Kuitīr Ngāi Sinthō 18
18
Paul Korin-a
1 #
1Ko 1:2; 2Ko 1:1, 23; 2Ti 4:20 Hava ngāi dōra ansuo le han Paul chu Athen khuo nātā asuoka, Korin khuona a sē na. 2#Rōm 16:3; 1Ko 16:19; 2Ti 4:19Hatuka Zehudi mī angkhat a raming Akuila chu antongpui a. Ama ha Pontos rama mī a ni. Rēng Klodia'n Zehudi nam dōra Rōm ātā asuok zit ranga chong ei pēk sika a thāinū Priskila le Itali ram ātā Korin khuona a sē phing a lā ni u na. 3#1Ko 4:12; 1Th 2:9; 2Th 3:8Paul-in amāni a vā'n tongpui a, amāni bila a om len a. Amāni a sin a thō zāt dēn ei thō sika amāni bila sin a thō na. Amāni a sinthō u chu puon-in a sin a ni. 4Hatuka Zehudi ngāi sabat nikhuo kipa sinagog-a Zehudi lē Grik mī ei chongpuia āiam ngāi ei buta ei manchū chachak a ni.
5Hatuka Sila le Timothi chu Makedonia ram ātā a hong u na. Paul chu Rathā'n a maruoi a, Isuo hi Khristā a ni ti Zehudi ngāi kōma ei manriat chachak. 6#2Sa 1:16; Izk 3:17-19; 33:4; Mt 10:14Tenchu ama aduia a siat a ril u han Paul chu a puon āthinga, a kōm u na: “Na thisen u phubā chu na lu chung una chul rase koi chu kā'n thiang, atun ātā chu namtei ngāi kōm āsē rang kā ni zei,” a tī na. 7Hankēng Paul ankhōmna in ātā a raming Zusta a tī na mī khat ina a vā lūt a. Ama chu Pathian a biak chachak a ni, a in um sinagog le ānzom thap a ni. 8#Mk 5:22; 1Ko 1:14Hatuka Krispa, sinagog-a ulian, ama le a insūngkuo dōra Puma a iam u na. Korin mi ngāi um a riat u le ei iam u hatuka baptisma a lāk u na. 9#Mt 14:27Zāna anlārna amanga Pumā'n Paul chu, “Ā chi nō ro, chong chu ril chian ro, dāirek nō ro. 10#Mt 28:20Na bibila kā om, āsia anā thō ranga tūtē'n na chunga kut alek nō ni, asik chu hiva khopuia hin mī tampā kā dōn,” a tī na. 11#Heb 4:12Hava sika han Paul hava han amāni bila Pathian chong anchūna kum khat lē thā ruk a om a.
12 #
Rōm 15:26; 1Ko 16:15; 2Ko 9:2; 1Th 1:7-8 Hatuka Galio chu, Akhaia rama ramoppū a chang lāi han Zehudi ngāi chong anruol u na, Paul a chunga ei va rūn u. Ruirilna muna a ruoi u na. 13“Hiva miringin dān nonōka Pathian a biak ranga mi ngāi ei manchāng kēng a ni zei,” a ti u na. 14Paul-in a masang rang vita Galio'n Zehudi ngāi kōma: “Zehudi ngāi, hiva hi masial duoi āthō mo ole āsia lianpā athō sika mo ni sela chu koiin kei na mandonpē ngēt rang a ni. 15Tenchu, chongkamte ngāi sika, ramingte ngāi sika lē nangni na dān u ngāi rui ei ni sika nangnī'n rui va zēk mei u ro. Koi chu hava ang zāt ril zōt mak ung,” a tī na. 16Hatuka amā'n ruirilzōl ātā a masuok kiar a. 17#1Ko 1:1Hatuka Grik mi ngāi alom una ankhōmna ina ulian Sosthenes chu a sūr a, ruirilzōl matona a zēm u na. Galio'n hava ngāi dōra ha ītēna malung pēk mak.
Priskila, Akuila lē Apolo
18 #
Atl 6:2, 5, 18; Lk 2:2; Rōm 16:1 Hatuka Paul Korin khuona, asōt mieia a lā om a. Hava suole han ūnāi ngāi anthānpui ngēia Suria ram tiang rakuonga a sē na. A bila Priskila lē Akuila ngāi um a sē u na. Paul Kenkria khuona a sam a manvūi a. Asik chu Pathian kōma a khomāk ansam ei lenna a ni. 19#1Ko 15:32; Efe 1:1; 1Ti 1:3; Anl 1:11; 2:1Hatuka Efesi khuo a vā tung u na. Hava han amāni anni chu a māk a, Paul chu sinagog-a a lūt a. Zehudi ngāi a chongpui a. 20Amāni bila asōt uola om ranga a mathēm u nam ni sela zōt lāi mak. 21#Rōm 1:10; 1Ko 4:19; Zak 4:15Amāni anthānpui suole han a tī na: “Zerusalem khopuia pāntā āom rang hi kei mang ngēt rang a nāng. Pathian a zōt anten, nangni kōma hong rēt ka ti,” a tī na. Hatuka Efesi khuo nātā rakuonga a sē na.
22Hatuka rakuong ātā Kaisaria khuona a vā chum a, hatuka Zerusalem khopuia a vā kal a, kuibing chu chubai a va thō na. Hava suole han Antiok khuona a sē na. 23Antiok khuo a om tot suole han ei sē rēt a ni. Galatia ram le Frugia ram ā chīl zit a, zolāi ngāi dōra a manchak tir a.
Apolo a Dorbōndomna
24 #
1Ko 1:12; Tit 3:13 Hava lāi han Zehudi angkhat, a raming Apolo, Aleksandria khuona mī chu Efesi khuona a hong a. Ama chu chongril athei sabak lē Pathian chong ariat sabak a ni. 25#Mk 1:4; Rōm 12:11Ama chu Puma lampui ruia mī ei manchū a ni, a malunga ei harna le Puma rui adik taka ei rila ei manchū chachak a ni. Tenchu Zohan a baptisma rui rong ha ei riat a ni. 26Sinagog-a arāng sabaka chong aril ei phut a ni zei a. Hankēng Akuila lē Priskila han a chongril a riat u na, akil uola a ruoi u na. A kōma Pathian lampui rui adik bet uola ei manthiangpē sā u a ni. 27Akhaia rama āsē rang malung avong le ūnāi ngāiin lungngam a sak u na. Ama a lei phām una ranga zolāi ngāi kōma lekhā a maziakpē u na. Hatuka a vā tung le Pathian lungkhamna sika āiam ngāi chu a san sabak a. 28Vāntāng riata Zehudi ngāiin ama chu ankhal ngam om u mak, Pathian lekhabūna chong amanga Isuo hi Khristā a ni tī a manmū na.
Bible in Ranglong, © Bibles International, the Bible society of Baptist Mid-Missions, 2024.