Kuitīr Ngāi Sinthō 17
17
Paul lē Sila Thesalonika-na
1 #
Fil 4:16; 1Th 1:1; 2Th 1:1; 2Ti 4:10 Hatuka Amfipolis khuo lē Apolonia khuo apala ei sē u na, Thesalonika khuo a vā tung u na. Hava han Zehudi ngāi sinagog a om a. 2Paul ei thō babang anga amāni bila a vā lūt a Zehudi ngāi sabat nikhuo anthum chu Pathian Lekhabūna chong ātā achālaka athūnpui u na. 3#Lk 24:26, 46Khristā chu antakna ei tiar rang ei nāngzia lē āthi nātā ei ānthuirēt rang zia ngāi ha ei rila a chong ngāi ei manthiang a: “Hiva Isuo hi Pathian sariak manthi Khristā, ama rui kēng kei na ril u,” a tī na. 4Hatuka amāni bila senkhat chu Pathian a iam u na, Paul lē Sila tianga anchel u na. Pathian andon Grik mī ātampā le nupang raming anthang ātampā a bila a kop u na. 5#Rōm 16:21; 1Th 2:16Tenchu a iam nōk Zehudi ngāiin achān khāmaret athō u na. Anchunzōl mun ātā miruonōk senkhat a ruoi a, mipui ei manbūm u na, khuo pumpuia manbuoi u na, Zason a in rusum a va thō u na, Paul lē Sila ei ravān u. Amāni ha vāntāng matona, aruoi ranga ei val u. 6#Mt 24:14Hatuka amāni anni ngāi chu tok u lāi mak, Zason le ūnāi atei senkhat kēng khuo ulian ngāi kōma ei kei a, ei ruoi u na: “Ramuol pumpui ānlet ānkhup ngāi, ānchokelek le anbuoi chachak ngāi hi hiva munā'm a hong u zei. 7#Lk 23:2; Zn 19:12Hatuka Zason-in ama ina a lei mantung a, hiva ngāi alom u na, Kāisar a ruiril ngāi ādui ei ti u rēng atei khat a lā om, a raming Isuo,” a tī na ankhēk u na. 8Hava chong ngāi a riat u na, mipui lē khuo ulian ngāi achān a manbuoi a. 9Hatuka Zason lē atei ngāi rathūla zābīm anding u na, a mazōk u.
Paul lē Sila Beroia-na
10Hatuka ūnāi ngāiin zān zāna Paul lē Sila chu Beroia khuona a mansē len u na. Hava han a vā tung u le Zehudi ngāi sinagog-a a vā lūt u na. 11#Dān 29:29; Lk 16:29; Zn 5:39Havana mi ngāi chu Thesalonika khuona mi nēka mī a sa uol u a ni. Asik chu malung dōra apēk tataka chong ei pom u a ni a. Paul a chongril chu ei dik le diknōk riatna ranga anikhuo'n tina Pathian Lekhabū ei ānchū u chachak. 12Amāni bila Zehudi mi ātampā'n a hong iam u na. Hanūk chu Grik nupang bila lalchi dōn ngāi le pasal ātampā'n a hong iam u na. 13#Heb 4:12Tenchu Thesalonika khuona Zehudi ngāiin Paul Beroia khuona Pathian chong a ril ti a riat u le sovā son um a sē u na, mipui a va mathok u na, a va manbuoi rēt u na. 14Hatuka chu ūnāi ngāiin tipui lian rakham tenpei Paul chu ānsē ranga a ti pepei u na. Tenchu Sila le Timothi chu hava muna han a om chian u na. 15#1Th 3:1Hatuka Paul chu mi senkhatin Athen khuo tenpei a va ruoi u na. Hanūk chu Sila lē Timothi ei thei tukpei a kōma anrapa āpan ranga chong a māk a, a sē na.
