Kuitīr Ngāi Sinthō 14
14
Ikonion-a Paul lē Barnaba
1Hatuka Ikonion khuona Zehudi ngāi sinagog-a Paul lē Barnaba chu a vā lūt u na. A chongril u han Zehudi le Grik mi ngāi ātampā'n a hong iam u na. 2Tenchu a iam nōk Zehudi ngāiin namtei ngāi a mathok u na, ūnāi ngāi chunga malung āsia ei manchōi u. 3#Zn 4:48Hava sika han Paul lē Barnaba chu Puma ruia arāng chunga chong a ril titir u na, hava han hun asōtpā ei om u. Hatuka amānī'n sinsiana le boidongkhap sin ngāi chu athō u na, a lungkhamna rui a ni ngēt a tī na ei manriat u. 4Tenchu khuona mipui ngāi chu ansensāi pok u na. Asen chu Zehudi ngāi tiang a kop u na, asen chu kuitīr ngāi tiang a kop u na. 5Hatuka namtei le Zehudi ngāi le āruoipū u ngāi le han anruola mipui a manbūm a amāni chu māimōk asak rang le lung ādēng ranga ei ānsin u. 6#Mt 10:23Hava ha ei riat phing u le Lukonia rama Lustra khuo le Derbe khuona a va rot u na. 7Hava muna han thangahui a va ril chian u na.
Lustra lē Derbe-na Paul lē Barnaba
8Hatuka Lustra khuona a kēkhor khat ansut babanga a om a. Anzir len ātā ākhor zēt a ni, kal la chōi ngal ngāilui a ni. 9#Mt 9:28Amā'n Paul a chongril a rangāi a, Paul-in ama tiang a en chian a, ei dam theina ranga iamna a dōn tī a riat a. 10#Izk 2:1Hatuka anringpāna ankhēk a: “Na ke le kal chōia andīn phita ānding ro!” a tī na. Hatuka ama chu antōma kal ei chōi chunga ei sē a ni. 11Hatuka mipuiin Paul ei thō ngāi a mū u le Lukonia mi ngāi chonga anringpāna: “Pathian ngāi kēng miring anga koini ngāi kōma a hong āchum a ni zei!” a ti u na. 12#Ant 7:1Barnaba rang Zeus#14:12 Zeus: Grik pathian alian khīt a ni. Rōm ngāiin Zupitar (bervān) a ti u na. a ti u na. Paul chu chong aril athei ei ni sika Hermes#14:12 Hermes: Grik pathian a ni. Ama hi pathian ngāi palāi a ni. a ti u na. 13Hatuka khopui matona om Zeus biak-in ha chāizūngin sarāttang le pār raka ngāi makot kōla ei hong chōia amāni bila mipui a biak ngāi ranga anbōlna rang sarāt āthat rang ei zōt u a ni. 14#Mk 14:63Tenchu kuitīr Barnaba le Paul hava rui ei riat phing u le a puon u ngāi a thēt u na, mipui kāra atāna ei va lūt u. 15#Aph 1:1; 1Sa 12:21; Sām 146:6; Mt 16:16; 1Th 1:9; Anl 14:7Hatuka ei ānkhēk u na, “Miring ngāi, ichanga mo hiva om ngāi nei thō u? Koinī'm nangni ngāi anga nunchang anput adōn miring kēng nā ni. Hiva ei nemnabui akorong ngāi a māk a, Pathian adam tiang nei hong kīr thei una ranga, thangahui na kōm una nei hong mantung kēng. Ama chu phil lē anvān, tipui lē asūnga om ngāi dōra āsinpū a ni. 16#Sām 81:12; Mik 4:5Hava Pathian hān tianlāia namtei ngāi dōra a lampui chip azī ranga a hong āphal a ni. 17#Dān 11:14; Zōb 5:10; Sām 4:7; 65:10; Rōm 1:20Amā'n āsa tin ei thō na hin a ninga anriatna mi kōma ei pēk hi machāi pial mak. Anvān ātā roti ei na pēk a, akum le ahuna theimarā ei na pēk. Amā'n nēk sāk hanūk rāisānna le koini na malung ei na manbitpē,” a ti u na. 18Hava chong ngāi a ril u le kēng mipui ngāiin amāni ranga dāli ei dar u ranga nātā ei khāp zām thei u a lā ni.
19 #
2Ko 11:25; 2Ti 3:11 Tenchu Antiok lē Ikonion khuo nātā Zehudi nam senkhat a hong u na. Amānī'n mipui a but zat u na, Paul chu lung le a mandēng chian u na. Athi suo rang ei iam u sika han khopui ātā ei kei a, ei chōi u. 20Tenchu zolāi ngāi chu ama anhuol vinga anding u lāi han, ama chu anthuia khuo sūnga a vā lūt a. Hatuka zīng khuovāra Barnaba le han Derbe khuona ei sē u a ni.
Suria rama Antiok-a Paul lē Barnaba ei Kīr una
21Hava khuona han thangahui rui a ril u na, zolāi ātampā a manchang suo u le Lustra, Ikonion le Antiok khuona a kīr rēt u na. 22#Zn 16:33; 1Th 3:3; 2Ti 3:12Hatuka zolāi ngāi malung a manrāt a, iamnāna adettita āom ranga lungngamna a sak u na, “Antakna tamtak atiara Pathian rama nei lūt rang a nāng,” a ti u na. 23Hatuka kuibing tina pātar ā thang u na, bu ngoi chunga zār azong u le ei iam u Puma kōma ei betōk u chachak a ni.
24Pisidia rama va chīl suo u le Pamfulia rama a hong ātung u na. 25Perga khuona chong a ril suo u le Atalia khuona ei pan u. 26Hatuka hava nātā rakuong aliana Antiok khuona ei āntol u. Hiva khuo hi kuibingin kuitīr ngāi ei tīr una mun a ni. Hava lāi han Barnaba le Paul chu hasōndom ranga Pathian lungkhamna kuta a betōk u na. Atun chu a sinthō u rang azuia Antiok khuona a kīr rēt u na. 27#1Ko 16:9; 2Ko 2:12; Kol 4:3; Anl 3:8Hava han a vā tung u le kuibing chu a mankhōm u na. Pathianin amāni manga a sinthō ngāi le namtei ngāiin ei iam thei una ranga iamna suokkhār ei malong zia chu a ril u na. 28Hava han zolāi ngāi bila nikhuo sōtpā a om u na.
Bible in Ranglong, © Bibles International, the Bible society of Baptist Mid-Missions, 2024.