Kuitīr Ngāi Sinthō 16
16
Timothi'n Paul lē Sila Nūk a Zī
1 #
1Ko 4:17; 2Ko 1:1, 19; Fil 1:1; 2:19; 1Th 3:2, 6; 1Ti 1:2, 18; 2Ti 1:2, 5-6 Hatuka chu Derbe khuona le Lustra khuo chu a vā tung a. Hatuka, entā, hava han zolāi angkhat a raming Timothi a om a. Ama chu Zehudi nupang a iam khat nāipasal a ni. Tenchu a pā ha chu Grik mī a ni. 2Lustra le Ikonion khuona ūnāi a om ngāiin ama chu ei manpāk sabak u a ni. 3#Gal 2:3Paul-in ama chu a bil una āruoi rang ei zōt sika ser a tanpē na. Asik chu hava muna Zehudi āom ngāi dōrā'n a pā Grik mī a ni tī ei riat u a ni. 4Hatuka khuo tina ei sē balam u na, ei zī u ranga dāndet chu Zerusalem āom kuitīr lē pātar ngāiin a betōk tir u na. 5Hava sika han kuibing āom ngāi chu iamnāna a det tir u na, anikhuo'n tina miring ansōna a pung tir u na.
Makedonia Pāina
6 #
Gal 1:2
Tenchu Rathā Ānthiangin Asia rama chong aril ranga ei khāp sika Frugia le Galatia rama a sē u na. 7#Rōm 8:9; Gal 4:6; Fil 1:19; 1Pe 1:11Hatuka Mūsia rama hong suok u le Bethunia rama āsē rang a val u na. Tenchu Rathā'n#16:7 Rathā: Senkhata chu “Isuo Rathā” tīna anziak a. ālūt ranga phal mak. 8#2Ko 2:12; 2Ti 4:13Hankēng Mūsia ram a khēl u na, Troas khuona a sē u na. 9#Rōm 15:26; 1Ko 16:5; 1Th 1:7-8Zāna Paul a kōma anlārna khat a hong anlāng a. Makedonia mī khat anding a, “Makedonia rama hong tānla, koini na hong san ro,” tīna a mathēm a. 10Hatuka ramang chu a mū suole, Makedonia rama āsē ranga koinī'n nei pūt len a ni. Amāni kōma thangahui a ril a, Pumā'n ei na pāina kēng tī na riat a.
Filipi-na Ludia a Malung ei Ānthūlna
11Hava sika han Troas khuo nātā rakuonga nei suoka, aluong zata Samothrakia muolanlāna nei sē a ni. Zīngkhuovāra Neapolis khuona nei sē rēt a ni zei. 12#Fil 1:1; 1Th 2:2Hatuka hava nātā Filipi khuona nā sē na. Hava khuo ha Makedonia rama khuo lian angkhat a ni. Rōm khuo nātā mi anthot ngāi omna khuo a ni. Hava han nikhuo tampā nā om a. 13Hatuka sabat nikhuona rakul makot pang tianga tidung kōla mī'n zārzongna mun ei ti u na tiang nā sē na. Hatuka nā'n sut a, nupang a hong ānkhōm ngāi kōma chong na ril a. 14#Lk 24:45; Anl 1:11; 2:18, 24Hatuka Thuatira khuona mi, a raming Ludia, puon dumaduk āzuor chachak, Pathian a biak nupang khatin koini chong a rangāi a. Paul a chongril ei pom theina ranga Pumā'n a malung a malongpē na. 15Ama lē a insūngkuo mī dōra baptisma na pēk suona, amā'n, “Nangnī'n Pumāna iamruona na na bē u ten ka ina hong tung u ro,” tīna a na mathēm a. Na mathān pial mak a.
Paul lē Sila Ankhumna-ina ei Ānkhum una
16 #
Dān 18:11; 1Sa 28:3, 7 Hatuka hintin hin a nī na, zārzongna muna na pan lāi han, suok nūngāktē khat hi dōi āen thei ratha sanōkin ei sūr ha na va mū na. Amā'n rāvānentheina lē a puma ngāi rang sum ātampā ei manpui chachak a ni. 17#Mk 5:7Hiva nupangin Paul lē koini ngāi na loma na nūk a hong zī na: “Hiva damna lampui koini kōma anā ril ngāi hi, Ānsāng Khīt Pathian suok u kēng,” a tī na ankhēk a. 18#Mk 16:17Hantin han nikhuo asōtpā a ti babanga. Hatuka Paul chu a malung diar lāi mak, raluoi tiang anhoia: “Isuo Khristā raminga asūng ātā a hong āsuok ranga chong ka na pēk,” a tī na. Hatuka raluoiin a mathān len a.
