāi, koini na pā Abraham, Mesopotamia rama a om lāi han anlianna Pathian a kōma ei hong ānlār a ni. Haran khuona a om māna ei hong ānrāl a ni. 3Pathianin a kōma: ‘Na ram lē na mi ngāi ātā suok tānla, ram kei na la manmūna rang rama son sē ro,’ (Aph 12:1) a tī na. 4Hasikhan Kaldia ngāi ram ātā asuoka Haran khuona ei hong om. A pā chu a thi suole han, Pathianin atuna hiva nei om una rama hin ei hong manlūt a ni. 5#Aph 12:7; 13:15; 15:18; 17:8; 24:7; Heb 11:13Hatuka hiva hin amā'n ram āluo rang pēk mak a, kephā siakna rang ngal pēk mak. Hanum ni sela, Abraham nāi a nei mān han um, ama le a nūka a chi ngāiin ram āluo ranga Pathianin chong ei tin suo a ni. 6#Ant 1:8-11Pathianin a kōma hintin hin a tī na, na chi ngāi chu mī rama khuol chang u'n tia, amānī'n na chi ngāi chu selkeia hong ruoi u'n tia, kum 400 sinsak u'n ti. 7#Ant 3:12‘Tenchu suok ei va chang una rang nam chu koiin a rui la ril ka ting,’ tī chu Pathianin a ti. ‘Hava suole han hong suok u'n tia, hiva muna hin koi na la biak u'n ti,’ (Aph 15:13-14) a tī na. 8#Aph 17:9-14; 21:2-4Hatuka Pathianin a kōma sertanna ruia dān ankhit athar chu a hong pēk a. Hankēng Abraham-in Isak a hong nei a, nī riat nikhuona ser a tan a. Hatuka Isak-in Zakob a hong nei a, Zakob-in sōmleianni chipui ngāi a hong nei a.

9 # Aph 37:4, 11, 28; 39:2, 21, 23; Sām 105:17; Hag 2:4 “Na chipui ngāiin Zosef rang ha khāmaret ei thō u sika Āigupta rama suok āchang ranga a zuor u na. Tenchu Pathianin a ompuia. 10#Aph 41:37-43; Sām 105:20-22Pathianin ei āntakna dōra nātā a mazōk a. Pathianin Faro matona Zosef chu andit ruoina le hianna a pēk a. Faro chu Āigupta rama rēng a ni. Hatuka Faro hān Zosef chu Āiguptā ramoppū le a insūnga a mi dōn ngāi dōra chunga ulian a manchang a. 11#Aph 41:54Hankēng, Āiguptā lē Kanān ram pumpuia han māitām a hong chul a. Antakna lian sabak a hong āsuok a, koini na chipui ngāiin ītē nēk rang man u mak. 12#Aph 42:1-2Tenchu Zakob-in Āigupta rama bu a om tī a riat le chu koini na chipui ngāi a tīr a, a mansē na. Hava ha ei sē una voi khatna a ni. 13#Aph 45:1-4Hatuka voi annina han Zosef chu a paruol ngāi le mēl anriat u na, hatuka Faro'n Zosef insūngkuo mi ngāi chu a riatthei a. 14#Aph 45:9-10; 46:26-27; Ant 1:5; Dān 10:22Hava suole han Zosef-in a pā Zakob lē a insūngkuo mi ngāi dōra a kōma āhong ranga a va manpāi a. Aloma miring 75 a ni u na. 15#Aph 46:5-7; Ant 1:6Hatuka Zakob chu Āigupta rama a sē na. Ama le koini na chipui ngāi dōra a vā thi kiar u na. 16#Aph 23:16-20; Zos 24:32A ruok u ngāi chu Sekem-a a hong chōi u na. Abraham-in Sekem a pā, Hamor nāipasal ngāi kōm ātā sum le ei rachōk thānkhura han a manzāl u na.

17 # Ant 1:7; Sām 105:24 “Hatuka Pathianin Abraham kōma khomāk ansama chong ei tin ha a hong ātung rang anāi zei a. Āigupta rama koini na mi ngāi a vā pung sabak u na. 18Nūka chu Āiguptā-na han Zosef riatlui rēng atei chu a hong ānthui a. 19#Ant 1:10-22Hiva mī'n koini na nam ngāi ei huonga, na chipui ngāi um pēngsōm ei manthō na, nāitesender ngāi um ei dam u nōkna ranga apanga ei va manpei chachak a ni. 20#Ant 2:2; Heb 11:23Hava hunlāi han Mōsi ei hong ānzir a ni. Ama chu Pathian mitmūna andit aruoi sabak a ni. A pā insūnga thānthum bak avāia a dōn thei a. 21#Ant 2:3-10Ama chu apanga a va pei u lāi han, Faro nāinupangin a lei rūt a, a nāipasal ranga a lei vāi a. 22#1Rē 4:30; Isa 19:11Mōsī'n Āigupta mi ngāi hianna tin rēnga anchūna ngāi a pēk a. A chongril le a sinthō ngāi dōra chu anchang sabak a.

