Kuitīr Ngāi Sinthō 19
19
Paul Efesi-na
1Hava lāi han Apolo Korin khuona a om kār han Paul chu mār bial tianga tāng lampuia Efesi khuona a hong ātung a. Hava han zolāi senkhat anmūpui a. 2#Zn 20:22Amā'n a kōm u na, “Na iam u lāi han Rathā Ānthiang mo na chang u zei?” a tī na. Hatuka a kōma amānī'n a masang a: “Rathā Ānthiang ei om ngal ha la riat mak mē,” a ti u na. 3Hatuka Paul-in: “Hanle hong zāt baptisma mo nei lāk u?” a tī na. Amānī'n: “Zohan a kōma baptisma nei lāk,” a ti u na. 4#Mk 1:4; Zn 1:7Paul-in, “Zohan chu malung sīranrimna baptisma le kēng baptisma ei na pēk u chachak. Amā'n mi ngāi kōma han a nūka āhong rang pū hi kēng nei iam u rang a lei ti chachak a. Hava ha Khristā Isuo a ni,” a tī na. 5Hava chong ei riat u le Paul-in Puma Isuo raminga baptisma a pēk a. 6#Mk 16:17Paul-in a chung una a kut a bāng le Rathā Ānthiang chu a hong a, a chung una a chul a. Hatuka riattheilui chonga, Pathian chong chu a ril u na. 7Hava ngāi chu alom una miring sōmleianni a ni u na.
8 #
Mt 3:2
Paul chu sinagog-a a lūt a, thā anthum pei angam sabaka chong a ril chachak a. Pathian ram ruia mī a chongpui a mī ei buta ei manchū chachak a ni. 9Tenchu asen chu a malung ankhir u na, tel zōt u mak, mipui matona Iamna Lampui#19:9 Iamna Lampui: Grika “Lampui” tīna anziak a, Khristian sākhuo ei rilna a ni, “lampui athar” ole “tāituon damna lampui” tīna um anlet thei. rui chu a siat a ril u chachak a. Paul chu ankhāi a, zolāi ngāi abingtēna a ruoi a, anikhuo'n tina Tura-na anchūna ina mī a vā'n khalpui chachak a. 10Havan tin han kum anni pei athenga ei sē a ni. Hava marā chu Asia rama mi āom dōra Zehudi le Grik mi ngāiin Puma Isuo chong chu a riatthei u na.
11Hatuka Pathianin Paul a kut amanga achālaka tichangbui sin lampanga a manthō na. 12Hava sika han ama atak chung ātā puontuidui mo ole kōngkhit mo angkhat pei a na ngāi kōma achōia a va mantōn u ten, ei natna ngāi le hanūk asūnga raluoi ngāi um ei suoka ei sē a ni. 13#Mt 12:27; Mk 9:38Tenchu Zehudi anthot titir mī senkhat dōi athei ngāiin Isuo raming apāi ranga a val u na. Amānī'n a ti u na: “Paul-in a rui ei ril babang Isuo raminga asūng ātā raluoi hong āsuok ranga chong ka na pēk,” a ti u na. 14Hatuka hiva zāt athō chachak a raming Skeva hān nāipasal sari a nei a. Ama hi Zehudi ngāi chāizūng ulian a ni. 15Tenchu raluoiin a kōm una a masang a: “Isuo ka riat a, Paul a rui um ka riat a. Tenchu nangni hi tū mo nā ni u?” a tī na. 16Hatuka raluoi adōn miring ha a chung una a va chuon a. Alom una deltita a zēm a, hankēng hava in ātā sāikoronga āpop lē aliama atāna a suok u na. 17Hankēng Efesi khuona om Zehudi le Grik mi ngāi dōra hava rui chu a riat u na. Alom una anchi chunga Puma Isuo raming chu a mansāng a, a manpāk u. 18A lei āiam ngāi chu a hong u na, ei siat una ngāi lē a sinthō u ngāi chu anpuong u na. 19Dōi athei ngāi tamtakin a lekhabū u ngāi ei hong chōi u na, mipui vāntāng mitmūna a hāl u na. Hava ngāi ha aman a tel u na, sumrū chian 50,000 pei a ni. 20Hava dōr pei arāta Puma chong chu mun tina antheka ei rāt tir a ni.
21 #
Rōm 15:24-25, 28 Hava ngāi dōra ansuo le han Paul-in Makedonia ram lē Akhaia ram ā chīl suole han Zerusalem khopuia āsē rang a masuk a. Hatuka a tī na: “Sovā son ka vā om suole chu Rōm khopui um kei vā thin rang a nāng,” a tī na. 22#Rōm 16:23; 2Ti 4:20Hatuka ama āsan ngāi anni Timothi le Erasta chu Makedonia rama a tīr a. Ama chu Asia rama a lā om sā na.
