Kuitīr Ngāi Sinthō 6

Mī Sari ngāi Anthangna

1 # 1Ti 5:3 Hava hun dām lāi han zolāia ālūt hi a pung riam u na. Hasikhan Grik chong āmang Zehudi ngāi chunga Hebrāi chong āmang Zehudi ngāi chu anuor u na. Asik chu anikhuona nēksāk hasō ei dom u chachakna han amāni arōng u ngāi ha poisak u lāi mak. 2#Heb 4:12Hasikhan kuitīr sōmleianni ngāiin aloma zolāi ngāi dōra a kui zit u na: “Koinī'n Pathian chong amāk raka, nēk sāk hasō nei dom chian hi ānhui ni lāi mak. 3#Ant 18:21; Neh 13:13; Lk 1:15Hasikhan ūnāi ngāi, nangni ngāi bil ātā Rathāna ābit le malung avār lē raming anthang, mī sari āthang u ro. Amāni kōma hiva hasōndom azēk ranga betōk in ti. 4Koini chu zārzongna le Pathian chong aril tianga hasōndom ranga malung pēk in ti,” a tī na. 5#Lk 1:15Hiva chong ngāi mipui dōrā'n rāisān taka a pom u na. Hatuka hiva ngāi hi a thang u na: Iamna le Rathā Ānthianga ābit Stefen, hatuka Filip, Prokora, Nikanor, Timon, Parmena lē, Antiok khuona mi Zehudi sākhuona ālūt Nikola a ni. 6#Atl 8:10; Mk 5:23; 1Ti 4:14Hiva ngāi hi kuitīr ngāi makunga a manding u na, hatuka kuitīr ngāiin zār azong suo u le a lu chung una a kut a bāng u na.

7Hatuka Pathian chong chu anthek tira, Zerusalem khopuiā'm zolāi ngāi a pung sabak u zei a. Hanūk chu chāizūng ngāi bilā'm tamtak chu iamna tianga a hong zī u zei a.

Stefen ei Ānsūrna

8 # Zn 4:48 Hatuka Stefen chu iamna le thōtheina ranaka abita. Mi ngāi kōma sinsiana le tichangbui sin alianpa ngāi a thō na. 9#Mt 27:32Tenchu hava lāi han Sinagog-a mi āzōk ānti ngāi lē Kurini khuona mi, Aleksandria khuona mi, hanūk Kilikia rama mi lē Asia rama mī senkhat a hong ānding u na, Stefen chu ankhalpui u na. 10#Lk 21:15Tenchu amā'n ei hianna lē ei chong theina Ratha chu dui thei u lāi mak. 11#1Rē 21:10; Mt 26:59-61Hankēng amānī'n maruka mī senkhat sum le ei mathēm a, ei manti u: “Stefen-in Mōsi lē Pathian siat ei ril na riat,” tīna, a manti u na. 12#Mt 5:22Hatuka amānī'n mipui le Zehudi pātar ngāi le dānmīnchūpū ngāi dōra a mathok u na, Stefen a chunga a hong thō u na, a sūr u na, hatuka ruirilna ansāng kōma aruoi u na. 13#Ant 23:1; Sām 27:12; Mt 24:15Hatuka amānī'n milaka āriatpui ātampā a manding u na. Amānī'n a ti u na: “Hiva mī'n koini nei ānkhōmna hiva in ānthiang le dān siat ei ril hi mong pial mak. 14#Zn 2:19Aman: ‘Hiva Nazaret Isuo'n hiva mun hi ei masiat rang a ti. Mōsī'n rui ei na manlōn ngāi athūl rang a ti,’ a tī na nei riat,” a ti u na. 15#Mt 5:22Hatuka ruirilna ansānga ansut ngāi dōrā'n Stefen a en chian u na, a mēl chu vānpalāi khat mēl anga aphuozeka a mū u na.

Currently Selected:

Kuitīr Ngāi Sinthō 6: RNL

Highlight

Copy