Kuitīr Ngāi Sinthō 13
13
Antiok Kuibingin Barnaba lē Saul ei Tīr una
1 #
Mt 14:1; 27:32; Efe 4:11 Hatuka hava lāi han, Antiok khuona kuibing āom ngāi bila han deari lē mīnchūpū ngāi senkhat a om u na. Hava ngāi bila a ni zei, Barnaba, Niger ei ti u Simeon, Kurini khuona Lukia, ramzobāk rēng Herod-in ei vāi Manaen lē Saul ngāi a ni u na. 2Hatuka Puma hasōndom le bu angoi chunga a om u lāi han Rathā Ānthiangin a kōm u na: “Barnaba le Saul chu ka ranga anthianga khāi u ro. Asik chu hasōndom ranga kei kui u kēng,” a tī na. 3Hatuka bu angoia le zār azong suo u le amāni chunga a kut a bāng u na, hatuka ei mansē u a ni.
Barnaba lē Saul Kuprios-a Pathian Chong ei Ril una
4Havan tin han Rathā Ānthiangin a tīr a Selukia khuona a sē rit u na, hatuka hava nātā Saipras tianga antola ei sē u a ni. 5#Heb 4:12Hatuka Salamis khopuia a om u lāi han Zehudi ngāi sinagog ngāia Pathian chong a va ril u na. Amāni san ranga a bil una Zohan um a om a ni. 6#Mt 7:15Hatuka havana muolanlān pumpui apal kiara Pafos khuo tenpei a hong āsuok u na. Hava muna han Zehudi mī khat, dōithei le deari rothol khat a va mū u na, a raming chu Bar-Isuo a ni. 7Ama ha ramoppū Sergia Paul dorbōndom a ni. Sergia Paul hi mihian khat a ni. Amā'n Pathian chong anngāi rang ei nuom sika Barnaba lē Saul chu a kōma ei kui a ni. 8#Isa 30:11Tenchu dōi athei, Eluma, ama a raming omzia chu hava len ha, amā'n hava ngāi ranga a lei khārtit a. Amā'n ramoppū rang ha iamna nātā ānkhīr ranga ei pūt a ni. 9#Lk 1:15Hankēng chu mī'n um Paul ei ti u Saul chu Rathā Ānthianga abita, dōitheipū māisuo tiang a en chian a. 10#Hos 14:9; Mt 13:38; Zn 8:44“O nang diabol a sanāi, anhuongna tin le anphilna tina ābit, dikna tin dōra āduipū, Puma lampui anzīk ātā ānkhōi rēt chachak hi bāng nō ta ni mo? 11#Ant 9:3; 1Sa 5:6-7; Sām 32:4En ro, atun len Puma kut chu na chunga a om kēng a ni zei, na mit zīng in tia khēp khat ranga a ni vār mu nō ta ni,” a tī na. Hatuka anlāiseka ansūm azīngin a hong khum a. Hatuka a kut asūra āruoi rang mī āroka ancham titir a. 12Hatuka hava ngāi ha a mū na ramoppū chu a hong iam a, hanūk chu Puma ruia anchūna ngāi chu achālaka a boi a mandong a.