19 #
Zak 2:6
Tenchu, a puma ngāiin asum man una ranga asa dōra anpei zit zei ti a riat u le, Paul lē Sila chu a kuta a sūr u na, ruiril ulian ngāi makunga āruoi ranga anchunzōl muna a kei u na. 20Hatuka rui aril ulian ngāi kōma a ruoi u na: “Hiva mi ngāi hi Zehudi nam a ni u na. Koini na khuo hi achān ei na hong manpōn sabak u kēng a ni zei. 21#Est 3:8Koinī'n hong zazāt dān mo nei pom nōk lē nei nāng nōk ngāi ei hong ril u a ni. Asik chu koini hi Rōm mī kēng nā ni,” a ti u na. 22#2Ko 11:25; 1Th 2:2Mipui ngāi chu Paul lē Sila aduia anthui u na. Ruirilpū ulian ngāiin a puon u ngāi a thētpē u na, sunrol le āzēm ranga chong a pēk u na. 23Achālaka azēm suo u le ankhumna-ina a va khum rap u na, hatuka ārungpū kōma asadima arung ranga chong a pēk u na. 24#Zōb 13:27; Zer 20:2-3Hava dōr pei chong ei pēk u sika amā'n ankhumna-ina intepep sūnga a va khum rapa a kē una keōkna thingpēk a manbun u na.
Filipi Ankhumna-in Ārungpū Malung ei Ānthūlna
25 #
Sām 119:55, 62; Efe 5:19 Tenchu zānchima Paul lē Sila Pathian kōma zār azong u na, la athō u na, ankhum ngāiin a rangāi chian u na. 26Hatuka anlāiseka nīnū ānrikpā a hong a, ankhumna-in ei ānsutna lung ngāi chu annīk a, suokkhār dōra anlong zit lena, hatuka zīngzir ānbun ngāi dōra ankhēk zit a. 27Hava ankhumna-in ārungpū chu a in ātā anthuia ankhumna-ina suokkhār dōra anlonga a mū na, ankhum ngāi dōra ārot kēng a ni u zei tī ei mandon sika a khendāi āphōia atheia ānthat rang a thō na. 28Tenchu Paul anringpāna ankhēk a: “Na thetheia ītē ansiatna thō nō ro. Asik chu koini na loma hin na la om kiar hile,” a tī na. 29Hatuka ankhumna-in ārungpū chu anēlna a hong āchōi ranga a ril a, atān chiana a vā lūt a. Anchī le annōk chunga Paul lē Sila a kekunga a vā'n bok a. 30Hatuka amāni rang ha tuolpanga a ruoi a: “Ka pū ngāi, sandamna kei mantheina rang imo kei thō a nāng?” a tī na. 31#Zn 3:15; Rōm 11:14Hatuka, amānī'n: “Puma Isuo Khristā iam ro, Pathianin nang lē na insūng mī dōra aloma sandama om in ti,” a tī na. 32Hatuka ama lē a insūng mī dōra kōma Puma chong a ril u na. 33Hava zāna hun lena han aruoia ei zēm una manū ngāi chu a rathialpē u na, hatuka ama lē a insūng mī dōra baptisma a pēk len u na. 34Hatuka ina a ruoi u na, nēksāk a mansūkpē u na. Pathian ei iam u sika ama a insūng mī dōra chu achān a rāi asān u na.
35Hatuka sūn a hong āsuok le han rui aril ulian ngāiin: “Hava mi ngāi ha mazōk u ta ro,” a tī na mīsūr ulian ngāi a tīr u na. 36Hava ankhumna-in ārungpū'n Paul a kōma a chongril u ngāi a mantung a: “Rui aril ulian ngāiin a nā'n zōk u ranga mī ei hong tīr u kēng a ni zei. Hava sika han atun suok u tānla, phūkdāiriama sē u ro,” a tī na. 37Tenchu, Paul mīsūr ulian ngāi kōma: “Nei satna lē nei sat nōkna ītē riat bak luia lōko vāntāng mitmūna ei na manzēm a, lung ina ei na mankhum u. Koini hi Rōm mī kēng nā ni. Atun maruka ei na tuora ei na mazōk u rang mo? Hiva hi ni thei nō ni. Amāni apum ngēt hong u sela na hong mazōk u rase,” a tī na. 38Hatuka mīsūr ulian ngāiin hava chong ngāi ha ruiril ulian ngāi kōm a va ril u na. Rōm mī kēng nā ni ti a riat u le a rathāta u zei a. 39#Mt 8:34; Lk 8:37Hatuka a sē u na, a va mathēm u na. Hankēng a hong ruoi u na, “Khuo nātā asuoka na sēpē zām u ta ro,” a ti u na. 40Paul lē Sila ankhumna-in ātā a hong āsuoka Ludia ina a sē u na. Ūnāi ngāi antongpui u na, lungngam a sak u na, hatuka asuoka ei sē u a ni zei.
Bible in Ranglong, © Bibles International, the Bible society of Baptist Mid-Missions, 2024.