23“Hatuka Mōsi chu kum 40 a hong ākāi le a ūnāi, Israel nam ngāi chu avā en ranga a malunga a chui a. 24Hatuka hintin hin a hong ānī zei a, amāni bila mī khat dik sabak luia antak ei tiar a mū le chu a huoi a, hava Āiguptā pasal chu a that a, rathā ei thuon a ni. 25Asik chu Pathianin Mōsi a kut amanga a paruol ngāi chu ei sana ei mazōk ti riatthei u bō ni a tī na ei mandon a ni. Tenchu riatpē thei u mak. 26Hatuka hanūk zīng khuovāra Israel pasal anni ansuol u lāitak a lāi una a hong a, angoina rang a hong thō na, ‘Pasal ngāi, paruol lesa kēng nā ni u, ichang mo nangni lē nangni āsiat nei ānthō u?’ a tī na. 27#Aph 19:9; Atl 16:13Tenchu a Inkōlmī chunga āsiat āthōpū'n Mōsi chu asuk rak a, ‘Koini chunga miliana lē ruirilpūna tū mo a nā phun? 28Mizāna Āigupta mī nei that anga kom anā that ranga nei na val mo?’ (Ant 2:14) a tī na. 29#Ant 2:11-15Hatuka Mōsī'n hava a chong a riat a, Midian rama arota sē na. Hava han khuola mi anga a vā om a, nāipasal anni a vā nei a.

30“Kum 40 a theng suona, Pathian Vānpalāi khat chu Sinai Muolpuia mibuirama, tūk kāra moi achuonga a kōma a hong anlang a. 31#Ant 3:1-4Mōsī'n hava ha a en a, a neinun mu chu a tī na chang riat mak. Anthiang uola āen ranga a va dēp le chu Puma hē a kōma a hong āsuok a, 32‘Koi hi na pā u ngāi Pathian, Abraham a Pathian, Isak a Pathian lē Zakob a Pathian kā ni,’ (Ant 3:6) a tī na. Hatuka Mōsi chu annōk a, en ngam mak a. 33#Ant 3:5; Zos 5:15Hanūk chu Pumā'n a kōma: ‘Na kē nātā na kekok chu khek ro, asik chu nei āndingna mun hi phil anthiang kēng. 34#Ant 3:5, 7-10Āigupta rama ka mi āom ngāi ei āntakzia u chu taktaka ka mū zei a. Hanūk chu ei ānkūi una rahū'm ka riat zei a. Amāni ngāi ānzōk ranga hin kei hong chum a ni. Atun hin hong ta ro, Āigupta rama na tīr ka ti,’ (Ant 3:5, 7-8, 10) a tī na.

35“Hiva Mōsi tak ngēt hi: ‘Koini chunga miliana lē ruirilpūna tū mo a nā phun?’ a tī na ei maniang a, ei pei u ha Pathianin ruoipū lē anzōkpū āchang rit ranga ram achūl kāra a kōma a hong anlang vānpalāiin ei tīr a ni. 36#Ant 12:41; Zn 4:48Mōsī'n Āigupta rama tichangbui sin le sinsiana ngāi a manmū na ei hong masuok a ni. Hanūk chu Tipui Sen le mibuirama kum 40 sūng pei ei hong maruoi a ni. 37Hiva Mōsi ngēt hi a ni, Israel nāi ngāi kōma ei ti: ‘Zehova na Pathianin nangni ranga koi ka anga deari chu na paruol ngāi ātā hong mathui in ti. Ama hē chu rangāi u ro,’ (Dān 18:15) a tī na. 38#Ant 19:17; Dān 32:45-47; Rōm 3:2; Heb 4:12Ama chu mibuirama na chipui ngāi ankhōma a om u lāia amāni ngāi bila a om. Sinai muola vānpalāiin ei chongpui a ni. Ama chu koini ngāi kōma anā'n lōn ranga Pathian kōm ātā dān adam ālākpū a ni. 39#Atl 14:3-4Koini na chipui ngāiin a hē tel u mak, tenchu ei maniang u a ni. Hatuka a malung u ngāi chu Āiguptā tianga dēn ei makhīr rēt u a ni. 40Amānī'n Aron a kōma: ‘Koini na matona āsē ranga Pathian ngāi na sinpē ro, asik chu hiva Mōsi, Āigupta ram ātā a na hong āruoipū chu, imo ei chang a ni zei koinī'n riat lāi mak mē,’ (Ant 32:1) a ti u na. 41#Ant 32:4-6; Anl 9:20Hasikhan hava hunlāi han sarāttē ramīl khat a sin u na, hava ramīl kōma anbōlna ranga dāli ngāi chu a hong dar u na. Amāni a kutsin u ramīl ngāi kōma rāi a mansān u na. 42#Zos 24:20; Isa 63:10; Zer 19:13Hasikhan Pathianin nūksīr a son a, anvāna ārsi ngāi anmōk ranga a betōk a. Asik chu deari ngāi lekhabūna anziak ang taka,

“ ‘O Israel mi ngāi, mibuirama han kum 40 sūng,

Ānthat suo ran lē anbōlna dāli chu ka kōma nei hong dar u mo?