Pisidia Rama Antiok-a Paul lē Barnaba
13Hatuka Paul le ama a lōm ngāi chu Pafos khuo nātā antol u na, Pamfulia rama Perga khuo tenpei a sē u na. Hatuka Zohan chu a lōm ngāi a māk raka Zerusalem-a a kīr viak a. 14Tenchu amāni chu Perga khuo a māk a, Pisidia rama Antiok khuona a vā tung u na. Hatuka Zehudi ngāi sabat nikhuona han sinagog-a a sē u na, a vā'n sut u na. 15Hatuka dānbū le deari ngāi lekhabū a siar suo u le sinagog-a ruoipū ngāiin amāni kōma chong a mathuon u na: “Paruol le ūnāi ngāi, mi ngāi ranga lungngamna chong angkhat pei nā dōn u ten, hong ril u ro ba,” a ti u na. 16Hatuka chu Paul andinga a kut le a zāp a,
“Israel mi ngāi le nangni Pathian ānchi ngāi, rangāi u ro. 17#Ant 6:6; Dān 7:6-8Hiva Israel mi ngāi Pathianin koini na chipui ngāi hi ei thang a ni. Hiva mi ngāi hi Āigupta rama a om u lāi han ei mansāng a ni, hanūk chu thōtheina ranak kut le han hava nātā a hong maruoi a. 18#Atl 14:33; Dān 1:31; Sām 95:10Hatuka kum 40 tāng pei mibuirama amāni bibila a tiar a. 19#Dān 7:1; Zos 19:51; Sām 78:55Hatuka amā'n Kanān rama nam sari āom ngāi chu a peipē kiar a, hatuka amāni ei luo u rang ram chu rāvānenna le han a bāk siam a. 20#Rui 2:16; 1Sa 3:19-20Hava suole chu deari Samuel a hun tenpei, kum 450 sūng amāni ranga ruirilpū ngāi a pēk a. 21#1Sa 8:5, 19; 9:1-2; 10:1Hatuka hava suole han amāni ranga rēng khat azong rēt u na. Hasikhan Pathianin Kis a nāipasal Saul, Benzamin a chīna mī chu amāni ranga a pēk a. Amā'n kum 40 a vong a. 22#1Sa 15:23, 26; Isa 44:28; Zer 3:15Saul chu a khāi suona, amāni rēng rang David a hong mathui a. Amā'n ama ruia hintin hin a tī na, ‘Zesāi a nāipasal David chu ka man zei, ama chu ka malungdō mī a ni, amā'n ka malung vong ngāi dōra chu na thōpē kiar in ti.’ (1Sa 13:14) 23#Zer 30:9; Mt 1:1, 21Ama a chī nātā Pathianin, chongtin ang taka Israel ngāi ranga Sandampū Isuo ei masuok a ni. 24#Mk 1:4Ama a hong mān han, Zohan-in malung ankhīra baptisma ālāk ranga aloma Israel mi ngāi kōma chong a lei ril a ni. 25#Mt 3:11; Zn 1:20, 27Hanūk chu Zohan a sinthō rang ngāi dōra asuo rang vit le han: ‘Nangnī'n koi hi tū a tī na mo nei mandon u? Koi chu ama ni mak ung a, tenchu entā, ka nūka āhong rang pū a kekok khitna rī āsūtruo ngal ni mak ung’ a tī na.
26 #
Lk 3:8
“Ūnāi le paruol ngāi, Abraham a chīna nāi ngāi lē Pathian ānchi ngāi dōra, nangni na kōma hiva sandamna chong hi ei na hong tīr a ni zei. 27#Mt 1:22; Lk 24:27Zerusalem khopuia āom ngāi le āruoipū u ngāiin ama chu ei riat u nōk sika, hanūk chu sabat nikhuo kipa āsiar chachak deari ngāi rōl um ei riatthei u nōk sika āsia ei manlō u han deari ngāi chong ei makhip a ni u zei. 28#Mt 27:20-25Ama chunga thīna rang khop peia siatna ītē a mū u nōkā'm ni sela āthat ranga Pilat a kōma ei va zong u a ni. 29#Mt 1:22; Lk 18:31; 23:53Hatuka ama a ruia anziak ngāi dōra a makhip suo u le thing khrōs ātā a masum u na, thāna a va phūm u na. 30#Mt 16:21Tenchu Pathianin āthī nātā a hong mathui rēt a. 31#Mt 28:16; Lk 24:48Hatuka Galili ram len ātā Zerusalem khopui tenpeia ama bila āhong ngāi kōma nikhuo tampā anlang a. Hava ngāi ha atun hin mi ngāi kōma ama āriatpui a ni u na. 32#Isa 40:9; Rōm 1:2; 9:4Hatuka koinī'm ni sela na chipui ngāi kōma Pathianin chongtin ei dōn, thangahui ha na kōm una nei hong ril a ni zei. 33#Mt 3:17Hivan tin hin Pathianin Isuo ei hong mathui rēta hin amāni a nāi ngāi chunga a chong ei hong makhip a ni. Asik chu Sām annina han anziak a,
“ ‘Nang chu ka Nāipasal nā ni,
Avian ka na mazir zei.’ (Sām 2:7)
34Hanūk ama chu ei heka phila ei kīr rēt lāi nōkna ranga Pathianin Isuo āthī nātā a mathui a. Hintin hin ama ruia a tī na,
“ ‘David a kōma a chongtinna bōrsāng ānthiang kei pēk chu
Na kōma na pēk rēt ka ti,’ (Isa 55:3) a tī na.