Efesi-na Anbuoina
23Hava hun dām han Iamna Lampui ruia mi ngāi achālaka anbuoina lianpā a dōn u na. 24Sumrūsutpū angkhat, a raming Demetria'n sumrū le Diana#19:24 Diana: Grik lē Rōm pathiannū a ni. Grika Artemis a ni. tempul ramīl a sin chachak a, kutsinthōtheipū ngāi kōma anlōna ātampā ei pēk chachak a ni. 25Amā'n a sinthōpui ngāi aloma a mankhōm a, a kōm u na: “Ka mi ngāi, hiva sin nei thō una hin sum nei suo nei vānna a ni. 26#Dān 4:28; Sām 115:4; Isa 44:10-20; Zer 10:3-5; 1Ko 8:4; Anl 9:20Tenchu nei mū lē nei riat u kēng hiva Efesi khuona rong ni mak, hiva Paul-in Asia ram pumpuia miring ātampā kōma hin miring kut le ānsin pathian chu Pathian ni mak, ei tī na mi ngāi a manchāng a, a makhīr thak zei hile. 27Hatuka koini na sinthōna raming ei masiat rang duoi ha anchiruo ni mak, tenchu Diana pathian alian khīt tempul um lalchi anthō lāi nō ni. Asia ram pumpui lē ramuol pumpuia mī'n ei āmōk hi ei ānlianna anrapa anpei len in ti. Hava ha kēng anchī om,” a ti u na.
28Hatuka hava chong a riat u na, achālaka a tak asi u na, anruola ankhēk u na: “Efesi mi ngāi, Diana hi kēng ālian khīt,” a ti u na. 29#Rōm 16:23; 1Ko 1:14; Kol 4:10; Flm 1:24Hatuka khuo pumpui reng ha a manbuoi chit u na. Gaia lē Aristarka chu asūra lōkō'n a tānpui u na. Gaia lē Aristarka ha Makedonia rama mi Paul a bila khuol anzin a ni u na. 30Paul chu mipui bila ālūt rang a tī na zolāi ngāiin phal u mak. 31Asia rama milian ngāi bila senkhat chu Paul a mal ngāi a ni u na, a kōma chong a mansē u na, andāina inpui ālūt nōk ranga a va mathēm u na. 32Ankhōmna muna āom ngāi chu achālaka anbuoi u na. Mi tam riei chu ei ānchun u na, asik um riat u mak. Angkhatin angkhat chong a ril a, hantin han a chiar sabak u na. 33Zehudi mi ngāiin Aleksandar chu mipui ngāi ātā maton tiang a tuor u na. Aleksandar-in a kut a zāp a, mipui ngāi kōma a ninga ei ānrung rui āril rang a zōt a. 34Tenchu ama chu Zehudi nam kēng tī a riat u le dārkār anni tāng pei alom una chong khata anruola: “Efesi mi ngāi Diana chu a rōpui,” hava duoi ha a tī na ei ānkhēk chian u a ni.
35Hatuka khopui sūnga lekhānziakpū hān mipui andāina a thō tot suole han: “Efesi mi ngāi, hiva hi tū mo ariat nōk? Diana ramīl lē Zeu ramīl hi anvān ātā āchul tī hi Efesi khuona mi ngāiin ei riat ni u mak mo? Diana ramīl hi ei riat u nōk mo? 36Hava sika han hiva tuk ten annialna zāt om mak, nei dāiriam u rang a ni. Andon luia ītē nei thō u rang hi dān ni mak. 37#Rōm 2:22Hivana mi nei hong ruoi u ngāi hi biak-in anruk ni u mak hile, Pathian siat aril um ni u mak hile. 38Hava sika han Demetria lē a lōm a sinthōpui ngāiin angkhat pei chunga chong āsia a dōn u ten ruirilna in chu anlong ngal a ni, ruiril ulian ngāi um a om u na. 39Hava han na rui u ngāi hong dar u chachak ro. Atei rui aril rang nā dōn u ten, hava anchunna pāngāia rui chat rase. 40Aviana rahū sika hin koinī'm āsel mī'n ei na ti rang hi anchī om. Asik chu ītē abul abāl abui thak a ni. Hivan tina abul abāl abuia nei ānkhōm u na, asik ītē rila manvār thei nō ma ni,” a tī na. 41Havan tin han amā'n chong a ril suole han mipui rahupuia ānchun ngāi chu a manchīn kiar a.
Bible in Ranglong, © Bibles International, the Bible society of Baptist Mid-Missions, 2024.