Paul Athen-a
16Paul-in Athen khuona amānī'n a lei ngāk lāi han, khuo sūng chu pathian ramīl le ābit thaka a mū na achān a malung a siat a. 17Hava sika han sinagog-a anikhuo'n tina Zehudi ngāi lē Pathian anchī namtei mi ngāi le han anchunzōl muna a om ei āntongpui ngāi le han ankhal u chachak a. 18Hatuka Epikuria ngāi#17:18 Epikuria ngāi: Amānī'n pathian lē miring ei ānzomna om mak, miring hi atei atāng nēka huina hēkna ei ravān rang tīna a manchū u na. lē Stoik ngāi#17:18 Stoik ngāi: Hiva phom ngāiin Zeno anchūna a zī u na. Amā'n miring hi āsiat mo ole miring chunga ii āhong ātungin a rāi ei mānsān rang mo ole a malung ei manna rang ni mak, a tī na. bila mi, hianna āndit ngāi senkhat chu ama a hong ānkhalpui u na: “Mī senkhatin, hiva chong atamin imo ei ril zōt hi?” a ti u na. “Senkhatin, ram ateia Pathian chong arilpū nī'n ti,” a ti u na. Asik chu Isuo a rui le anthuirētna rui kēng amā'n ei ril chachak a ni. 19#Mk 1:27Ama chu a sūr u na, Areos muola a ruoi u na, “Hiva chong nei ril ngāi hi anchūna thar khat kēng hile, koinī'n le na riatthei mo? 20Boidong neinun senkhat koini ngāi kuora na hong mantung a. Hava sika han hava ngāi omzia ariat rang nā zōt,” a ti u na. 21Athen mi ngāi dōra lē havana āom ramtei mi ngāi dōrā'm, hun anhēr u kippei chong athar aril rang mo anngāi rang mo ei zōt u anga hun ei mang u chachak a ni.
22Paul chu Areos muol malāi taka anding a, “Athen khuona mi ngāi, nangni hi alompeia Pathian andon sabak miring nā ni u tī ka riat a. 23#Zn 4:22Asik chu mun tina kei chei sūng hin Pathian nei biak una neinun ngāi ka mū na. Hava han māichām angkhat ka mū na, a chunga: ‘Riatlui Pathian rang,’ a tī na lung chunga nei maziak u. Hava sika han riatluia nei biakpū u rui ha kei na hong ril u a ni zei. 24#Dān 10:14; 1Rē 8:27; Isa 42:5; 66:1-2; Mt 11:25Hava Pathian ha maniapūr le asūnga neinun a om dōra āsinpū. Ama chu ramuol le anvān Puma ei ni sika miring kut le ansin biak-ina om ngāi mak. 25#Sām 50:10-12; Isa 42:5Miring kut le a dorbōndom um amā'n nāng mak. Ama chu mī dōra aloma damna, phūksānna le aloma a om dōra tūkareng kōma āpēkpū ei ni sika, ītē reng ansama om mak. 26#Dān 32:8; Zōb 12:23Miring angkhat ātā nam tin chi tin hi ramuol pumpuia ei lēng thei una ranga āsinpū a ni. Amāni ei lēng una ranga ahun le ei om una ramrī ei mandanga ei sinpē. 27#Dān 4:7; Isa 55:6; Zer 23:23-24Miringin Puma chu ei ravāna, ei tok thei a, a kut le ei āncham a, ei va huom theina ranga Pathianin ei sin a ni. Hanum ni sela, ama chu koini ngāi ātā ala sabaka om ni mak.
28 #
Dān 30:20; Zōb 12:10; Dnl 5:23 “ ‘Asik chu ama zāra nei dam thei, sīng nei ānsa thei le nei om thei a ni.’
Nangni bila chongsuomadelpū senkhatin,
“ ‘Koinī'm ama nātā asuok kiar kēng nā ni,’ a ti u na.
29 #
Isa 40:18-20; Rōm 1:23 Hava sika Pathian ātā asuok nei ni sika hin Pathian ramīl chu rāngkachak, sumrū ole lung le ānsin miring kutthiam lē malung avāra ei mansūk anga hin nei mandon u rang ni lāi mak. 30#Lk 24:47; Rōm 3:25; Tit 2:11-12; 1Pe 1:14Tianlāi chu Pathianin ei riat u nōkna ngāi ītēna bēpē mak. Tenchu atun hin chu mun tina, mitin kōma ansīrna ranga chong ei pēk a ni zei. 31#Sām 9:8; 96:13; Mt 10:15Asik chu nikhuo angkhat ei ruot a om a, hava nikhuo han a mī ei ruot hān maniapūra mī dōra adika rui la hong ril in ti. Ama ha Pathianin āthi nātā ei mathuia hin mitin kōma ei riatpuina a ni zei,” a tī na.
32Hatuka āthi ngāi anthuirētna rui a riat u le senkhatin: “Hiva rui hi na kōm ātā athara rangāi sā in ti,” a ti u na. 33Hava suole han Paul chu amāni bil ātā a suok a. 34Tenchu mī senkhat mo chu Paul anūk azīna a iam u na. Hava bila senkhat chu Areopagos ruirilphoma#17:34 Areopagos ruirilphom: Athen rama dān lē sākhuo ruia ruirilphom a ni. Areopagos chu Areos muol tīna a ni. mī Dionusia a ni. Hanūk chu nupang angkhat a raming Damaris a ni. Amāni a bil una mi atei ātampā a lā omsā u na.
Bible in Ranglong, © Bibles International, the Bible society of Baptist Mid-Missions, 2024.