35 #
2Sa 7:12; 1Rē 2:10; 2Kh 29:28; Mt 9:24 Hasikhan ama dēnin Sām lekhabū teia hintin hin a tī na,
“ ‘Nangin na Mi Anthiang chu āmuot ranga phal nō ta ni.’ (Sām 16:10)
36Asik chu David, Pathian malung do ang taka a khūk ngāi kāra hasō a dom suole han ama chu ei thī a ni zei a. Hatuka a chipui ngāi bila anphūma ei chuoi a ni. 37Tenchu Pathianin ei hong mathui chu chuoina mu lāi nō ni. 38#Lk 24:47Hasikhan paruol le ūnāi ngāi, hiva hi riat u tānla hiva Isuo zāra, āsia anduolna chong chu na kōm una kei na hong ril a ni u zei. 39#Zn 3:15; Rōm 3:28Hanūk chu Mōsi dānin nangni ngāi sat na manlō thei u mak. Tenchu ama zāra tūkareng a iam tak chu sat ei ānlō thei a ni zei. 40Hasikhan deari ngāiin hong zāt mo ei ril u ha na chung una ei chul nōkna ranga anrēng u ro.
41“ ‘En u ro, nangni maniērō athei ngāi,
Na Changdong u'n tia, anpei u na ti.
Asik chu nangni na hun u lāia sin khat ka thō na,
Hava rui ha mī'n na ril ngal u sela
Hava ka sinthō chu iam u nō ta ni,’ a ti,” (Hab 1:5) a tī na.
42Hatuka Zehudi ngāi Sinagog ātā a suok suo u le namtei ngāiin Paul lē Barnaba kōma hiva chong ngāi hi a matona sabat nikhuona aril rēt ranga a mathēm u na. 43#Rōm 3:24Hatuka sinagog ankhōmna a chīn suole chu Zehudi mi tamtak lē Zehudi sākhuona ālūt Pathian andon ngāi tamtak bila mī'n Paul lē Barnaba nūk azī u na. Hatuka amānī'n mi ngāi a chongpui u na, hanūk chu Pathian a lungkhamnāna āom chian ranga mī a mathēm u na.
44Hatuka hanūka sabata chu Pathian chong anngāi ranga khopui pumpui chu a hong ānbūm zit u ang a ni. 45#1Th 2:16; 1Pe 4:4; Zud 1:10Tenchu Zehudi ngāiin mipui a lei mu u na, achālaka khāmaret athō u na. Hatuka amānī'n Paul a chongril ngāi dōra chu a lei ānkhalpui le a lei ērō u na. 46#Mt 21:41; Rōm 11:11Tenchu Paul lē Barnaba chu ngamna a dōn riam u na: “Pathian chong hi nangni na kōm una anril mānsa rang nei nāng a ni, tenchu na lei theimāk u sika tāituon damna āchang ranga nei ānbē u nōk. Hasikhan en u ro, koini chu namtei ngāi tianga anhoi in ti. 47#Lk 2:32Asik chu Pumā'n hintin hin koini kōma chong a na pēk a,
“ ‘Namtei ngāi ranga raāng nei chang thei una ranga,
Ramuol kōlkil tenpei sandamna āchang ranga kei na phun u kēng a ni zei,’ a ti,” (Isa 49:6) a ti u na.
48Hatuka hava ha namtei ngāiin a riat u na, a rāi asān u na, Pathian chong chu a manpāk u na. Tāituon damna āchang ranga Pathianin ei ruot ngāiin a iam u na. 49Hatuka Puma chong chu hava ram pumpuia aloma ā thek u na. 50#1Th 2:16Tenchu Zehudi ngāiin Pathian andon ngāi bila nupang senkhat le raming anthang uol nupang ngāi le khopuia ulian senkhat a mathok u na. Hatuka Paul lē Barnaba chunga ansinsakna rui a masuok u na, a khuo u nātā a razūl u na. 51#Mt 10:14Tenchu Paul lē Barnaba chu amānī'n ei dem u na, a kē philvut u chu āthinga ei māk u. Hatuka amāni chu Ikonion khuona a sē u na. 52#Lk 1:15Hatuka zolāi ngāi chu rāisānna le Rathā Ānthianga abita ei om u a ni.
Bible in Ranglong, © Bibles International, the Bible society of Baptist Mid-Missions, 2024.