43Hantin han, nangnī'n Molok biakna biakbūk nei chōia,

Na Pathian u Refan ārsi ramīl nei sin u ha nei āmōk u.

Hasikhan Babulon khopui varāla

Selkeia na manruoi u ka ti,’ (Am 5:25-27) a tī na.

44 # Ant 25:8-9, 40; 38:21; Atl 1:50 “Koini na chipui ngāiin mibuirama a riatpuina biakbūk khat a dōn u na, Hava ha Pathianin Mōsi kōma ei manchū le ei manmū ramīl anga aphuozek a ni. 45#Zos 3:14-17; 2Sa 7:2, 6Hava biakbūk ha kēng Zosua a hun tenpeia koini na chipui ngāi kōma a khūk tina ei hong manlōn tir u a ni. David a hun tenpeia Pathianin koini na chipui ngāi matona namtei ngāi ei razūla Zosua le han hiva rama ei hong manlūt una ram ei hong luo thei u a ni. 46#2Sa 7:8-16; 1Rē 8:17David chu Pathian malung zōt taka om mī a ni, amā'n Zakob Pathian omna rang in adet khat āsin ranga a zōt a. 47#1Rē 6:1-38Tenchu Solomon kēng ama omna ranga in asin a ni zei a. 48#1Rē 8:27; 2Kh 2:6; Mk 5:7Hanum ni sela, ansāng khīta om Pathian chu miring kutsina biak-ina om ngāi mak.

49 # Mt 5:34-35 “Hiva hi dearī'n ei tī anga,

‘Pumā'n ei ti, Anvān hi kei ānsutna chōmphāng a ni,

Phil hi ka kephā siakna mun a ni.

Hanle, hong in mo ka ranga nei la sin rang?

Ka pōngansana rang um ni sela hong zāt mun mo ei ni rang?

50Hiva ngāi dōra aloma ka kutin ei sin zit ni mak mo?’ (Isa 66:1-2) a tī na.

51 # Ant 32:9; Dān 10:16; Zer 4:4 “Nangni ruongrūnkhir ngāi, a malung le a kuor sertanlui ngāi! Rathā Ānthiang hi na dui chian u na, asik chu na chipui u ngāiin ei thō u anga nangnī'm nei thō u a ni zei. 52#Mt 5:12; 1Th 2:15Na chipui u ngāiin hova deari ngāi bila mī mo ei sinsak u nōk? Hanūk chu amānī'n Mīnthiang khat āhong rang rui ei ril u ha nangnī'n na lei that u a ni. Hava Mīnthiang tak ha atuna ānsūrpū lē ānthatpū nā ni u zei. 53#Gal 3:19; Heb 2:2Nangni tak hi vānpalāi ngāiin ei manlōn dān āmana zī lui ngāi nā ni u zei,” a tī na.

Stefen Lung ei Āndēngna

54Hiva chong ngāi hi a riat u le chu achālaka a tak asi sabak u na, Stefen a takchunga rakam arial u na. 55#Mk 16:19; Lk 1:15Tenchu hava hun taka han Stefen chu Rathā Ānthianga abita chungvān tiang a tang a, Pathian ei ānlianna lē Pathian chang tianga ānding Isuo chu a mū na. 56#Mt 3:16; 8:20Hatuka amā'n: “En u ta, anvān chu anlonga ka mū zei, hatuka Miring Nāipasal chu Pathian chang tianga andinga ka mū zei,” a tī na. 57Hasikhan a kuor u ngāi a mahīp u na, anring sabaka ankhēk u na, lōko ruolin a va del u na. 58#Lev 24:14, 16; Dān 17:7; Lk 4:29Hatuka khopui ātā a rasuo u na, lung le a va dēng u na. Hatuka āriatpui ngāi dōra chu ruothar khat a raming Saul a kekunga a puon u ngāi a va siak kiar u na. 59#Sām 31:5; Lk 23:46Amānī'n lung le a dēng u lāi han, Stefen chu Puma kōm zār a zong a: “O Puma Isuo, ka rathā chu na lākpē ro,” a tī na. 60#Mt 5:44; 9:24; Lk 22:41Hatuka, mankhūk a bila anringpāna ankhēk: “Puma, hiva mi ngāi ei masial u hi a rang una sūrpē nō ro,” a tī na. Hatuka hava chong a ril suo phingle ama chu ansīng rapa ei thī a ni.

Currently Selected:

Kuitīr Ngāi Sinthō 7: RNL

Highlight

Copy